اريد الحل يا اخواني

[دافئ الإحساس]

السلام عليكم ورحمة الله وبركاته

يا اخواني ويا اخواتي أنا طالب من مكة ودخلت عندكم في جده

فاا الحمدلله دخلت سنة تحضيرية وإن شاء الله خير

وناوي طب بإذن الله

هادي دحين مقدمه بس

الموضوع هوا يا جماعة الخير

انو الاودس مو راضي يدخل بالمررة حاولت اني ادخل رقم الهوية ومو راضي

طيب قمت سويتلو اضغط عشان يعني يرسلوا هوا على الجوال حقي

ومو راضي يرسلي هوا فالعمل يا احبتي لاني قلقان من دي الناحية

والموضوع التاني انو
السنة التحضيرية كلها على بعض كم مادة

وزي ما سمعت يعني تراطيش كلام انو احسلي اسجل 12 ساعة بس

فما ادري كييف يعني والله

فيياريت تشوفولي حل بسيط لهادي يعني مثلا اسجل 12 ولا 17 ولا مدري اش شكلوا

وتراني جديد في الساعات هادي فداااايج نوعا ما

بس انا دررست في الثانوية هننا عندنا نظام الساعات اذا سمعتوا عنو في الثانويات
وحالي اهوو ماشي زي القشطة بالبيض

مو كأني خرجت عن الموضوع
مشوا حالكم انا من يومي سيد ابو التصاريف

بس انا مستني ردودكم يا دكاترتي

[M!ss Mojy]

اممممممممممم بالنسبة للاودس والله مااعرف بصراحة ايش الحل

يمكن مسآلة وقت بس لان احيانا احنا كمان يصير معانا نفس المشكلة

كلها على بعضها 9 مواد ( انجليزي 101 _ انجليزي 102 _ فيزياء _ كيمياء _ احياء _ رياضيات _ احصاء _حاسب _ مهارات اتصال )

مقسمة على الترمين طبعا يعني حسب خطتك ممكن الترم الاول 4 مواد والترم الثاني 5 مواد او ممكن العكس

وبالنسبه لعدد الساعات انت ماتقدر تتحكم فيها هما الي يختاروا لك الخطة الي تكون فيها

والجدول ثابت مافيه لاحذف ولا اضافة

وان شاء الله اكون افدتك ولو بشي بسيط

[surgeon]

مثل ماقالت مس جوي

بس لو مافتح معك الاوديوس لابد تروح للعمادة حتى يعرفوا ايش المشكله

تقبل مروري

[mzat kau]

النظام لسه ماتفعل للمستجدين يعني لسه استنى شويا ممكن برمضان ايفتح معاك


وبالنسبه لعدد الساعات اصلا في التحضيري ماتقدر تغيرها هيا تنزلك جاهزة وماتقدر تتحكم فيها
سو اللي سمعتو اشاعات ههههههه
وبس ربي يوفقك وتدخل الطب

ادعيلنا وبالتوفيق

[حبي للوطن]

المشاركة الأصلية كتبت بواسطة mzat kau النظام لسه ماتفعل للمستجدين يعني لسه استنى شويا ممكن برمضان ايفتح معاك وبالنسبه لعدد الساعات اصلا في التحضيري ماتقدر تغيرها هيا تنزلك جاهزة وماتقدر تتحكم فيها سو اللي سمعتو اشاعات ههههههه وبس ربي يوفقك وتدخل الطب ادعيلنا وبالتوفيق

لا اختي غلطانة

انا بعد ما اخذت البطاقة الجامعية بعشرين دقيقة فتح معاي وعطوني الخطة والجدول

بس احوي انت تأكد انك فاتح الاودس حق الطلاب ماهو الاساتذة

وبالتوفيق يارب

[دافئ الإحساس]

تأكد انك فاتح الاودس حق الطلاب ماهو الاساتذة

لا يا اخوي انا متأكد انو فتح مع صاحبي حتى كمان وانا متأكد اني فاتح في قسم الطلاب لكن متعبني بس زي ما قلولوي ايمكن يفتح معاك على رمضان لاني تأهيلي والله أعلم

[mzat kau]

ايوه انا اللي عرفتو انو هادي السنه اغلبهم لسه ماتفعل النظام حقهم
لكن انا من السنه اللي فاتت ع طول فتح معايا زي ماقال حبي للوطن فامكن انو السنه دي اتاخرو
لانك ياحبي للوطن زيي ههههههه يعني قديم السنه الي فاتت فاكيد فتح بسرعه ^-^ وسوري لو قلت شي غلط :):):)