ساعدوني الله يجمعكم مع الرسول في الجنة .. بليز ساعدوني..

[سمر الحربي]

سلااااااااام مرااااااحب
كيفكم جميعاااا ..
راح ادخل في سؤالي على طول ...
1/ انا حابة اتخصص حاسب بس خايفة يكون مررررة صعب وينزل معدلي علشان كذا بسالكم (صعب ولا متوسط ـ دراستة بالعربي وانجليزي ولا كلة انجليزي ـ عدد سنوات الدراسية للتخصص ـ مجالاتة الوظيفية ) ..
2/ انا ابغى نصائح منكم عن التخصص حتى اذا كانت زيادة عن اسالتي ..
لكم جزيل الشكر

[اللولو]

وعليكم السلام ورحمة الله وبركاته

الدراسة 5 سنوات وباللغة الإنجليزية.....

القسم مو صعب اذا كنتي حابته ...وبالنسبة للمعدل في بنات الى أخر ترم ماشاء الله محافظين ع الإمتياز

ولكل مجتهد نصيب

[سمر الحربي]

المشكلة انا مااااش في الانجليزي ايش الحل ؟؟
انا احب الحاسب ونفسي اتخصص حاسب والله مشكلة بليز محتاجة نصيحة منكم بليز ...

[اللولو]

الإنجليزي راح تتعلميه خلال دراستك راح تتعبي أول سنة بس راح تمشي بسهوله في السنوات الباقيه وبعدين حنا دخلنا وخلفيتنا في الانجليزية من اللي تعلمناه في الثانوي يعني لا دورات ولاشي والحمد لله عدينا

لاتخلي الانجليزي يعيقك عن هدفك ...إذا وقفتي عليه الحين راح تتعبي في حياتك لان كل ماتبغي تمشي خطوه راح تلاقي صعوبة وماراح تمشي الا لما تشيليها من طريقك ..فكري فهالكلام وراح تقرري صح

[سمر الحربي]

نفسي ادخل والله انا من الثانوي وحلمي ادخل حاسب بس لما عرفت انو انجليزي تحطمت حسيت حياتي اللي حلمت فيها راحت هباً منثورا انا من كثر مااحبة درس دبلوم وعندي شهادات ثانية كلها علشان اتوفق فية ..
طيب انتي كيف في الحاسب كيف قدرتي تذاكري وكيف جبتي معدلك بليز ردي عليا انتي الوحيد اللي رديتي وانا اثق برايك ..
انا عندي مبادئ انجليزي اختبار المستوى الاول جبت 81 من 100 ..
بس المشكلة ماعندي معلومات كثيرة (كلمات انجليزية )..

[تباع الشمس]

حبيبتي سمر لا تخلي اللغة توقف قدامك
من قال لك انو احنا الحين بلابل في الإنجليزي
زي ما انت مشيتي في التحضيري رح تمشي في غيرها
بعدين لو فكرتي تدخل اي تخصص ثاني ترى كل تخصصات الجامعة انجليزي ماعدا بعض اقسام كلية الآداب
والوظايف كلها تحتاج لغة ^_^


بس حبيت اعلق على مسألت انك كاتبة في معلوماتك الشخصية انتساب ما أبغى احطمك بس
الإنتساب ياقلبي مايدخلوا حاسب لأن الحاسب للعلمي ^_^

[اللولو]

المشاركة الأصلية كتبت بواسطة سمر الحربي نفسي ادخل والله انا من الثانوي وحلمي ادخل حاسب بس لما عرفت انو انجليزي تحطمت حسيت حياتي اللي حلمت فيها راحت هباً منثورا انا من كثر مااحبة درس دبلوم وعندي شهادات ثانية كلها علشان اتوفق فية .. طيب انتي كيف في الحاسب كيف قدرتي تذاكري وكيف جبتي معدلك بليز ردي عليا انتي الوحيد اللي رديتي وانا اثق برايك .. انا عندي مبادئ انجليزي اختبار المستوى الاول جبت 81 من 100 .. بس المشكلة ماعندي معلومات كثيرة (كلمات انجليزية )..

