اللي تخصصها جينوم تدخل ضروري

[الغزال الجافل]

السلام عليكم

انا تخصصت جينوم ولله الحمد ورح ابدا هذا الترم في مواد التخصص
سؤالي كم ماده تنصحوني اخذ وايش هيه خصوصا اني لسه مااخذت شي من التخصص ومين هم الدكاتره اللي موكويسات في الجينوم
مع العلم اني خلصت المواد العامه بس باقيلي عضوي رح اخذه الصيف الجاي ان شاء الله
وشكرا

[do0o0oja]

لطيب متى اتخصصتي
من الاودس ولا عن طريق الجامعه


انا ابى اتخصص جينوم بس مدري كيف بالاودس

[الغزال الجافل]

المشاركة الأصلية كتبت بواسطة do0o0oja لطيب متى اتخصصتي من الاودس ولا عن طريق الجامعه انا ابى اتخصص جينوم بس مدري كيف بالاودس

لايااختي انا تخصصت من الترم الاول من الجامعه قدمت ورقه بس ماكان يمديني اخذ مواد من التخصص

[شيراز]

لوسمحتوا ابغى احد يجااااااااوبني محتاره
انا جبت في الوراثه b+
لكن الخليه جبت درجه نازله مره c
اقدر لما اخذ بيلوجيا جزيئيه واجيب a يدخلوني جينوم اقدر ولا لأ ؟؟
عشان لو ما اقدر اخذ حيوان واتخصص حيوان او نبات بليز جاوبونييييي

[oOSOMAOo]

حيعملو مفاوضة اعتقد و ياخذو الافضل
انتي خدي حيوان بعدين قدمي على التخصص
حطي جينوم بعدين حطي حيوان و ربيي الي فيه الخير ييسرلك هوا

[oOSOMAOo]

بالنسبة للاخت الغزال والله انا زيك دا اول ترم اخد مواد تخصص
بس لو تلاحظي مواد التخصص شعبة وحدة بس يعني مافي امل انك تختاري استاذة تانية
كلنا نتجمع في شعبة وحدة

وموفقة يا حلوة

[pink ink]

عزيزتي خليجي ع الخطه بالظبط وحدي الأساس عشان لو اخدتي مواد متقدمه فجأه رح تتعبي وما رح يكون عندك اساس كويس
بعيدين دكاترة الجينوم محدودين ههههههه ما رح تقدري تهريب من وحدة مؤ كويسه لوحدة كويسه اهم شي اعتمدت على الله ثم على نفسك لانو القسم عموما يحتاج مجهود
موفقه يارب

[عاشقة الزمان]

(الغزال الجافل ) بسألك كم المعدل اللي قبلوك فيه تخصص جينوم معدلك يعني؟

وكمان لما تتخرجي ايش بتكون الوظايف مثلا لتخصصك دا ؟

بليز محتاجه اجوبه منك وبدعي لك من كل قلبي (:

[الغزال الجافل]

المشاركة الأصلية كتبت بواسطة عاشقة الزمان (الغزال الجافل ) بسألك كم المعدل اللي قبلوك فيه تخصص جينوم معدلك يعني؟ وكمان لما تتخرجي ايش بتكون الوظايف مثلا لتخصصك دا ؟ بليز محتاجه منك وبدعي لك من كل قلبي (:

شوفي المعدل مو لازم عالي(هذا الكلام قبل سنه لمن تخصصت) لانوا كنا كثير معدلاتنا ثلاثه ونص وفوق بس اهم شي الوراثه والخليه تكون درجاتك حلوه فيهم بس ماادري ذحين كيف زادت النسبه ولالا
بالنسبه للوظايف الصراحه ماسمعت بشئ بس انا قلت يمكن يكون احسن من المايكرو اتخرجوا منها بنات كثير والعلم عند ربي بس كم بنت قالتلي انو مو معترف بيه بس ماني متأكده
انا اللي خايفه منو الدكاتره فيه وحده تدرسك مادتين(اذا سيئه الله يرحمك) ومافي كل ماده الاشعبه وحده يعني لازم تمشي على الخطه وانا ماني متعوده ع الكرف

[الغزال الجافل]

المشاركة الأصلية كتبت بواسطة pink ink عزيزتي خليجي ع الخطه بالظبط وحدي الأساس عشان لو اخدتي مواد متقدمه فجأه رح تتعبي وما رح يكون عندك اساس كويس بعيدين دكاترة الجينوم محدودين ههههههه ما رح تقدري تهريب من وحدة مؤ كويسه لوحدة كويسه اهم شي اعتمدت على الله ثم على نفسك لانو القسم عموما يحتاج مجهود موفقه يارب

لوسمحتي انتي متخصصه من متى؟ تعرفي الدكتوره نسرين طاشكندي كيف؟ كويسه ولالأ؟
خايفه منها سمعت انها جايه من برى وشديده والمشكله انا معاها بمادتين
انا كنت اعرف بنت قابلتها وسط الترم الثاني كانت خايفه ترسب معاها وبعدين ماعد شوفتها وانقطعت الاخبار بليز اذا تعرفي شي عن هذي الدكتوره قوليلي
مشكوره مقدما