استفسار عن التسويق والتمويل ومباديء الإدارة

[Effat AlGhamdi]

مدري ليش مو راضين يخلوني اكتب موضوع جديد
المهم
السلام عليكم
عندي سؤال
انا نزلت مادة مبادئ إدارة 220 مع دكتورة هند
البنات اللي درسو قبلي قالو لي انو سلايداتها كانت ناقصه والاسئلة ابدا ما جات من أي شي هم ذاكروه
فاذا احد يقدر يفيدني عن دا الموضوع
او اذا احد يعرف مين هوا اللي يحط الأسئلة عند الأولاد او المنسق يقلي بليز عشان انزل السلايدات من موقعه
واعتذر ع الازعاج
وأتمنى احد يفيدني
في شي كمان انا نزلت مواد غير الإدارة تسويق 260 وتمويل 230 و بيقولو نذاكر من الكتاب والسلايدات احس كثير انه نذاكر من مرجعين جدا يشتت
اذا احد يقدر يفيدني من فين اذاكر الله يجزاه خير
وشكرا

[بنت ناس وقلبي ألماس]

وعليكم السلام ورحمة الله وبركاته،،

ياقلبي عشان تكتبي موضوع تدخلي على القسم اللي تبغيه وتلاقين خانة تحت منتدى الملخصات اسمها موضوع جديد تضغطي عليها وتعملي الموضوع،،

على العموم نقلت لك مشاركتك اللي كانت في قسم نظم المعلومات إلى هذا القسم،،

بالنسبة للدكتورة هند دمنهوري سمعت البنات كلهم يسبوا فيها لكن أنا ما جربتها فلو في غيرها خذي معاه،،

بالنسبة للتسويق مهم تذاكري الكتاب أبدا السلايدات ما تنفع ومري كمان على التست بانك الطويل لأن ثلاثة أرباع الأسئلة منه أما التمويل تذاكري الكتاب عشان تتدربي على المسائل اللي فيه فقط لاغير،،

العفو ياقلبي وبالتوفيق.

[Effat AlGhamdi]

ششكرا جدا الله يجزاكي بالخير

[خآآلد]

مباديء الاداره روحي لدكتور محمد نصيف يمكن يكون منزلها لاني درست الماده هذي عنده





بالنسبة للتمويل انا كنت اذاكر من السلايدات والملخصات حقت مدرس خصوصي .. والكتاب كاااامل ماذاكرت منه غير تقريبا سؤالين او ثلاث عشان راجعها الدكتور معنا

التسويق كنت اذاكرها من السلايدات برضو ومحد من كلاسنا جاب كتاب اصلا


طبعا اتكلم بالنسبه لعندنا .. يمكن عندكم الدكتورات شديدين او اسئلتهم تعتمد عالكتاب العلم عند الله

[Effat AlGhamdi]

المشاركة الأصلية كتبت بواسطة خآآلد مباديء الاداره روحي لدكتور محمد نصيف يمكن يكون منزلها لاني درست الماده هذي عنده بالنسبة للتمويل انا كنت اذاكر من السلايدات والملخصات حقت مدرس خصوصي .. والكتاب كاااامل ماذاكرت منه غير تقريبا سؤالين او ثلاث عشان راجعها الدكتور معنا التسويق كنت اذاكرها من السلايدات برضو ومحد من كلاسنا جاب كتاب اصلا طبعا اتكلم بالنسبه لعندنا .. يمكن عندكم الدكتورات شديدين او اسئلتهم تعتمد عالكتاب العلم عند الله

نحن مو ناكبنا غير انو الأسئلة تجينا من عندكم الله يسهلها بس
شكرا لك

[الحمد الله على كل حال]

النضم أي طبعه الله يعطيكم العافيه
التاسعه تنفع