عاجل طلاب طالبات .. تحويل كلية رابغ لجامعة مستقلة

[فاطمة الرشيد]

المشاركة الأصلية كتبت بواسطة sweet-lolo انا عن نفسي حولت امس اداره واقتصاد وداعا رابغ الي جبتي لي الصمرقع *_^

كيف خولتي من النت ولا وحتي ع الجامعة يالين تقولين لي كيف بالضبط وايش حولتي اي تخصص وايش حالتك الحين في الاودس يعني غيروه لك ونزل جدولك ولا لسه وانتي باي مستوى

[هنووووو]

لا ياقلبي اتأكدت من أحد الأشخاص الحاضرين اتفاقية انشاء الكلية مو إشاعة بس الفكرة إنه رح تتنفذ بعد 7 سنوات ومتأكدة مليون بالمية والعميد قفل الموضوع عشن ما يبغى شوشرة وبلبلة في الموضوع المهم ع بال ماتجي الـ 7سنوات إن شاء الله إننا خريجين عزوز ..

[هنووووو]

بالنسبة لللعالم اللي بتقول اتأكدي من كلامك قبل ما تنشري أو يقولوا الله لا يسامح اللي جاب الخبر اوك حبايبي معد رح اشوشر عليكم وانسوا أجيب لكم أي خبر بعد كذا من أيام التحضيري وجهودي معروفة وكلامي صحيح وحتى لو نفذ بعد حين بيكون خبري صحيح ومن الآن انا برفع يدي عن أي شي ..

وأنتهى الموضوع ..

[عبدالله العاصمي]

المشاركة الأصلية كتبت بواسطة miro tonahun يديك العاافية

المشاركة الأصلية كتبت بواسطة miro tonahun انا اجلت سداد الرسووم بس يعني هل تعتقد ان كل الطلبة معانا ... ولو عملنا كدا هل الجامعة حتكون في صفنا ويعملو كل شي عشاان الطالب...؟؟؟؟ "" اسئلة كتيرة في بالي ومحيرتي وقلق ....

الله يعافيك يآرب

انا عن نفسي ما اسدد الرسوم الا في آخر اسبوع قبل انتهاء فترة السداد ( هذا نظامي في كل ترم )

ولكن عن باقي الطلبه بكل صراحه ما اظن انهم معانا لأن فيه ناس كثير بتسدد او سددت وخلصت < يسددون من خلف الكواليس

لكن لو فعلا كل الطلبه ما سددوا شي طبيعي ان الجامعة راح تلبي جميع طلباتهم واحتياجاتهم وتنفذ رغباتهم
ولمزيد من التأكيد بخصوص رسوم الانتساب الرجاء الاطلاع على الموضوع في الرابط التالي
القرار الملكي لالغاء رسوم الانتساب
http://www.skaau.com/vb/showthread.php?t=523889

واعتذر عن التاخير بسبب انشغالي وقلة دخولي للمنتدى حاليآ

[عبدالله العاصمي]

المشاركة الأصلية كتبت بواسطة reflection كيف يفرق و نص؟! ممكن توضح لي ! انا واحد من اقاربي كان يدرس في جامعة الطائف و لما استقلت اتخرج و هذا هو مدرس انجليزي .. و متزوج و عايش حياته .. ما فرق مسمى الجامعة ام القرى او الطائف !! طلاب جامعة الباحة اعرف منهم مبتعثين حاليا .. و لو تدخل موقع مبتعث تعرف هالشي شهادتك يا سيدي ما يحددها الا معدلك و تقديرك فقط .. ما تحدده اسم الجامعة لو انك خريج "جامعة رابغ" ممتاز و معدلك عالي بالطبع راح تكون مفضل على طالب خريج من جامعة الملك عبدالعزيز او سعود او حتى الملك فهد للبترول و المعادن من اصحاب المعدلات المنخفظة و التقدير الجيد .. الموضوع منطق اكثر من كونه اسم جامعة :/

عزيزي الفاضل
انا ما اتكلم عن الابتعاث
انا اتكلم عن التوظيف بعد ما تتخرج وتقدم على وظيفه في اي دائرة او قطاع
بالعقل ما تقارن جامعة عريقة وقديمة مثل جامعة الملك عبدالعزيز بجامعة حديثة المولد والنشأه مثل جامعة رابغ
واذا على المعدل يا غالي انا معدلي ولله الحمد فوق الـ 4 وهذا من فضل ربي
بس تعال معاي نشوف اذا تخرجت بمعدل فوق الـ 4 من جامعة الملك عبدالعزيز وايضآ تخرجت بمعدل فوق الـ 4 من جامعة رابغ ، مين الافضل فيهم ..؟
شي طبيعي راح تكون جامعة الملك عبدالعزيز افضل بحكم مكانتها واقدميتها بين الجامعات الحديثة .

[عبدالله العاصمي]

المشاركة الأصلية كتبت بواسطة هنووووو بالنسبة لللعالم اللي بتقول اتأكدي من كلامك قبل ما تنشري أو يقولوا الله لا يسامح اللي جاب الخبر اوك حبايبي معد رح اشوشر عليكم وانسوا أجيب لكم أي خبر بعد كذا من أيام التحضيري وجهودي معروفة وكلامي صحيح وحتى لو نفذ بعد حين بيكون خبري صحيح ومن الآن انا برفع يدي عن أي شي .. وأنتهى الموضوع ..

هنو وسعي صدرك يا وخية وتأكدي ارضاء جميع الناس غاية لا تدرك
لكن للاسف الشديد بعض الناس مهما سويت لهم خير ما يجيك منهم غير الشر
وحكاية ان عميد الكلية نفى هالشي وقال غير صحيح ، انا شخصيآ مو مقتنع فيها احسها مجرد عملية تسكيت لنا
ولو هالخبر غير صحيح ليش طالع في الجرايد ومعتمد من وزارة التعليم العالي ..؟
العلم عند ربي ان الخبر صحيح لكن يبي له كم سنه حتى يتنفذ على ارض الواقع

[بنت السليماني]

حسبي الله ونعم الوكيل
كأنهم يبيعو سمك في بحر
ايش دااااا فين احنااااا
ندرس ونكرف وحادي بادي ,,, ولأيت جامعة ينسبونا
مافي حقوق للطالب,,, دا الي مضيع الطالب دائما مهممممممممممش
ويقولو ليش الشباب والبنات ماعندهم طموح ولا انجاز ولا تتطلع ولا لهم حق الاختيار
لانهم ببساطه يهمشونا ويهمشو رغباتنا
للأسف

[بنت السليماني]

الخبر تحطيم

[أميرة الورد2010]

قالت لكم الاخت هنو انو ماراح يتم هالشي الا بعد 7 سنوات وبعدين ركزو على الشهاده والمعدل العالي وان شاء الله ماراح يصير الا كل خير استودعو الله علمكم وركزو على طموحكم بغض النظر عن اي شي ثاني وثقو بالله فوق كل شي وبسسسسسسسسس

[بنت السليماني]

المشاركة الأصلية كتبت بواسطة أميرة الورد2010 قالت لكم الاخت هنو انو ماراح يتم هالشي الا بعد 7 سنوات وبعدين ركزو على الشهاده والمعدل العالي وان شاء الله ماراح يصير الا كل خير استودعو الله علمكم وركزو على طموحكم بغض النظر عن اي شي ثاني وثقو بالله فوق كل شي وبسسسسسسسسس

ربي يسمع منك بس اتخيلو لو طلعو تنفيذ القرار
بشكل مفاجئ