ياطلاب وطالبات ميد 11 تعالوا هينا

[h7nen]

السلام عليكم ورحمة الله وبركاته

اولا مبروك عليكم قبولكم بالطب وان شالله ربي يوفقكم
طبعا انتم توكم متخرجين من التحضيري
وانا وكثير غيري حابين نتخصص بالطب
هنا اتمنى منكم تنصحون وتقولون لنا اسرار التحضيري
وكيف قدرتوا تدخلو طب
لاتبخلو علينا
ولكم منا دعوه في ظهر الغيب بالتوفيق ان شالله
اتمنى من الاشراف مايشيل الموضوع لانو صراحه انا ماقبلني الطب عشان التحصيلي نزل بنسبتي
وقلت مالي الا دي الجامعه احاول فيها وصراحه سمعت كلام وتخويف وتحطيم وانا من اول متحطمه
ارجوكم ساعدونا لو بنصيحه
وربي يوفقكم بكل مكان

اختكم
حنين..

[Ahmad-k-92]

الله يبارك فيكي يااارب ويسعدك وينجحك ويدخلك الي تبغية ويزوجك << طابة عرض الزواج


المهم يا ست الكوول

لاتخافي تراها سهالة مررره ولاتعقديها وهيا صعبة

اول شي بعطيكي هيا بختصار المفيد جدا جدا اجدا

شدي حيلك بكل المواد علشان النسبة الموزونة العامة

وبالنسبة للطب : حاولي ما تقل الكميا و الفيزيا والاحياء والانقلش عن 90 وعلى فكره مو صعب انك تخليها فوق 90 فوق 90 هذا اذا تبغي تتدخلي طب وبقوة يعني محدش حيألك تلت بتلاته كاام

وعلى فكره جامعة الملك عبدالعزيز جامعة الدراسة فيها سهالة والدكاتراه كويسين ولله يعينك على الاودس رح يرفع ضغطك


على العموم اول مد ممن الحين اقولك ممكن ما تتوفقي فية بس لاتتحطمي كلنا كذا اول مد في ناس تحطمت وفي ناس شدت حيلها وفي ناس بقت زي ما هيا وانتي الخيار عندك


بالتوفيق يارب يادكتورة انتي اول طالبة في دفعة med 12 انشاء لله

[falih]

والله أولا هذا توفيق من ربنا وثانيا دعاء الوالدين لانه مهم جدا وبعدها يجي الدور على الطالب ..
السنة التحضيرية يبغالها " طول نفس" يعني مو تجتهدين اول ترم و توقفي في الترم الثاني او العكس ..
اما عن اللي يقول انه هذه جامعة سيئة او فاشلة او غيره فهذا انسان ما عنده منطق
خلاصة ما خرجت به من السنة التحضيرية انه الشخص راح يتعب نفسيا اكثر من انه راح يتعب دراسيا فلازم تكوني متهيأة نفسيا اكثر
اما عن المذاكرة فهي تختلف من شخص لآخر لكن ساعة الى ساعتين في اليوم راح تكفي وزيادة

انصحك انك تذاكرين من ملخصات في الرياضيات و الفيزياء والكيمياء والاحصاء لانه احتمال كبير راح يدرسوك دكاترة ما يعرفون يشرحون

موفق

[h7nen]

ربي يسعدكم ان شالله
جد اللي كتبتوه رفع معنوياتي
اسأل الله لكم التوفيق بكل مكان والله يسمع منك وادخل طب
بانتظار البقيه

[Ahmad-k-92]

ايوا نسيت شي : بالنسبة للملخصات زي ما قال اخونا فالح انتي خطة ب عندك الاحصاء ذاكريها من جمال السعدي نصيحة حيقولولكم اشرف بركات السيد ماني عارف ايش روحي لجمال السعدي افضل ملخصات وسهله مررررررررره

بالنسبة للكميا: عندك يوسف الزويل ممتاز جدا وكمان في ناس يقولو السيد

الفيزيا : خذيها من عندي اشرف بركات ممتازة مررره

نوصل للرياضيات : يوسف الزويل هما متخصص فيها هيا والاحصاء

طبعا كلامي عن تجربة

عندي اضافة

لاتخافي من السنة التحضيرية ولاتسمعي كلام الناس وربي اشعات بأشاعات

زي ماعديتي الثنوي والقياس والتحصيلي ودخلتي جامعة الملك عبدالعزيز رح تتدخلي طب بأذن الله عز وجل يا دكتورة حنين

[Ahmad-k-92]

تعديل

احصاء , رياضيات = جمال السعدي
كمياء= يوسف الزويل
فيزياء = اشرف بركات

[MeeNo92]

وعليكم السلام والرحمة

الله يبارك فيكي يا رب, وعقباالك, نشووفك اول وحدة تنقبلي في med12

زي ما قال اخويا falih

التحضيري يبغاالها طول نفس..وصبرررر مالو حدود

صدقيني المواد ماهي صعبة زي ما الكل بيتخيلها , وما دامك سويتي كويس في الثانوية, فإن شاء الله حتسوي كويس في المواد

التحضيري زي ما قال اخويا تعبها "نفسي" اكثر من انو تعب دراسي

والتعب النفسي احنا نجيبو على نفسنا.. نقعد نوسوس هل حأدخل والا لا, درجاتي ما تدخلني, ونقعد في حالة عدم استقرااار طول السنة

بس لو من بداية السنة, حطيتي في بالك "انا حبذل قصاارى جهدي عشان أجيب اعلى درجات ممكن اجيبها"

وتشيلي من راسك قصة حنقبل والا لا

بإذن الله حتكوني مرتاحة

أول مد ترم ممكن تخبصي في.. عاادي لا تقولي خلاص خربت على نفسي..