انا وبكل صراحة كنت ماأحب الحاسب وماكان أبدا في خياراتي إني أدرسه ...

كان لازم اختار قسم وكان يعتبر أفضل الأقسام في العلوم والله العظيم اني دخلته حتى جهاز ماأعرف أفتحة لأن مافي كان أحد متعلم في البيت وأهلي تعليمهم على قدهم ....

ومع ذلك بتوفيق من الله قدرت أدخل القسم ومعدلي ولله الحمد مقبول والانجليزي أفهم اللي ينقال واللي مكتوب بس أحتاج ساعة علشان أرتب كلمات في عقلي وأقولها "عمري ماكنت صريحة هالكثر بس ربي ميسر لك ان اتكلم وبكل صراحة "

وإذا صحيح إنتي إنتساب لازم تحولي إنتظام وبعدين تقدري تدخلي حاسب ...

ولو لا قدر الله ماكتبلك لاتوقفي ادخلي ادارة وكملي دورات برمجة شبكات ومن هالشغلات أقولك ليه لاني الحين منزله فديوهات تعليمية للبرمجة المدرس اللي يشرح خريج قسم تجارة طبعا انا قلت كيف ؟؟؟بس ماشاء الله هو جاوب وقال "مين قال ان البرمجة والكمبيوتر لبتاع الحاسبات بس "طبعا الاخ مصري بس كلامه عين العقل ...

ويااارب يوفقك ونشوفك في الحاسب ونسمع صدى اسمك في يوم من الأيام ...

[سمر الحربي]

مشكورين يعطيكم العافية ..
انا باذن الله راح احول للانتظام طبعا ..

انتو اعطيتوني امل انا فقدته بصراحة يعني ماادري كيف اشكركم بس وعد مني راح ادعيلكم في كل صلاة ولاتنسوني بامانة ادعولي انا اشكرك على صراحتكم معايا يمكن هيا دافع كبير بتكون ليا ..

طيب كيف كنتي تشاركي وتفهمي مع استاذتك ؟؟وشرحهم كلة انجليزي ولا فية مداخلات بالعربي لاني ميح فية مره ..
بس فيه سؤال ؟؟؟
انا الحين مستوى ثاني متى اختار التخصص لانو الحين فتحوها ومالقيتها في الاودس ايش الحل ؟؟

[اللولو]

المشاركة الأصلية كتبت بواسطة سمر الحربي مشكورين يعطيكم العافية .. انا باذن الله راح احول للانتظام طبعا .. انتو اعطيتوني امل انا فقدته بصراحة يعني ماادري كيف اشكركم بس وعد مني راح ادعيلكم في كل صلاة ولاتنسوني بامانة ادعولي انا اشكرك على صراحتكم معايا يمكن هيا دافع كبير بتكون ليا .. طيب كيف كنتي تشاركي وتفهمي مع استاذتك ؟؟وشرحهم كلة انجليزي ولا فية مداخلات بالعربي لاني ميح فية مره .. بس فيه سؤال ؟؟؟ انا الحين مستوى ثاني متى اختار التخصص لانو الحين فتحوها ومالقيتها في الاودس ايش الحل ؟؟

الله ييسر لك صراحة عجبني طموحك موفقه يااارب

بالنسبة للشرح ترى مو الكل يشرح انجليزي مثلا انا في قسمي عندنا 3 أستاذات هنديات يشرحوا بالانجليزي بس لغتهم مبسطه وهم عارفين اننا مو مره شاطرين في الانجليزي فيعيدوا ويوضحوا بكل سهوله
والباقي يشرحوا بالعربي

بالنسبة للتخصص صراحة ماأدري الجامعة كل سنة لها اسلوب في القبول والتخصصات بس المفروض تسألي مشرفتك او طالبات السنة اللي قبلك ان شاء الله أحد يفيدك غيري

[سمر الحربي]

طيب انا اقدر اختار ادخل مع اي استاذة ولا الاستاذات نفسهم مايتغيروا ؟؟