هل نقدر ندرس من الأيميس ونترك السنترا

[11MAX11]

السلام عليكم

ياشباب هل نقدر ندرس من الأيميس بس
من غير مانحضر في الفصول الأفتراضية السنترا؟
وادا مادخلت على السنترا هل ممكن انه يأثر على درجاتي؟
لأني كرهت شي اسمه سنترا ماقدرت ادخل على المحاضرات حملت كل البرامج المطلوبه اللي فيه السنترا والفلاش والجافا بس مافي فايده يطلعلي رساله بالأنجليزي
Resources not found
اتمنى اني احصل الأجابه على اسئلتي
وشكراااا

[! سلطـــان !]

السلام عليكم

والله يا اخوي نصيحتي لك اذا وقتك يسمحلك تحظر المحاظرة لايف لا تتاخر

وشغله ثانيه المحاضره بعد ما تنتهي تتسجل في السنترا عن طريق محاضرات سابقه تقدر تحضرها باوقات ثانيه

ولازم اذا كنت ما تبي تحضر ترسل للاستاذ المسؤول عن الماده عن طريق الاميس على بريده وتخبره عن ظروفك وان شاء الله ماراح يقصرون معك عشان ما يخصم درجات ع عدم حضورك هذا كلامه لنا اليوم بالمحاظره

والايميس موجود فيه المنهج وبالصوت بعد بس ممكن ما يكون نفس الاستاذ الي يلقيها بمحاضرتك وبرضو المحاضره المسجله بالسنترا تقدر تسمع اذا كان في نقاشات او ملاحضات مهمه من المحاظر ... انا اشوف انهم مكملين لبعض السنترا والاميس ... بالنسبه لمشكلتك والله مدري من وين المشكله هل الخطا هذا يجيك اول ما تدخل والا اذا تدخل عادي ع السنترا واذا جيت تحظر المحاضره يطلع عندك ؟؟؟

وحاول من جهاز ثاني وشوف يمكن المشكله بجهازك

اتمنالك التوفيق

[mo999@11]

صح كلام اخوي سلطان احسن حضورك

تحيااتي

[11MAX11]

طيب وش العمل حملت كل البرامج المطلوبه ويطلعلي نفس الرساله
resources not found
resources not found
resources not found
كأنه يقولي طلقني بالثلاث
بس انا ماأدري هل فيه برامج تتعارض مع السنترا ممكن اكون انا محملها عندي ادا عندكم خلفيه فيدوني

[حلم ماضي]

اصلا المنهج الي في الايميس قديم قالت لنا اليوم الاستاذه
ونرجع للكتاب وملفات التحميل اذا وضعتها لنا
والسنترا حلو التفاعل مع الاستاذ واذا ماقدرت لظرف طارئ تلقاها مسجله

[مزركش]

المشاركة الأصلية كتبت بواسطة حلم ماضي اصلا المنهج الي في الايميس قديم قالت لنا اليوم الاستاذه ونرجع للكتاب وملفات التحميل اذا وضعتها لنا والسنترا حلو التفاعل مع الاستاذ واذا ماقدرت لظرف طارئ تلقاها مسجله

من وين احصل المحاضره المسجله الي في الستنرا
حاولت وماقدرت
مثلا اليوم عندنا محاضره ثقافه اسلاميه وماحصلها لافي سنترا ولا ايميس

[bshayr]

الكلام الي يجيك كان يجيني في البدايه بس انحلت!!!!!!!!
اقفل السنترا وافتحه كذا مره وفيه نفس الوقت!!!

انا اقفله وافتحه ويرجع يفتح تمام معاي
واحيان مره مايفتح اغير الشبكه حقتي :)

[ام البطلات]

يابنات انا ابغى ادخل على المحاضره المسجله على السنترا...
يجيني مربع بالإنجليزي غير قادر على تحميل الملف وتحته كلمة ok

ضغطت ok مانفع تجاهلت المربع برضو مانفع ...!!!
مع العلم انه اقدر اشوف المحاضره في ملفات التحميل بالايميس بس بدون صوت..
سؤالي اش اسوي في هذه الحاله..؟؟ّ!!...

[مزركش]

السنتر تروحي لنفس لسابق يكون فيه 3 اختيارات
وتحصلي المحاضره فيها
بس شلون تحميلها مش عارف

[rOni]

المشاركة الأصلية كتبت بواسطة 11max11 طيب وش العمل حملت كل البرامج المطلوبه ويطلعلي نفس الرساله resources not found resources not found resources not found كأنه يقولي طلقني بالثلاث بس انا ماأدري هل فيه برامج تتعارض مع السنترا ممكن اكون انا محملها عندي ادا عندكم خلفيه فيدوني

اتوقع مشكلتك من نظام الجهاز

اذا كان نظامك فيستا لازم تغيروه لان حتى لو فتح راح يسبب لك مشاكل في المحاضره