أبسألكم بعد كل هذا..... إيش قيمة شهادة الانتساب؟؟َ!! (ياليت تتجاوبوا مع معاناتي)

[القلم الوردي]

السلام عليكم ورحمة الله

حبيت أسألكم اخواني اخواتي المنتسبين والمتخرجين بالانتساب
ماقيمة الشهادة اللي راح نتخرج فيها .. هل لها مفعول ولا بس تتعلق عالحيط

القصة ومافيها .. كنت طالبة طمووووووووووحة مجتهدة كل همي دراستي
درست سنتين ونص رياضيات بجامعة الملك سعود.. وبأسباب الزواج انتقلت إلى جدة وأنا لسا أحمل الطموح ذاته...

حدث خربطة وقت التحويل .. وبسبب نظام إنك تسجل من أول السنة ولا يروح عليك كل الترمين فووت سنة..
السنة اللي بعدها سجلت وسويت أوراقي كلها لكن بسبب إنو أرسل الأوراق عن طريق البريد كانت صعبة شوي مع مشاغل زوجي.. لحد ماعدى علي وقت التسجيل
يعني راحت سنتين .. ومخي غبر .. الرياضيات لازم لها مواصلة وتعتمد على بعضها

السنة اللي بعدها حولت وانقبلت ولله الحمد.. استلمت جدولي عملت معادلة مواد ورايحة جاية (جدة- الرياض)
بس وقتها لقيت نفسي مو فاهمة شي (ضعف في الذاكرة) لازم أرجع من أول جديد وأسوي رفريش للميموري بتاعي
اعتذرت وقدمت تحويل عالانتساب بما اني لازم لي قسم من أول جديد خلوني أنتسب وأجلس مع ولدي الصغير أحسن من أرميه على الناس..
لكن حتى الانتساب مارحموني

دفعت التكاليف .. دخلت على جدولي لقيت ---- جدول الرياضيات (انتظام) شفتوا بس
مع انو مكتوب اني انتساب إدارة وإقتصاد.. قمت دخلت على إضافة مواد.. لأني مو عارفة أصلاً إيش نظام الانتساب فكرت انو أنا أختار المواد اللي أبيها.. سويتلي جدول

لكن احتست أنا وياهم.. من مكتب لمكتب ومن قسم لقسم غير تكسير الرجلين واعتذار زوجي من عمله كم من يوم عشان يوديني ويجيبني.. ايش صار؟؟

شالوا جدول الانتظام بدون أي مشاكل.. اوكيه... بس قلت لهم مانزلي جدول قالوا هذا جدولك .. قلت لآ هذي أنا مضيفتها أنا أبي أعرف أنا تبع أي دكتورات وأي مجموعة مايصير ياجماعة..

بعد ترددات عديدة على عدة إدارات باءت بالفشل.. قالت (أعتقد مديرة شؤوون الطالبات) خلاص حبيبتي هذا جدولك اعتمديه.. طيب أروح أشوف مين همه دكتوراتي عشان أشتري الكتب واذاكر مابقى إلا كم من أسبوع وتبدأ الاختبارات

أروح لقسمي الإدارة والإقتصاد.. قالوا لا هذي الشعبة مة تبعنا تبع الآداب.. أروح للآداب يقولوا لالالا إني مكتوب عندك خطة أ روحي لقسم الادارة والاقتصاد... ياهوه ياناس ظليت على هذي الحال زي الأطرش في الزفة من هنا لهنا أفهمهم الوضع مو راضيين يفهموا وغير انهم صارو يصرفوني...

تدروا ليه؟؟ لأنهم مشغولييييييييين بترتيب أوراق الإختبارات يبغوني أطلع من الغرفة وبس.. قلت الناس صارت تختبر وأنا لسا مو عارفة إش جدولي عيب والله.. دخلت على أقرب جهاز وقدمت اعتذاري.. وأخذت عهد على نفسي إنو أول ماتبدأ هالسنة راح أسحب ملفي والرسوم اللي دفعتها لمثل هالناس .. وأقعد ببتي..

لكن نزعتي الدراسية لم تخبت بعد (مدري صح كتابتها ولا غلط ) حلمي بالثانوي إن أحصل على شهادة حاسب تقلصت لشهادة إنتساب إدراة وإقتصاد.. لكن مو مشكلة أهم ش أكمل مسيرتي التعليمية..
بس ما ابيكم تحطموني وتقولوا إن الدراسة بدت لأني دخلت على النظام الأكاديمي ومالقيت لي جدول

بس كل أملي بعد هالمعاناة هل هذي الشهادة إلي متعبة حالي عليها ولا زلت كذلك أكافح للمستحيل...