أنا اول مد ماث جبت فيلو 20 .. وحسيت اني خلاااص نهاية العالم وكأبت نفسي

بس الحمدلله في ناس رجعوني لوعيي وقالوللي في اختبارين غيرو , لا تزعلي نفسك وتأثري على دراستك

والحمدلله اللي بعدهم جبت فيهم أعلى

اهم حاجة: لاااا تسمعي ابدااا لكلام الناس عن مادة او عن استاذة, ألين ما تجربي بنفسك

دحين انتي صرتي في جامعة, يعني لازم انتي تكوني مسؤولة عن نفسك

ممكن لا قدر الله تجيكي دكتورة ماهي مرة كويسة .. لا تذاكري بس من كلام الدكتورة , ممكن يغيب عن بالها حاجة ما تشرحها

ارجعي وذاااكري في البيت, استخدمي ملخصات اذا حسيتي انها اسهللك, جرربي كللل انواع الملخصات عشان تعرفي مين يفهمك اكثر حاجة

انا كنت اقول لنفسي, خليني بس اتعب السنة هذي بسسس.. بس سنة وحدة اكرف فيها , وحلمي بإذن الله يتحقق

في التحضيري ممكن تجيكي اوقات كثيرة تيأسي فيها.. لا تزعلي نفسك ابدا ابدا على درجة, لأنها راحت وما حترجع, ولو قعدتي متضايقة حتأثر على بقية درجاتك

اختبري, وخلاص ارمي ورا ظهرك

والله نصايح التحضيري ما تخلص

بس خليكي في المنتدى وبإذن الله راح نساعدكم زي ما ساعدونا اللي قبلنا

بالتوفيق والله يكتبلك اللي في الخير يا رب

[h7nen]

اخوي الدكتور احمد
الله يوفقك دنيا واخره نصايحك راح احطها ببالي وان شالله ما انساها
دكتوره مينو
انا متفائله بك ان شالله لاني بدخل السكن وانتي دخلتي وعديت المرحله هذه وربي يوفقك
وماانسى الدكتور falih
مشكورين وربي يوفقكم دنيا واخره
وان شالله تتحقق بقية احلامكم دعواتكم لي

[بنت الضحى]

وعليكم السلام ورحمة الله وبركاته

حاولي قد ما تقدري تحلي نماذج اختبارات سابقة لأنها تعطي فكرة عن طريقة أسئلة الاختبار
(مكانها : منتدى الملخصات والمواضيع المميزة للتحضيري علمي - المكتبات اللي حول الجامعة )

[ندوشآ]

آهلين يآ بطططآآ =)

آلتحضيري يآ عزيزتي جددددددن سهله وآلله ..

آسهل من آلثآنوي بكثير بس لآزم تششدي حيلك و تذآكري كويس

لآ ترآكمي المذآكره ع نفسك حآولي قد مآ تقدري تذآكري آول بآول و مآ تدخلي المحآضره

اللي بعدهـآ آلآ وآنتي فآهمه اللي عدآ .. آنتبهي لشرح الدكتوره كويس

و لمن ترجعي البيت رآجعي اللي آخذتيه و آذآ حسيتي آنك منتي فآهمه مزبوط

شوفي لك ملخصصآت آن شآء آلله تسهل عليكي الفهم و تريحك ..

و آذآ حضرتي كذآ محآضره مع آلدكتوره حقتك ومآ فهمتي حآولي تحضري عند غيرهآ ..

و ليلة آلآختبآر حآولي تحلي نموذج آو آكثر للآختبآرآت آلسآبقه عشآن تآخذي فكره

عن طريقة آلآسأله ... و آهم شي لآ تدخلي الاختبآر و آنتي معديه شي بمزآجك ..

حآولي تلمي كل النقآط حقت آلآختبآر ..

و طبعـآ في ملخصآت كثير ممتآزه ورآح تحتآري بس آنتي شوفي كذآ ملخص و آللي

تححسسيه آقرب لك و تفهمي منو كويس مشي عليه ..

ولـآ تيأسي من آول آختبآر و تقفل معآكي .. حآولي تغيري من طريقة مذآكرتك يمكن كآن عندك مشكله فيهآ

شوفي ف آيش آنتي قصرتي ف آول آختبآر و حآولي تعدليه ف الاختبآر آللي بعدوو ..

و بلييز لآ تسمعي لكلآم آي آحد يقولك ذي المآده صعبه و ذي آلدكتورآ مآ تفهم ..

كذآ ح تشوشي ع نفسسك و تصعبيهـآ و هي سهله كل شخص و قدرآته ..

و زي مآ قولت لك آلتحضيري سهله بس شدي حيلك و طولي بالك و بإذن آلله تتيسسسر ..

موفقه يآ عسسل و آن شآء آلله نشوفك دوكتورآ ..


=)