تجميعة لاستفسارات دكاترة و دكتورات Med11 :)

[FrfoSha]

المشاركة الأصلية كتبت بواسطة no0o0on السلام عليكم ورحمه الله وبركاته .. كل عام و انتي بخير د. شيماء .. بمناسبه العيد <<قبل الزحمه وتقبل الله منا ومنك صالح الاعمال .. المهم .. كنت حابه أسأل عن هل ممكن أقدر أحمل على جوالي قاموس طبي .. بمعنى.. هل تعرفي قاموس اقدر احمله على جوالي >> نوعه نوكيا 72 e وجزاكم الله كل خير ..

و عليكم السلام ورحمة الله وبركاته و أنتِ بصحة و سلامة =)
بصراحة ماعندي أي فكرة عن قاموس للـ نوكيا .. دوري في قوقل يمكن تلاقي

المشاركة الأصلية كتبت بواسطة ~..روح طموحة..~ لو سمحتي حابة اسال هل لازم اكتب كل شي في المحاضرات يعني قد ايش الدفاتر الا لازم اجيبها وهل فيه اشياء كثيرة تحتاج شنطة كبيرة والا عادي اجيب شنطة صغيرة؟؟؟ومشكورة

لا طبعا .. لانو بكذا راح يضيع وقت المحاضرة عليكِ و ماحتفهمي تمام اذا كنتِ بس جالسه تكتبي كل كلمة طلعت من الدكتورة ..

اكتبي الأشياء اللي تحسي انها مهمه .. أو الدكتورة شرحتها كثير بدليل انو ممكن يجي فيها سؤال لانو في الاخير المحاضرة كامله اللي تشرحها الدكتورة راح تكون بين يدك ..

انا اشوف الدفتر الكبير اللي يكون مقسم .. بحيث انو تخلي لكل قسم ماده كويس .. و طبعا كل واحد و زي مايحب :)

بالنسبة للشنطة انا كنت اجيب شنطة ع الظهر في البداية اريح و اسهل .. لانو راح تحتاجي تشيلي معاكِ كتب زي الهستو و الامبريو و الاناتومي " الفاوندمينتال " .. بس ع الترم الثاني مافي كتب .. و برضو كل شخص و اللي يرتاح له ..

:)

[No0o0oN]

المشاركة الأصلية كتبت بواسطة frfosha و عليكم السلام ورحمة الله وبركاته و أنتِ بصحة و سلامة =) بصراحة ماعندي أي فكرة عن قاموس للـ نوكيا .. دوري في قوقل يمكن تلاقي :)

أمممممممم ..
جزاك الله خير ..
المشكله أني دورت صح اني ألاقي بس لما أحمل و أفتحه يطلع لي كلام مو مفهوم أو خربان ..


طيب رح أعكس السؤال ..
ايش هو ا الجهاز اللي أقدر أحمل فيه قاموس طبي حلو بحيث انه الجهاز يكون صغير بحجم الجوال << شرح مفصل

و آسفه حتعبك معايا ..

[بشائر الفرح =)]

[QUOTE=No0o0oN;4579815]أمممممممم ..
جزاك الله خير ..
المشكله أني دورت صح اني ألاقي بس لما أحمل و أفتحه يطلع لي كلام مو مفهوم أو خربان ..


طيب رح أعكس السؤال ..
ايش هو ا الجهاز اللي أقدر أحمل فيه قاموس طبي حلو بحيث انه الجهاز يكون صغير بحجم الجوال << شرح مفصل

و آسفه حتعبك معايا ..

+1
نفس السؤال + كتاب قاموس طبي تنصحين به يا دكتوره ؟
والله يسعدك ويجزاك بالجنه ما تقصري :)

[FrfoSha]

المشاركة الأصلية كتبت بواسطة No0o0oN أمممممممم .. جزاك الله خير .. المشكله أني دورت صح اني ألاقي بس لما أحمل و أفتحه يطلع لي كلام مو مفهوم أو خربان .. طيب رح أعكس السؤال .. ايش هو ا الجهاز اللي أقدر أحمل فيه قاموس طبي حلو بحيث انه الجهاز يكون صغير بحجم الجوال << شرح مفصل و آسفه حتعبك معايا ..

ممكن تجيبي لك Ipod Touch و تحملي فيه اللي تبغي .. اجهزهـ أبل غنية عن التعريف و ممتازهـ ..

المشاركة الأصلية كتبت بواسطة بشائر الفرح =) +1 نفس السؤال + كتاب قاموس طبي تنصحين به يا دكتوره ؟ والله يسعدك ويجزاك بالجنه ما تقصري :)

كتاب قاموس طبي آممممممم ..
انا عندي
Dictionary of Medical Terms
by : Mikel A. Rothenberg , M.D.
&
CHARLES F. chapman

حجمه صغير يعني ممكن تشيليه معاكِ في الشنطة و لغته جدًا سهــــــله .. دكتورة المصطلحات قالت لنا عليه السنة اللي فاتت ..

بس ترى مافتحته كثير .. لمن يكون عندك برنامج ع الآيباد أكيد راح تستغني عن الكتاب

عشان كذا اذا كنتِ ناوية انك تحملي برنامج حرآم تشتري الكتاب و يترمي في الدرج ..