أمنتكم بالله إيش قيمة هذي الشهادة ؟!!

(لاتقولوا إنك كملت دراستك.. وبس<> أنا متزوجه ووراية مسؤوليات ثانية.. ما أبي أضيع عمري وفلوسي على شهادة أعلقها بغرفتي وبس.. أبي بكرة تفيدني لمن أحتاجها.. ويكون لها قيمة)

مشكووووورين لكل من قرأ معاناتي لآخرها حتى لو ماعلق أو كتب المهم أعرف إن صوتي مسموع وإنوا لسا فيه ناس تهتم وأدري إني وحدة من بين مليون طالب وطالبة يعانون بصمت .. لكن
الواحد يجلس على مكتب وتكييف ويصّرف الناس من هنا ومن هنا والله ربي راح يسأله عن مركزه هذا.. إذا هو قد مسؤوليته ولَا مايستاهل يقعد عالكرسي هذا
إحنا مو قاعدين نشحت شهادات إحنا قاعدين نجاهد ونضحي عشان نحصلها

[لندنية]

ياقلبي اذا ظروفك ماتسمحلك مو لازم الشهادة اما اذا تسمحلك استحملي وكملي واصلا ايش فيه الانتساب؟؟؟؟احمدي ربك انك دخلتي اقتصاد وهذه لها مستقبل كبيييييييييير وكل وظايفها رووووعة بلا رياضيات بلا هم والله والله اني لما خلصت الثانوي قال لي بابا اختاري اي جامعة في الرياض وراح ادخلك فيها انتظام اي جامعة تبغين جامعة الملك سعود او جامعة الاميرة نورة او جامعة الامام او اي جامعة تدرين وش رديت عليه ...لا انا ابغى ادرس انتساب بجامعة الملك عبد العزيز تخيلي والله كل البيت قاموا علي انت مجنونة تتركي جامعات الرياض وانتظام وتروحي تدرسي انتساب ؟؟؟ تخيلي بقيت على رايي ويالله قدرت اقنع بابا والحمدلله قنعته تدرين ليه لاني انا ابغى هالشي انا ابغى ادرس بعبد العزيز انا ابغى ينكتب بشهادتي طالبة بجامعة الملك عبد العزيز والله ولاهمتني لاكلمة انتساب ولا اي شي ثاني والحمد لله على رغم من كل الصعوبات تخطيتها والحمدلله نجحت وانا الحين بثاني سنة بالجامعة وتخصصت التخصص اللي ابغاه من زمان (إدارة أعمال دولية) تقبلي مروري المطول....اختك (لندنية)

[سم افعى]

اسمعي حبيبتي والله معاناتك حاسه فيها لان وحده تقربلي زيك بس محد نصحها بالانتساب والله شهادة الانتساب تتعلق على الجدر زينه بس محد يرضى فيها انا من المدينه وادرس في جده انتساب مانقبلت في المدينه وكلمتلي كم واسطه احاول يدخلوني في المدينه اي قسن اهم شي انتظااااااااااااااااااااام الانتساب لالالا والله اسمعي نصيحتي خلي ولدك يكبر شويه وادخلي انتظام وكملي وشدي حيلك والله محد ينفعك بعد ربك غير شهادتك او عندي اقتراح دحين خليكي انتساب وكملي انتساب مو مومشكله على المستوى الخامس حولي انتظام يسير كده ضربتي عصفورين بحجر انكتبلك في شهادتك منتظمه واي حاجه انا تحت الخدمه

[دلال الحربي]

انا اقلك وش فايدتها هالشهاده ,,


انا ترا مثلك اقول لو تزوجت اشوف قعدتي بالبيت افضل من الوظيفة بس لو كانت ظروف زوجي ما تساعد على مصاريف البيت


تعرفو الحين اغلب الشباب مو لاقين وظايف ولو لقو الراتب مو ذاك الزود


وانتي طبعا بتكون معاك شهادتك يعني لو جار الزمن عليك تقدري تتوظفي فيها لان صعب تلاقي وظايف بالثانويه


يعني خليها للزمن لو ايش ما صار تقدري تصرفي على نفسك منها لو قلنا بعدين تكملي دراستك وقتها بيكون فات عليك الوقت


بس انا اشوف ادرسي وكملي دراستك وبعدها اقعدي بالبيت بيتك وزوجك اولى بس لو حابه تساعدي زوجك بالمصاريف

وتعيشو حياه احسن قدمي على وظايف


والله يوفقك وحسيت ترا فيك والله يعينك ,



.

