سؤآل عن وظيفهـ آلمحآسبهـ ..

[أمير الهدوء]

آلسلآم عليكم ..
آنآ طآلب سنهـ تحضيريهـ ونآوي آتخصص في قسم آلمحآسبهـ ..

بآسآل عن عدد سنوآت آلدرآسهـ ..(( بآلصيفيهـ وبدونهآ ))
وآيش آشتغل بآلظبط ؟؟ يعني آروح لمكتبي آيش آسوي !؟؟؟!
وحوآلي كم روآتبهآ ؟؟؟ >> سؤآل مو مهم بس آبغى آعرف لآنهآ بتفيدني !.

وشكرآ لكم .

[أمير الهدوء]

وهل آحتآج آللغهـ آلآنجليزيهـ في وظيفتي ؟؟

[joony]

الدراسة : 4 سنوات ونص اي 9 مستويات


والرواتب على حسب الشركة او المسمى الوظيفي وكذلك شغلك في المكتب يختلف من مكان إلى اخر

بالنسـبه لمستقبل المحاسبه مستقبلها اكثر من رائع والمهم ان تكون من محبين هذه المادة اقصد المسائل الحسابية والتفكير والتدبير والتحمل للمواضيع الكبيرة في المحاسبة


بالمجال الخاص مضمون لأن القسم مطلوب لكن الحكومي انا اشوف انه يبغالو شوي من فيتامين (وآو)

وتخصص المحاسبة يتطلب التطوير باستمرار اي بعد الانتهاء من التخرج يلزمك دورات كتيرة وشهادات إضافية لكي يكون المحاسب على درايه كاملة بتطورات ومتطلبات المحاسبة الحديثة

وبالنسبة للغه الانجليزيه تفيدك اذا بتكمل ماستر هنا او حتى تقدم بعثه ولما تكتب في السيرة الذاتيه اكيد المفاضلة تكون لحاملي اللغه ومين فيه في هالايام مايتكلم انقلش ؟


رأيي الشخصي انه تخصص مطلوب فعلاً

بس نصيحة لا تفكر تدخله الا اذا حبيته واقتنعت فيه

عن نفسي لحد الأن ما استوعبته ومحد جاب العيد مع د.علي

ونصيحة اخويّه ترى حُب التخصص ميول

انت اقرا عن كل التخصصات وشوف التخصص اللي فعلا تقدره

وتحب تكون من رواده وتحب تكون فيلسوف فيه

ومميز فيه يعني محد يقدر يصير مثلك

لأنك تحبه ويحرك فيك روح الإبداع

وراح تشوف مستقبلا راح تكون حاب شغلك

وما عندك مانع تشتغل طول اليوم لأنك مستمتع

وحتى اذا واجهتك مصاعب بالشغل

ما راح اتلوم احد ولا راح تحس بالظلم لأن محد غصبك لا مجتمع ولا سوق عمل

انت اللي اخترت وعن قناعة تامة !


بالتوفيق

[أمير الهدوء]

يعطيكـ آلف عآفية خيتو ..
آنآ عني آحب آلريآضيآت وآلفيزيآء
يعني يآ هندسة آو محآسبهـ
..
بس آقنعني ردكـ
مشكووورة آوي

[أمير الهدوء]

آلآ مآ يمديني آتخرج قبل آلآربعه آترآم ونص ؟؟
..
يعني آخذهآ صيفيهـ ..

[ايمي المآلكي]

اللي أعرفه الدرآسة 4 سنوآت .. وأكيد يمديك تخلصهآ قبل أو على أو بعد الخطة ( يمكن معلومآتي قديمة لأني مغبّرة بذآ الجآمعة ) ..

شوف أخوي أنآ مآ بحبطك أبداً .. بس زي مآ قآلت جوني لآزم تحب التخصص هذآ أول شي وأهم شي ولآ مآرح تمشي فيه ..

