دراسه الطب بعد التخرج من تقنية المختبرات

[ro00ona]

السلام عليكم ورحمة الله وبركاته..

اول شي احب اشكر كل الاعضاء لتعوانهم صراحة
وان شاء الله نكون يد وحدة دائماً وأبدا .
واليوم انا عندي موضوع صراحه شاغلني كتير
وهو هل نقدر نكمل دراسة الطب البشري بعد ما
نتخرج ان شاء الله وهذا انا سمعت العميد قال ممكن
بس ما حدد وين وكيف!!!!
بليز اللي عنده اي معلومه عن هدا الموضوع يفيدنا
فيها ..

[drop of honey]

بصراحة نفس السؤال الي شاغلني بس انا اخويا قبل كم سنة لمن انقبل علوم طبية قالولو الجامعة انو ممكن انو بعد ما يخلص الخمسة سنين يروح الرياض ويدرس اربعة سنين زيادة وسار كان درس طب ويسمى دكتور بس اخويا اصلا قدم في جامعة تانية وانقبل طب والحمد لله ومرررت السنين وجا دوري

[Amal.S.A]

http://www.skaau.com/vb/showthread.php?t=456395

اضافة ..للبنات لما دحين ..ماعندك خيار غير امريكا أو استراليا ..بس القبول صعب والسنوات أكثر ..خاصة في امريكا ..

[قصة غروب]

وعليكم السلام ورحمة الله وبركاته.
اول شي الله ييسرلنا امورنا ويوفقنا وين مانكون.
بالنسبه لاستفسارك طبعا كلامي هذا خاص بطلاب وطالبات المختبرات مادري عن الاقسام الثانيه والله.
احنا بالنسبه لنا نقدر نكمل بشري بعد مانتخرج في برنامج ف الحرس الوطني ف الرياض والله اعلم تدرسي سنتين و8 اشهر وطبعا الدراسه تكون الدورات اللي اخذوها طلاب البشري ف المستشفى وجزء بسيط ف النظري.
هذا الكلام السنه اللي راحت جاني تحويل للاسنان وسالت دكتور قالي لاتروح وتضيع سنه من عمرك تقدر تكمل بعد بكالريوس المختبرات وطبعا بيكون معاك شهادة المختبرات وطبيب بشري يعني 2ف1.
اما بالنسبه لاجراءات التسيجل وكذا انا الصراحه باقي ماسجلت ان شاء الله خلني اتخرج واذا ربي كتبلي وسجلت وقتها افيدكم^_^
ربي يسعدكم ويوفقكم ياااارب
تحياااتي

[ro00ona]

drop of honeyموفقة دوما يارب

Amal.S.Aيعطيك العافية بس خوفتيني صراحه

قصة غروب مشكور وما قصرت الله يريح بالك ويكتبلك الخير وين ما تكوون

[drop of honey]

roooona ليش خوفتك كلامي واضح زي الشمس ازا كان على الاربعة سنين دا الي انا اعرفو ودحين عرفت من غروب انو سنتين ونص ودا الشئ اسعدني وشكراا >>>>للتوضح فقط

[ro00ona]

لا drop of honey فهمتيني غلط
انا كلامي كان موجه ل Amal لما قالت انو صعب وكدا.
يعطيك العافيه حيايت على التوضيح

[nice cool]

اخواني واخواتي الكرام.............
الله يوفقنا جميعا في حياتنا
عندي استفسار
بالنسبة لطالبة التمريض هل باماكنها ان تكمل الطب بعد البكالوريس
سنتين .........
انا سمعت كدا ولكن احتاج اتاكد.............
فين وكيف ظريقة التسجيل ومتى .............
اللله يسعدكم ويريح قلبكم جاوبوني وريحوني الله يريحكم

[Dr.candy]

في في جامعة الملك سعود للعلوم الصحية

في ددا البرنامج بس للاسف متوفر بس للاولاد

واذا تبغي تتاكدي عندك الرابط

www.ksau-hs.edu.sa

[drop of honey]

يب صح رونا انا فهمتك غلط شكرا على تفهمك كلك زوق ^^