[My space]

شكرًا لكم على الرد
رمضان كريم علينا وعليكم

[حُمرة الورد..!]

السلام عليكم
عندي كم سؤال وأكثر شي ممكن يفيدني البنات
حابه اسأل اذا تعرفوا محل يفصل لابكوتات ويحط الشعار عليها او حتى محلات خياطين تقولولي اسم المحل او تعطوني رقمه او حتى بالرسايل الخاصه اذا ممنوع نحط ارقام ؟

ثاني شي ايش افضل محلات تبيع لابكوتات او سكربات؟
وسؤآل ثاني متى ممكن نعرف اللون المحدد لسكراباتنا ومتى الدفعه الي قبلنا عرفوا ؟
و اي كليه رح نكون موجودين فيها يعني رقمها كم ؟
وبالنسبه للموقع الي حنتواصل فيه مع دفعتنا طبعا هوا للحين ماتسوا بس لين مايتسوا كيف حنتواصل ؟وكمان كيف حنعرف ؟
وعندي سؤال اخير ان شاء الله اللاب كوت هل فيه شروط معيه وايش هيا ؟
واول اسبوع مثلا لو داومنا من غير سكراب عادي ؟

واسسسفه اني كثرت الأسئله بس حطيت كل شي في بالي
والله يعينكم علينا ،، ومشكورين

[FrfoSha]

المشاركة الأصلية كتبت بواسطة حُمرة الورد..! السلام عليكم عندي كم سؤال وأكثر شي ممكن يفيدني البنات حابه اسأل اذا تعرفوا محل يفصل لابكوتات ويحط الشعار عليها او حتى محلات خياطين تقولولي اسم المحل او تعطوني رقمه او حتى بالرسايل الخاصه اذا ممنوع نحط ارقام ؟ عندك شارع باخشب مقابل مستشفى المستقبل في محل اسمو الحسيكي .. انا اشتريت اللاب كوت حقي من عندو السنة اللي فاتت و عليه الشعار كمان مرا كويس .. و أصلا كل المحلات اللي هناك حقت اشياء طبيه . ثاني شي ايش افضل محلات تبيع لابكوتات او سكربات؟ السكربات عندك محلين .. في تـــآيملس " الأقمشة الخـآلدة " في شارع صاري .. المحل دا اسعاره مرا كوويسة و كمان خامة القماش جيده ,, في محا ثاني اسمو " المظهر الطبي " في ناس يحبوهـ بس انا جربته و ما عجبني .. في سوق دانيه - شارع حراء .. اسعارهـ شويه غآليه .. انتِ روحي الإثنين و شوفي اللي يناسبك .. وسؤآل ثاني متى ممكن نعرف اللون المحدد لسكراباتنا ومتى الدفعه الي قبلنا عرفوا ؟ احنآ البنات لوننا موحد " أزرق ملكي " من إدارة الكليه راح يقولوا لكم في البرنامج الإرشادي .. و اي كليه رح نكون موجودين فيها يعني رقمها كم ؟ الإدارة حقتنا في مبنى 4 .. و الكلاس في مبنى 2 .. و الكافتريا و اللوكرات و المكتبه في مبنى 3 .. يعني كلو تبعنا وبالنسبه للموقع الي حنتواصل فيه مع دفعتنا طبعا هوا للحين ماتسوا بس لين مايتسوا كيف حنتواصل ؟وكمان كيف حنعرف ؟ غريبة مع اني سمعت انو سووا لكم منتدى خلاص ! ع العموم حيكون التواصل في البدايه ممكن بـ قروب الفيس ظغلين مايصير عندك منتدى .. و الأشياء هذي كلها تعرفوها من الليدر تبعكم لمن تبدأ الدراسة إن شاء الله .. وعندي سؤال اخير ان شاء الله اللاب كوت هل فيه شروط معيه وايش هيا ؟ أهم شيء اذا كنتِ ناويه تطلعي فيه برا الكلية .. يكون تحت الركبة و واسع .. واول اسبوع مثلا لو داومنا من غير سكراب عادي ؟ أكيد عادي .. ماراح يكلموكم ,, افتكر احنا اعطونا مهلة اسبوع قالوا بعدين راح نحاسبكم .. واسسسفه اني كثرت الأسئله بس حطيت كل شي في بالي والله يعينكم علينا ،، ومشكورين

و لا يهمك .. أي شيء في بالك تعالي أسأليه

و كل عـآم و الجميع بصحة و سلامـــة ..

[Asia omar]

حمرة الورد في قروب فالفيس اسمو kau med11

[طالب في جامعة المؤسس]

هل يوجد اعتذار عن الدراسة لسنة او ترم في الكلية لاي ظرف صحي معين ام يتم رفض الطالب ؟؟

[FrfoSha]

المشاركة الأصلية كتبت بواسطة طالب في جامعة المؤسس هل يوجد اعتذار عن الدراسة لسنة او ترم في الكلية لاي ظرف صحي معين ام يتم رفض الطالب ؟؟

نظام الدراسة في الكليات الصحية سنوي .. يعني تقدر تعتذر عن سنة كامله مو ترم ..

و أكيد لو كان عندك ظرف راح يقبلوهـ ..