[دلال الحربي]

المشاركة الأصلية كتبت بواسطة سم افعى اسمعي حبيبتي والله معاناتك حاسه فيها لان وحده تقربلي زيك بس محد نصحها بالانتساب والله شهادة الانتساب تتعلق على الجدر زينه بس محد يرضى فيها انا من المدينه وادرس في جده انتساب مانقبلت في المدينه وكلمتلي كم واسطه احاول يدخلوني في المدينه اي قسن اهم شي انتظااااااااااااااااااااام الانتساب لالالا والله اسمعي نصيحتي خلي ولدك يكبر شويه وادخلي انتظام وكملي وشدي حيلك والله محد ينفعك بعد ربك غير شهادتك او عندي اقتراح دحين خليكي انتساب وكملي انتساب مو مومشكله على المستوى الخامس حولي انتظام يسير كده ضربتي عصفورين بحجر انكتبلك في شهادتك منتظمه واي حاجه انا تحت الخدمه

ما تقدر تحول انتظام لو مر على شهادتها الثانويه عند التسجيل اكثر من 3 سنين اعتقد


والله اعلم ..

[سم افعى]

المشاركة الأصلية كتبت بواسطة دلال الحربي ما تقدر تحول انتظام لو مر على شهادتها الثانويه عند التسجيل اكثر من 3 سنين اعتقد والله اعلم ..

تقدر تحول لانها بتدرس انتساب مو جالسه في البيت ومرت على شهادتها 3 سنوات وحده من قريباتي كده اخر سنه من دراستها حولت انتظام وكسبتها بس اسالو عشان تتاكدو انتو اكتر

[.. بيســـان ..]

يآ أختي الأرزاق بيد آلله ..

سواء انتسآب و لا غيره ..

أعرف وحدة منتسبة قسم إدارة أعمال .. تعتبر أول سعودية تشتغل في مجال ... اممممم

مو فاكرة مجالها.. لكن في شركات الأكل زي شبس ليز و غيره .. منصبها حلو و معآيا في الباص

و هية بس عمرها 25 سنة .. و انتسآآآآآآآآآآآآآآآآآآآآآآآآآآآآآآآآآآآآب

انتي أدرسي و نظام الانتساب بيريحك لأنك متزوجة و عندك أشغال

مو زي طالبة الانتساب البنت الفاضية .. صدقيني كمّلي يا أختي

انتي بتقولي انك طموحة و انا زيك .. لو جلستي في البيت حتتعب نفسيتك

و أصلا بعد كم سنة ممكن تتعودي على القعدة و على زوجك و وولدك و تشوفي انك

ترجعي للدراسة حاجة صعبة عليكي و تنسي جو الدراسة .. كمّلي !!

" اعقلها و توكل " .. و باالنسبة للأرزاق هادي من الغيبيات .. لا تسألي عنها

و شهادة الانتساب نفعت مع غيرك .. ليش ما تنفع معاكي .. أهم شئ

" حسن الظن بالله " و بلاش التهيؤات الفاضية زي تعليق الشهادة في المطبخ .. الفرصة أمامك

انتي ما تضمني ايش ممكن يحصل .. لا سمح الله .. على الأقل بتكون في شهادة سند لك

[.. بيســـان ..]

انا ابغى ادرس بعبد العزيز انا ابغى ينكتب بشهادتي طالبة بجامعة الملك عبد العزيز

لندنية ،،

بآبآ .. عنده نفس فكرتك باالضبط ،، عشان كده دمّر أحلامي و رغباتي

أسألك بالله ليش ؟؟

ايش اللي يميز عبد العزيز عن غيره .. أبغى افهم لييييييييييييييش ؟؟

[كاسه]

كتبت رد طويل و أتمسح لا حول و لا قوة إلا بالله

شوفي موضوعي أتوقع حالتي أسوء من حالتك الحمد الله على كل حال

http://www.skaau.com/vb/showthread.php?t=85747

[amgd999]

الله يكون بعونكم

انتي اجتهدي ولكل مجتهد نصيب بأذن الله

وبعدين حتى لو ما اشتغلت انتي عندك مسئولية تربية ولدك واللي هو اهم من اي عمل في الدنيا

والله يوفقك ويسعدك