الإنقلش جددداً مهم وإللي أعرفه الآن غيروآ أو أضآفوآ بعض المنآهج بالإنقلش بس عموماً جداً مهمة سوآء في مستقبلك الدرآسي أو الوظيفي .. والوظيفي أكثر إذآ إنك نآوي تتوظف على طول ومآ تكمل درآسة أو تبتعث .. إلخ

بالنسبة للروآتب .. معروفة روآتب الشركآت الخآصة ومن وآقع تدريبي ( لأني تخرج ) أقول لك لآ تتفآجئ أو تنصدم كل شركة لهآ سلمهآ الوظيفي وسلم الروآتب الخآص فيهآ .. وطبعاً على حسب سمعة الشركة تشتغل بششركة معروفة أو لآ .. يعني زي الشركة إللي تتدربت فيهآ إللي دربتني موظفة بقسم رآتبهآ تقريباً 5000 حلوة وطيبة لكن بعد إيش صآرت 5000 ؟ لهآ 6 سنوآت معهم والآجآنب مآكلين حق السعوديين ...

فيه وظآيف حكومية أكآديمية تنقبل بسهولة لو معدلك طيب في الجآمعآت النآشئة .. أمآ بجآمعتنآ المحترمة لآ تفكر ولآ يطرى لك لأنك بتتعب ع الفآضي .. هالسنة عدد المتقدمآت أكثر من 100 للمعيدية وبالأخير مآ يآخذون إلآ وحدة وتكون هالوحدة مختآرينهآ من قبل المقآبلآت الشخصية ( يعني وآسطتهآ قوية ) .. مع إنه الصرآحة القسم عندنآ يشتكي من قلّة السعوديين .. كل الموجوديين برتبة بكآلوريوس ( معيدآت ) أو مآجستير ( محآضرآت ) لدرجة إنه رئيسة القسم هي نفسهآ من 5 سنوآت مآ تغيرت صحيح إنهآ دكتورة لكن لآ دكتورآه ولآ مآستر ولآ بكآلوريوس كآنوآ في تخصص المحآسبة .. في وظآيف حكومية ثآنية زي مصلحة الزكآة والدخل .. عموماً المجآل للطلآب أوسع من الطآلبآت ..

بس صدقني لآ تسمع لآ لصندوق الموآرد ولآ أحد روح ودور بنفسك على وظيفة وأتعب .. الموآرد البشرية مآ عندهم إلآ كلآم فآضي ويغرونك بإن وظآيفهم حلوة وتنآفس وظآيف إللي رآجعين من إبتعآث بس كله كلآم فآضي .. لدرجة إن صآحبتي تخرجت الترم المآضي وقدمت من خلآلهم كلموهآ قآلوآ لهآ في وظيفة ( كآشير ) في سنتربوينت ..!! ، غير إللي يقدمون على شركآت خآصة ويسألونهم أول سؤال درآستك كآنت عربي ولآ إنقلش ولو عربي يقضبونهآ البآب .. الحمد لله على كل حآل ..

طولت بالحكي .. والله يوفق الجميع ..

[a.5]

صراحــــــــــــــة المحاسبة جمييييلة و ممتعـــة انا عن نفسي دخلت مزاجي

وطبعن في النهاية يرجع للاستاذ الي بيدرسك فيه يحببوك في المادة وفيه العكس والله المستعان .,.


بس ترى لهـــــــــــــــــا مستقبــــــــــــــــــــــــل وصارت مطلوبة كثييييييييييييير

والله ولي التوفيق .,.

[أمير الهدوء]

آحلى شكر لآيمي آلمآلكي ..
كفيتي ووفيتي في كل آلمعلومآت آللي آبغآهآ ..
جزآكـ آلله كل خير..

[ايمي المآلكي]

المشاركة الأصلية كتبت بواسطة أمير الهدوء آحلى شكر لآيمي آلمآلكي .. كفيتي ووفيتي في كل آلمعلومآت آللي آبغآهآ .. جزآكـ آلله كل خير..

ويّــآك يآرب .. أهم شي أنك إستفدت ..