مستقبل العلوم السياسية في السعودية

[$hatem$]

السلام عليكم ...
هذي اول مشارك لي وياليت تساعدوني فيها ..
انا طالب أدرس سنة تحضيرية مسار إداري و إنساني أنا ناوي إن شاء الله ادخل تخصص قانون أو علوم سياسيه ...
وانا الصراحه حلمي اكون قنصل أو سفير أو محامي أو محقق أو ظابط أو أي شيء عسكري أو سياسي بعين الله إن شاء الله ..

اللي ابي اعرفه عن التخصص هذا كم سنه دراسه بكالوريس و كم سنه ماجستير و دكتوراه ؟؟
واذا تخرج من التخصص هذا اشتغل بس في الوزاره الخارجيه ولا في اماكن ثانيه اقدر اشتغل فيها ؟؟
وكيف الهدف اني اصير قنصل ولا سفير إن شاء الله ايش لازم ادرس ولا ما اقدر اصير كذا ؟
وانا إن شاء الله ناوي ادرس في امريكا ما جستير

و إذا ماله مستقبل وش رأيكم في تخصص القانون يا ترا لو دخلت علوم سياسية أقدر أحول إلى قانون أو لا

ياليت احد يساعدني .. أو يعطيني ايميله للفايده ..

وشكرا

[ياليل مطولك 1]

مدة الدراسه 4 سنوات مع التحضيري
واكيد الفرص الوضيفيه في هالمجالات الي ذكرتها وانت وتوفيق الله لك ورزقك

وغلطان ياحبيبي كل المستقبل ان شاء الله اذا تخرجت وبالمعدل الجيد وشديت حيلك
وبراحتك تكمل بامريكا تكمل باروبا شي راجع لك ..

القانون تخصص صعب وجلف ولايدخله الا واحد موس ويقدر يحفظ مواد الدين الصعبه وغيرها من مواد القانون يعني لازم تكون قادر على هذا التخصص ولا لاتدخله نصيحه وبامكاانك تحوول من تخصص الى تخصص حسب معدلك

[H.G.K]

احب اعلق على نقطه هامه ذكرها اخوي ياليل ماطولك عن القانون هذا التخصص على قد ماهو شوي صعب على قد ماهو ممتع صراحه
و الفكره الخاطئه و السائده عن تخصص القانون انه كله حفظ بالعكس الدكاتره ما يبغونك تحفظ يبغونك
تفهم وتحاول تصيغ الجواب بطريقتك

[tima m7md]

السلام عليكم..
ابي اسأل اذا تخصص العلوم السياسية متاح للطالبات سواء في جامعة الملك سعود او جامعة ثانية بالمملكة
ابي رد سريع لو سمحتوا
وشكرااا

[وردة الحي]

انا طالبه سنه تحضيريه علمي وودي اعرف لو انا علمي اقدر ادخل علوم سياسيه اولا؟؟


والله الموضوع مرررررررره ضروري افيدوني لو سمحتوا

[سمووي 1989]

^

اولآ التخصص متاح للاشناب فقط

ثانيا هذا تخصص بالاقتصاد ووالاداره وانتي علمي يعني مايجتمعون مع بعض

[محمد فوزي]

القانون القانون

فلوووووووووووووووووووووووووووس

[الدبلوماســــيه]

انا خريجة علوم سياسيه

وهالتخصص غير الواحد يحس انه يدرس شي يسوى وراقي
واحلى شي تعلمته من السياسه

لاتوجد صداقه دائمه ولا عداوه دائمه انما مصالح مشتركه<<<<<< لايطبق على العلاقات الانسانيه

انا ان شاء الرحمن ناويه اكمل ماستر ودكتوراه

علشان ادرس بالسعوديه واكسر الجمود النسائي السياسي

فنصيحه مني تخصص علوم سياسيه

[حبر وورق]

طيب كم المعدل الطلوب ف علوم سياسه و القانون والاقتصاد نا ناوي قانون بس ياريت انجح

[الدبلوماســــيه]

العلوم السياسيه تخصص راقي

وباذن الله له مستقبل ومع الدكتوراه يمكن تكون سفير

اهم شي التفوق والتميز والطموح وفوق هذا كله الرغبه في دراسة هذا التخصص