قصة طالب الهندسة مع المواد الحرة

[فااارس]

السلام عليكم

أتمنى من جميع طلاب الهندسة اللي اخذوا مواد "حرة" و ليست إختيارية ... يكتبولنا قصتهم مع المادة اللي اخذوها ...

يعني مثلاً يقولنا وش المادة اللي اخذها و رمزها و اسم دكتورها و تجربته مع هذه المادة و هل ينصح فيها الطلاب الاخرين...الخ

و ان شاء الله نستفيد كلنا من الموضوع و اولكم انا..


و الشكر واصل للجميع,,,

[يلدرم]

وعليكم السلام ورحمة الله وبركاته

معليه ممكن توضح اكثر

انت تبغى مادة عشان تكمل خطتك 155 ساعة من مواد الهندسة ولا مادة عشان ترفع المعدل وزيادة عن الخطة؟

انا اخدت كدا واخدت كدا انت ايش قصدك وانا اقلك المواد حقتي عشان لا يصير لخبطة للأعضاء

[فااارس]

اهلين اخوي يلدرم


الساعات الحرة اللي استفسر عنها هي المادة الحرة المقررة علينا من ضمن الخطة و هي مادة واحدة فقط من ضمن 4 مواد اللي هيا علم النفس و علم الاجتماع و المحاسبة و الاقتصاد

اتمنى الصورة وضحت الان

و الله يوففقك يالغالي

[فااارس]

و اذا عندك معلومات اكثر ...اتمنى تفيدنا فيها بعد

[يلدرم]

علم نفس كلها حفظ كان يدرسها ميسرة طاهر ودرجات اصحابي في السبعينات برغم انهم اتخرجو بمعدل جيد جدا من الهندسة

المحاسبة لا تأخدها مع الدكتور فيصل المالكي

يكون للهندسة شعبة وصراحة دا الدكتور مو تمام

علم اجتماع مااعرف عنها

اقتصاد جزئي متوسطة مو صعبه بس أسألك احمد المبدع اظن اخذها في الصيفي وانا اخذتها لكن عند اسامة فيلالي لا تأخدها عنده

[فااارس]

يعني انت فقط اخذت اقتصاد جزئي؟


طيب ما في طريقة لو اقدر اخذ مادة غير المواد ذي و تحسب بدالهم

كالغوص يعني او سباحة او اي رياضة او شئ في فله يعني و رياضه؟؟؟

[يلدرم]

المواد زي الرياضة يعتبروها خارج الخطة يعنى انت تبغى ترفع معدلك فتقوم تأخدها لكن لا تحسب من ضمن 155 ساعة

ماعندك الا لازم تأخد احد المواد الاربعة

[فااارس]

مشكور مهندس يلدرم

طيب كيف ممكن اقدر اخذ مادة من مواد الرياضة علشان ارفع فيها معدلي؟

وش رمزها و كيف طريقة تنزيلها؟

لاني اعتقد انه يبغالها واسطة

[يلدرم]

والله مااعرف رموزها لكن اخويا اخدها وهو طالب كلية اقتصاد

احاول ادور على كشف الدرجات واقلك المواد لانه اخد مادتين رياضة

انا اخر ترم دراسي رحت للمرشد الاكاديمي حقي وطلبت اضافة مادتين لرفع المعدل ووقع بالموافقة واعطيتها للسويدان

astr 201 مادة فلك ب4 ساعات وحصلت درجة حلوة وكان يدرسها المليكي

كمان اخدت bus 345 ب 3 ساعات استثمار عند الدكتور عبدالرحمن باشيخ وجبت درجة حلوة

[فااارس]

مشكور عزيزي

و ننتظر المشاركة من الجميع