عادي لو درست ماده مع شعبه غير كليتي ؟؟ ( تعديل موضوع مخالف ) ..

[~.. وتحطم الحلم ..~]

السلام عليكم ورحمة الله وبركاته
عندي سؤال هو غبي شوية بس نفسي اعرف اجابتو
لو وحدة طالبة في الاقتصاد المنزلي أو اي قسم اخر وأخذت مادة نقول مثلا كيميا بس مااخدتها في شعب الأقتصاد أخدتها في شعب الحاسب أو أي قسم تاني طبعا بتكون المادة نفس المسمى ونفس عدد الساعات فلمن تنجح الطالبة يعتبروها نجحت وعادي ولا يرسبوها عشانها مااخدتها في شعب قسمها ؟؟
وبث

[متاخره واااايد]

اظن عادي ازا كانت نفس المادهـ ونفس المنهج

انتي لو تقصدي انك ماتحضري المحاضره مع دكتورتك وتحضريها بكلاس تاني

بس اهم شي الحضور والغياب اما تتفاهمي مع دكتورتك

او تخلي احد يحضرك لانو لو تجاوزتي الحد في الغياب راح تنحرمي من الاختبار

اتمنى اكون افدتك *_*

[~.. وتحطم الحلم ..~]

أنا قصدي نفس المادة ونفس المنهج او يكون في اختلافات شوية
لاني بشوف كتير بسألو عن حكاية الشعب مثلا الي تبدأ بـ c او h ... الخ
وطبعا كل رمز لقسم معين وكتير يقولو انتبهو وخدو المواد الي شعبها حقت قسمكم
فسؤالي انا لو مااخذت الطالبة المادة في الشعبة حقت قسمها ايش راح يصيرلها ترسب تنجح مايحسبولها المادة اوعادي كانها أخذتها في شعب قسمها ؟؟
أتمنى يكون وضح السؤال

[متاخره واااايد]

تبغي الصراحهـ مافهمت

بس اظن انها راح ترسب لانو مو بكيفها المادهـ نزلتلها ولازم تاخدهاا

وماادري دا افتآآآآئي انا

إن شاء الله البنات يفيدوكي اكتر
تقبلي لقافتي *_*

[~.. وتحطم الحلم ..~]

عاتي عاتي لالقافة ولا شي بالعكس نورتي
اصلا السؤال خلقة ملقووووف خخخخخ << بس ترا صاحبتو مو ملقوفة
لا هيا تكون منزلتها وبتاخدها عادي بس انا قصدي ع الشعب
مني عارفة كيف افهمك
يلا ان شاء الله يجي احد يفهمني ويفدنا

[ساكنه في بيتنا]

و عليكم السلام و رحمه الله و بركاته


مو لازم تحضري مع شعب كليتك دام نفس الماده و نفس الساعات و المحتوى ..

و عادي تكون ناجحه .. و الدليل على كدا شعب الثقافه و العربي .. و المواد العامه عموما اغلبها تكون ملخبطه احيانا ..

[ام-حمودي]

عادي ياعسل

بس تكون ماده عاامه زي حاسب انجلش ثقافه عربي

لاكن ي احصاء ولا علم نفس يختلف

والمرشده ماراح تضيفلك الماده الا وهي عارفه الي بتسويه

لان شعب الكليات الثانيه مو نحن نضيفهااا

[golden beauty]

ايوا عادي ازا كانت مادة عامه موجوده في كل التخصصات

[~.. وتحطم الحلم ..~]

شكرا ع الردود
بس في ناس شفتهم في العلوم ماخدين رياضيات او احصاء والله مو فاكرة المادة بالضبط لكنها مو مادة عامة زي العربي والثقافة واخدينها في شعب الحاسب
ومو المرشدة هيا الي ضايفتلهم هيا هما اضافوها في وقت الحذف والإضافة يعني ماراح تفرق زي المواد العامة ولا حتفرق
ادري اني زودتها بس معليه استحملو وحدة مستجدة في الحذف والإضافة والشعب