أيش هذا التعامل ياموظفي جامعة الملك عبد العزيز...؟كأننا غنم

[لندنية]

للاسف هذا حالنا ؟؟

[كبااكاا]

أخوي سعيد -ولايهون الجمبع- أولا لابد نحق الحق ونقول ليس كل الموظفين بهذا التعالي واللامبالاه , ولي تجارب ومواقف كثيره تشهد بالمستوى المهني والأخلاقي اللي عليه أغلب منسوبي الجامعه , إلا ان لي بعض المواقف مع بعض الموظفين اللي لولا رحمة الله بي كان صار مالا يحمد عقباه نتيجه للتعالي وعدم التعاون وبذاءة الأخلاق .. لكن لااااابد نعترف أننا نحن من أهم الأسباب لتفشي هذه الظاهره بين بعض الموظفين بل وتماديهم أكثر وأكثر... بتقولي كيف؟؟؟!!

أول شي خلني أقولك راح أتكلم بوجه عام عن هذه الشرذمه من الموظفين أو الموظفات في كل الدوائر وليس الجامعه فقط.. اذا كان كل طالب أو مراجع لدائره حكومية عموما واجه مثل هذه المواقف وقام يآكل بنفسه ويتنهت ويعض شفاته من القهر ثم يضرب الباب ولا كأن شي حصل , فأبشرك بتلقى هذي العينه من الموظفين والموظفات في إزدياد طردي , وحتى اللي مهوب مثلهم ف أخلاقهم بيصير مثلهم , لأن تفاحه فاسده كفيله بإفساد الصندوق كله , الا من رحم ربي....
ياأخي لي متى نظل مكممه أفواهنا ومقيده أيدينا عن طرق باب المسؤول لأخذ حقوقنا منه ومن موظفينه , وإذا المسؤول "كبيرهم الذي علمهم السحر" ياخي فيه أكبر منه , وعلى قول المثل (مافيه يد إلا يد الله فوقها) , ياخي لازم نزرع ثقافة الجرأه والشجاعه لأخذ الحقوق , أنت مواطن ولك حقوق أقرتها لك الدوله ووظفت هذا الموظف وغيره لهذي الغايه , يعني خدمته لك سبب بعد الله لراتبه الشهري اللي يتقاضاه ,,,, ولايجيني أحد يقول وشلون بتدخل ع المسؤول ؟؟ او حنا مو فاضين للفرفره والمشاكل ليتنا نقضي أشغالنا !! يااااأخوان حنا حبانا الله سبحانه بنعمه عظيمه قل من لايحمد الله عليها وهي "التواصل الإلكتروني" مع المسؤولين بل وأكثر مع الحكومه اذا استدعت الضروره , والله الذي لا إله الا هو لو كل من واجه مثل هذي المواقف مع الموظفين او الموظفات وأرسل فيما لا يقل عن ثلاث ايميلات يوميا للمسؤولين- بالتدرج- موضحاً اسم الموظف ومكانه الذي يعمل فيه , وتفاصيل تجاوزاته سواء الأخلاقيه أو النظامية , بتلقى فيما لا يقل عن عشر شكاوي في اسبوع , لأن هذا الموظف راح يعاملك انت وغيرك بنفس الأسلوب , ولأن من أمن العقوبه أساء الأدب....... ولا راح اقول "العيار اللي مايصيب يدوش" لأني وااااثق بإذن الله إنه راح يصيب , ولي تجارب عده في كذا دائره حكوميه , فالعيار اللي مايصيب اليوم يصيب بكره , واذا ماصاب منك يصيب من غيرك..



بس لااااا تسكتوووووون .. وكثر الطق >>>>> يفك اللحام

ولكن فيه شي مهم وضروري ينبغي التنبه له وهو مراعاة الله فيما تكتب , فالظلم ظلمات يوم القيامه


وتقبل تحيااتي

[Jeddah Glamor]

لا عاااااادي

شفت كثير من هالشاكله

لا وأزيدك

ما يعترفون بالحكومه ونظامها

لأنه النظام يقول يبدأ الدوام الإداري من 8 إلى 2

إذا جيت 9 .. يا ويلك يقولون لسا ما قلنا يالله صباح خير

وإلا التصريفه الكبيره

منتي شايفتني اقرأ قرآن


وكثير شيوخ أنكروا هالشي

يقولون أنه وظيفة الانسان لازم يعملها على أكمل وجه

وسألت وحده من الاستاذات

وقالت أنا بوقت الفراغ ولو ما عندي حصص اجلس اقرأ

قال لها خلال وقت الدوام تخلصي كل شغلك وما تقدمي السنه على الواجب

والواجب الاخلاص بالعمل





ما أقول غير حسبي الله ونعم الوكيل

واللي تسوي كذا الله لا يبارك لها بوقتها ولا مالها

لأنها تأخذ راتب لهدف

مو عشان تأكل وتسولف

[يآرب مآخآب من ترجآك]

الله يعينك بس ترى يعني عادي لاتصير حساس بكل الجامعات كذا صدقني

[المقبلة على الجامعة]

ترى حتى انااااا احس انوووو قاتله احد من اهلهم من امن او استاذات الكل رافع خشموووووو

[BATI]

نصيحتي ليك لا عاااد تسأل أحد هناك عندك سؤال وخاصتن لو كان زي كدا سؤال عام مو حالة شخصية تعال المنتدى هنا واسأل

بالنسبة ليا الصراحة كل الللي قابلتهم يجننو يمكن عندنا البنات شوية التعامل أرقى الله اعلم
الله يوفقكم جميعا

[تونا بونا]

الله يسامحهم

[شرووق]

يا جماعه من كثر الضغط عليهم هما يتعاملو كذا ..
انا ما ابررلهم شينة النفس.. بس كل شي لو سبب ..
كثرة الاسئله والكلام تصدع الرااس وترفع الضغط وخصووصا الاسابيع الاولى ..وهما مو ملائكه ولا انبياء معصومين عن الخطأ .. يعني الواحد مايقدر يجلس على وتيره وحده طول الدواام الابتساامه ماتفارقه ..اكيد بتجيه حالات تعب وطفش من كثرة اسئله الطلاب ..
انا قابلت الصنفين ..

استااذات اعوذ بالله مايتحاكوا بالمرررررره .. واستااذات بالعكس اقول وينها ابغى اسألها ..

اقرب مثال اختي الصغيره لما تسأل كل شوي اعصب وحتى لو كانت اسألتها لهدف تبغى تعرفه ..وهيا وحده كيف لو كان دفعه كاامله ..


هونوهاااااا وتهووون ..


سووووووري اطلت عليكم .. وحسيت انكم كرهتووني خخخخخخخخخخ ..

[أحلى الحلواات]

من جد وباين اصلا من الحين مانزلو الجداول وفي اشياء كثيره ماوفروها لنا
يعني من جد احنا معملتنا سيئه
مشكوووووور يلي مني وفيني ^_*
على موضوعك الرائع

[فهد الحمود]

انا مره وحده راجعت العماده
عند الدكتور /عبد الفتاح مشاط
ومن نظرات عيونه نسيت السؤال
بعدها توبه اروح
وكل استفساراتي في المنتدى
ومشرفينا مايقصرون الله يعطيهم العافيه