التحويل الى الطب بجامعه الملك عبدالعزيز

[hamss]

السلام عليكم ورحمة الله وبركاته ..
انا طالبه من السنه اللي فاتت طبعا مع السنه التحضيريه ماجبت معدل .. فسحبت ملفي وقدمت على ام القرى وقبلوني طب ..
فدحين انا افكر اطلب طلب تحويل للجامعة ..
وان شا الله اجيب معدل 3 ونص من 4 يعني ممتاز ..
يعني مستوفيه للشروط .. بس هل في تحويل ولا لا ..لاني سمعت انو مافي تحويل للكليات الصحية
تيب سؤال تاني هما راح يعدولولي المواد بس شرط ان اخد باقي المواد اللي بالسنه التحضيريه وانا اخدتها وعندي اثبات اني درست بالجامعه فهل راح يرضوا ولا لازم اخد من او و جديد ..
ياريت تفيدوني ..
عشان لا احط امل بالتحويل وبالنهايه ما اتحوول ..
وشكرا

[ahmad smart]

راسلي عميد القبول والتسجيل

الوحيد الا يقدر يفيدك

ولو تروحيلو يكون احسن

[د/ روميو]

ياليت اختي لو تعطيني معلومات عن الطب البشري هناك في ام القرى .....

وكيف تنصحيني لو سمح الله ..ما انقبلت طب هنا ...
اروح اقدم هناك ...؟؟

والله يكتب لك الخير ان شاء الله ..

[hamss]

المشاركة الأصلية كتبت بواسطة ahmad smart راسلي عميد القبول والتسجيل الوحيد الا يقدر يفيدك ولو تروحيلو يكون احسن

انا ان شا الله بقدم ع التحويل وطبعامن قسم الرجال ..
بس بستنى الترم التاني يعدي على خير .. عشان يكون ليا وجه اني اتكلم ..
مشكور ع المرور
دمت بود

[hamss]

المشاركة الأصلية كتبت بواسطة د/ روميو ياليت اختي لو تعطيني معلومات عن الطب البشري هناك في ام القرى ..... وكيف تنصحيني لو سمح الله ..ما انقبلت طب هنا ... اروح اقدم هناك ...؟؟ والله يكتب لك الخير ان شاء الله ..

اقوووولك هيا وبصراحة ازا انتا رغبتك طب قدم .. ولا انك تدخل قسم وانتا مو مقتنع فيه ..
ع العموم ترا الدراسة هناك جدا سهلة .. وصراحة يراعو .. وطبعا مو زينا الدرجات كلها بالاختبارات .. في درجات نشاط ومشاركه وبعضهم حتى ع الحضور ..يعني ان شا الله لا تخاف تقدر تجيب الدرجات بالراحة ..ويعني لما نشتكي يسمعولنا .. حتى في ناس ما جابو درجات بالفيزياء قامو سوا لهم بونس وكويز تحسيني ..< طبعا بعزوز لو تحلم مافي
بس صراحة كمباني ومعدات شوويا مش ولابد ..طبعا مو زي جامعة الملك عبد العزيز ..بس يحاولو يعدلو ويطوروا شوويا ..
وترا كتير ناس قدموا ع أم القرى ويبغوا يكملو فيها عشان الدراسة اسهل ..
بس الله يعينك ع المشوار <انا بحوول كلو من المشوار .. هلكني ..
بس ازا تبغى تسكن هناك تلاقي سكن جامعي وفي خاص كمان ..
أتمنى اكون افدتك ..
واي سؤال عندك انا حاضره ..
دمت بود ..

[JuStice]

.

بما إنِك درستي السنة التحضيرية بـ جامعة الملك عبد العزيز ..

فإذا قدمتي طلب التحويل وتم القبول فأكيد ما راح تعيدي التحضيري ويصير إما تبدأي من تالتة بما إنك درستي تانية في أم القرى أو تانية حسب النظام ,

روميو : نصيحة لا تحوّل من جامعة الملك عبد العزيز .. لأني سمعت إن الطب في أم القرى مو قوي زي هنا ..

وشهادة جامعة الملك عبدالعزيز قوية وإمكانياتها أكبر مقارنة بأم القرى , والتحويل إلى جامعة الملك عبد العزيز وبالذات طب صعب جدًا جدًا .

وإذا لا سمح الله ما أنقبلت طب هنا .. تقدر تجلس سنة بأي كلية طبية تانية وبعدها تحوّل طب .

.

[دكتور بلا تخصص]

الموضوع هذا ببالي
اني احول جامعه ام القرى
بس حاب اسأل عن النسب المطلوبة ؟

اخوي JuStice
اتمنى تفصل اكثر ردك عجبني لكن محتاج شرح << لو يومين مو مركز من الاحباط :(
كيف ادخل اي تخصص طبي بعدين احول طب ؟
ومشكور يالغالي

[عيون الغرام]

قلبوو انتي قدمتي من جديد والا عملتي تحويل ..

لانو اللي اعرفو انو ازا كنتي محوله من جامعه وتبغي ترجعيلها تاني ماينفع ..

وعشان كدا انا سحبت ملفي من جامعه الملك عبد العزيز السنه الماضيه وقدمت بجامعه تانيه ..

ونفسي السنه الجيه ارجع فيها بس زيك سمعت انو الاقسام الصحيه مايحولو فيها ..! وابى اتاكد من دا الشي

وباسألك كييف الطب في ام القرررى حلو والا ؟؟!

[soma al7elwa]

انا صحبتي بتحول من أم القرى لهنا

بس قالوا لها ما ينفع لأنو لازم تستوفي 15 ساعة انجليزي ودا الشي مابيصير فأم القرى

عشان كدا مافي تحويل للكليات الصحية

هو دا الي اعرفه

بالتوفيق

[JuStice]

المشاركة الأصلية كتبت بواسطة دكتور بلا تخصص الموضوع هذا ببالي اني احول جامعه ام القرى بس حاب اسأل عن النسب المطلوبة ؟ اخوي justice اتمنى تفصل اكثر ردك عجبني لكن محتاج شرح << لو يومين مو مركز من الاحباط :( كيف ادخل اي تخصص طبي بعدين احول طب ؟ ومشكور يالغالي

.

عندك مثلاً الكليات التالية : طب الأسنان , العلوم الطبية التطبيقية , الصيدلة

في نهاية السنة راح يطلبوا منكم ترتبوا الكليات اللي تبغوها .. حط أول حاجة طب .. وبعدها حط دي الكليات ,

ويصير إذا ما أنقبلت طب تنقبل في وحدة من دي تجلس فيها سنة وتجيب معدل عالي وتقدم طلب تحويل للطب .. لأن نظام التحويل في الكليات الطبية سنوي ,

صح إنه التحويل للطب محدود لكن عالأقل عندك فرصة ,

واحد من أصحابي بعد الثانوية راح قدم على الطب في أم القرى وانقبل وبدأ الدراسة فيها ,

في نهاية السنة سحب منها ورجع السنة دي يدرس تحضيري في جامعتنا !

.