توضيح بخصوص موضوع دورة المصطلحات المقدمة من الكلية

[S A L M A N]

أول حاجة تصحيح مفهوم: هي مو دورة مصطلحات طبية زي السنة اللي فاتت؛ هي دورة الانجليزي في الطب: Professional English in Medicine

والسنة دي حيقدمها دكتور من معهد اللغة الانجليزية وعنده خبرة طويلة في تدريس طلبة الطب. إن شاء الله حيفيدكم جدا في الدورة هذه وبرضو غالبا حيكون مدرسكم السنة الجاية في التيرمنولوجي

حتكون الدورة هذه الأسبوع بعد الجاي (بعد الدورة اللي أحنا حنعملها) تبدأ السبت وتنتهي الأحد الأسبوع اللي بعده يعني مدة الدورة سبعة أيام (الويكند ماحتدرسوا فيه )

من 23 يوليو إلى 31 يوليو

السبت والاثنين والأربعاء حتكون من 1إلى 3 الظهر

الأحد والثلاثاء حتكون من 9 الصباح إلى 2 الظهر


والدكتور جدا متعاون ويحب يفيد الطلاب فلو شجعتوه ممكن تمددوا الدورة معاه بس دا الموضوع راجعلكم إنتو اللي حتحضرو الدورة


وللأسف بالنسبة للطالبات ما حتصير عشان مافي دكاترة متواجدين؛ برضو ممكن إنتو الطالبات تحاولوا مع إدارة الكلية في الموضوع دا

وبعطي نصيحة للجميع إنكم تشتروا كتاب شابنر للمصطلحات الطبية لأنه هو حيكون منهجكم وغير كدا الكتاب جدا رائع ومرة سهل ومصمم إنه هو بذاته كورس يعني ما يحتاج مدرس، اللهم طالب عنده رغبة وتشوق فقط

Medical Terminology: A Short Course





والله يوفقكم يا دكاترة ويا دكتورات ويصلح نوايكم ونوايانا :)

[Hadeel kateb]

يعطيك العافية يارب

[Beeshoob]

يعطيك العافيه يادكتور

وان شاء الله ادا لقيت البنات راح نكلمهم طبعا

وان شاء الله يوفقوا

[Majed7]

آها يعني الدورة تبع المصطلحات الطبية ما انلغت أسأسا .. حلو جدا دورتين راح تفيد كثير بـ السنة الأولى بالطب :)

يعطيك العافية يا دكتور عالمعلومات ^_^

[MAS-663]

ماشالله والله ما قصرتوا ...
لكن ساكتفي بدورتكم الاسبوعـ الجايـ ...

موفقين ياربـ ...

[Doux Rash]

شككرراا ، ماقصرت ..

[د. أسامة]

بارك الله فيك يا ليدرنا ،

وكثّــر الله من أمثالك :) .

[د.هيما السلمي]

ممكن سؤال
لا هنتوا وين راح تكون الدورة

[عبدالسلام الغامدي]

الله يجزاك كل خير

[ABADI14]

سلام عليكم
معليش على اللقافه الزايده بس بخصوص مادة مصطلحات طبيه هل ناخذها احنا طلبة طب اسنان
لان بتاريخ 21 ما بكون موجود عشان احضر الدوره وكمان هل تحتاج تسجيل ورسوم ولا مجانيه بليز جابوني