طموحك....هل ما زال ام تغير................ز

[$$د.عباادي$$]

السلام عليكم

كيف حالكم ان شاء الله بخير......


حبيت اسالكم تتذكروا أول يوم دخلتو فيه المدرسة

اكيد كل واحد فيكم كان يفكر في طفولته متى راح أخلص

وأسير.........

انا عن نفسي من طفولتي كنت اقدر الطبيب واعتبره مهنة انسانية

تنقذ بها حياة الناس حتى بالثانوية كنت اكتب على الكتب د...........

انتو ايش كنتو تفكروا وياليت تتكلمو بطلاقة عن حلمكم ومغامرتكم

وطموحكم القادم


تقبلو تحياتي...........

[بسمة حلوة]

انا من انا طفلة ابغى ادرس حاسب الين ماطلعت الجامعة ودخلت العلوم بس ربي ماسهلها لي..وتعكست الامور في وجهي..وكل ماسالت احد قال لي اش تخصصك قلت ان شاءالله حاسب..بس بعدين اقتنعت وحولت اقتصاد وادارة تخصص ادارة اعمال -نظم معلومات ادارية..
بس الهدف ماتغير ان شاءالله ربي يسهل لي واكمل ماجستير حاسب او بكالوريوس حاسب في معهد العالمية.."ان شاءالله ربي يبلغنا احلامنا كلنا"..

[عبدالله الحمد]

د. أبو عابد .. بداية احيي فيك هذا الطموح الكبير .. وبأقول لك شيء .. قد تواجهك صعوبات كثيرة تصيبك في بعض الأحيان بالإحباط .. لكن لا تستسلم ..فلابد دون الشهد من إبر النحل ..
واصل مسيرك لتحقيق حلمك وأسأل الله تعالى ان يوفقك ويوفقنا جميعا..
تحياتي العطرة..

[$$د.عباادي$$]

بسمه حلوه .... شكرا على المرور العطر والله يوفقك في الاداره

عبدالله الحمد..... الله يسلمك يارب ويفقك وين ما رحت وشكرا على المرور العطر

[فروته]

لما كنت صغيرة كنت اقرا مجلات ماما
واحب اقر زاوية اخصائية التغذية
فقررت اصير زيها
الين السنة هذي كل ما اقول لحد بادخل تغذية اكلينيكية يقول ماله مستقبل
فالحين محتارة وين اروح بعد التحضيري

[Eng:da7moon]

بالنسبه ليه لمن كنت صغير اي احد يسألني ايش تبغى تصير لمن تكبر اقووووووول مهندس بس كنت وقتها يعني ماأدري ايش معنى مهندس بس اللهم انو يلبس قبعة واقيه في راسو وبس ههههه بس الحمد لله اني قدرت احقق حلمي

[cнαяιsмα]

اناا ان شاالله هندسة كيمياائية .. حتى اغلب النااس دايماا يقولولي ادخل طب ادخل طب

بسس ماادري احسس ما عندي رغبة

وكل اللي يجيبووآ ربناا كويس

وبالتوفيق للجميع ان شاالله

[miss nony]

الطموح الي انت في قرارة نفسك تبغاه وتسعى لهذا الهدف واذا ربي كاتبه لك
بأذن الله تحققه بس لازم الواحد يعمل بالاسباب ويوكل امره لله سبحانه وتعالى

انا عن نفسي من يوم ماكنت صغيره كنت اسمي نفسي د\ ...... حتى عندي لعبه فيها سماعات واشياء طبيه
وبنات خالي المرضى هلكتهم باللعبه الدكتورة هههههههههههههههههه

وان شاء الله ربي يحقق لي حلمي بأذن الي ماتنام عينه
والجيمع يارب
مشكور خيو على طرحك القيم

[Confused]

من و انا صغيرة بابــــا كان يقلي الدكتورة و يا دكتورة و ان شاء الله دكتورة ..
كنت انقهر منه و اقله ما ابغى اصير دكتورة ..
لما وصلت على ثاني متوسط و صرت افهم بالافلام .. قلت ابغى اصير ممثلة و امثل
مع تووووم كرووووز << فضااااوة
لما كبرت صرت بالثانوي و بدأت افكر بالمستقبل .. قلت اصير كاتبة و مؤلفة
لاني اعشق كتابة القصص .. بس كل ما قلت ابغى اسوي شي
قالوا ماله مستقبل .. بعين قلت ابغى طب نفسي .. بس الله يقلع الابليييييس
كمان ماله مستقبل .. قرفت عمري من المستقبل ..
فخلاص قلت ابغى طب بشري ..
مع اني لسه احلم بالمغامرات و الاكشن و الى الان احب الكتابة ..
مع اني فاشله فيها ..
بس نفسي القى وظيفة فيها مغامرات .. و لها مستقبل ..
بس احب الطب كمان .. و خصوصا النفسي .. مررررة اعشقه .. و كمان احب الجراحة ..
بس قلت كمبيوتر لاني افهم بالكمبيوتر .. و تغذيه لاني حاستها ممتعة ..
فمدري و الله مشتته .. ما عندي شي معين .. سوري طولت عليكم ..
خليتها قصة عمري ..

و يلاااا See Ya
Confused

[صدى الآمال]

انا من يوم وانا صغيره اتفرج تلفزيون واتمني اكون مذيعه

بس في مجتمعنا مرره ما اقدر اسير كدا
تغير طموحي اني اسير دكتوره بس لم دخلت التانوي حسيتو مو مهنتي لاني مر ما استحمل اشوف اشياء تحزن ولا احد مريض قدامي علي طول دموعي معاه هههههههه .. بس فكرت ايش الشي اللي ممكن يكون يناسب لي شفت اخصائيه اجتماعيه مره احبها لاني راح اكون قريبه من كل واحد يتالم بس برضو قلت بتعب قلبي مرره وما راح اقدر استحمل وخصوصا كمان اني علمي واميل للعلمي .. ودايم انا اقرا عن الادويه واحب اكتشف فيها واعرف دا لا ايش ودا لا ايش وتمنيت اخيرا اني ادخل صيدله وكمان انا احب الحاسب بشكل كبير ومتخصصه فيه واهلي لو استصعب عليهم شي نادوني يعني للان في راسي اما حاسب او صيدله

تعدي السنه التحظيريه دي ان شاء الله علي خير
واشوف ايش ادخل

حاسب

ام

صيدله