ساعدوني الله يجمعكم مع الرسول في الجنة .. بليز ساعدوني..

[اللولو]

حسب كل مادة يعني في مادة تمسكها بس استاذه لكل الشعب وفي مواد لا

ترى الأستاذات الهنديات يدرسوا في المستويات من 4-10 يعني خلاص يكون عند خلفية في مصطلحات الحاسب
ولا تخافي والله إنهم زي العسل وكويسات في الشرح

[NaSeM]

بس حبيت اعلق على شي ... الانقلش ابدا ابدا ابدا مو عائق حتى لو مستواكي مو هذاك الشي ... في كثير دخلو على خلفيتهم في الثانوي وماشاء الله درجاتهم من اعلى الدرجات ... وكلنا قبل ماندخل مو الحاسب السنة التحضيرية بكبرها كنا خايفين زيك ... لكن مرره عكس ماتصورناه ... شوفي الانقلش في السنة التحضيرية نفس الحال في التخصص ^^
بالتوفيق لك يارب .. وربي يختار لك الخيرة الطيبة

[بسمة قمر]

انا الحمدلله تخصصي cs zومممره مرتاحه فيه ولله الحمد
مع اني لسا السمستر الاول ^^
انا بجامعة عفت ودراستنا اربع سنوات
ليه انتو خمس سنوات ؟
مااعرف اذا موادنا زي بعض قصدي عبدالعزيز وعفت اذا المواد نفسها والا لا
لاني احتاج استشاره في الجدول وكيف ارتب المواد مع بعضها البعض عشان مااتعب خلال السمستر زي ماسار معايا الحين ><
ابغا اشوف الخطه الدراسيه لبنات الـ cs اذا زي حقتنا والا لا
ياليت اللي عندها تفيدني
لصاحبة الموضوع اقلها انو ابدن ابدن الانقليزي مو عائق ولما تدرسي انقليزي في اي مكان لاتدرسيه على اساس انو مادة تذاكريها وتختبري فيها وخلاص لااا
ادرسيه على اساس انو مادة لكي تحفظي كلمات وجمل وهكدا
والدراسه ابدن مو سهله وابدن مو صعبه
ولكل مجتهد نصصصصيب
والله يوفقك ^^

[سمر الحربي]

مشكورين ..
بس بسأل هيا الجامعة كم مستوى ؟؟
والمستوى الثالث تابع للتحضيري ولا للتخصص ؟؟ لانو انا الحين تحضيري مستوى ثاني ولسى مااخترت التخصص وفية بنات في الموقع يقولون انو في المستوى الثالث ؟؟

[بسمة قمر]

انتو تبدأو تحسبو المستويات من التحضيري !

[سمر الحربي]

بصراحة مافهمتك كيف تحسبو المستوى من التحضيري ؟؟؟
انا سالت علشان فية مستوى ثالث تقولون نختار فية التخصص وكمان حبيت اعرف الجامعة كم مستوى ؟؟

[بسمة قمر]

يعني انا قصدي انتي كيف الحين مستوى ثاني !
انتي لسا بالتحضيري صح
انا اللي اعرفو انو لما تدخلي التخصص يسير ينحسب عليكي انتي في اي سمستر
مش ينحسب عليكي مع التحضيري
يعني انا الحين درست ترم انقلش والترم الثاني دخلت التخصص
فالترم الاول اللي درستو ماينحسب ضمن خطتي الدراسيه ولاشي
هذا يعتبر الفرست سمستر بالنسبه ليا ومن هنا يدأو يحسبو المعدل مش من البدايه
ماكنت اعرف انو انتو من التحضيري تبدأ تنحسب المستويات ^^

[سمر الحربي]

مااعرف بس سمعت انو ينحسب المستوى من التحضيري ..!!!!!

[بنوته كيوت خدودها توت]

حبيت اقول انه الانجليزي ابدا مو عائق أبدا أبدا
وبالنسبة للمستويات عندنا في جامعة الملك عبدالعزيز تنحسب المستويات من التحضيري
وبالنسبة للحاسب المستوى الثالث حاسب عام والمستوى الرابع هو اللي تتخصصي cs أوit أو is

وبالتوفيق للجميع ياااارب

[تقنية معلومات]

سنوات الدراسه 5
الدراسه باللغه الانجليزيه لاكن مع التعود بيكون شي عادي جدا لاكن المهم تحاولي تحبيه
المجالات الوظيفيه تقدري تعملي في اي شي مثلا في مستشفى او شركه او تدريس الي بدك
طبعا ماقدر اقول لك سها او صعب لان كل حد وميوله انا بالنسبه لي متوسط
لاكن انتبهي في طلاب كثير دخلوا وهم مايحبوا يتعلموا تلاقيهم مايمشوا فيه ابدا
اتمنى اكون افدتك