هديه من dr.soody ان شالله تستفيدوا منه

[صـودي]

سلام عليكم كيفكم يا زملائي الاطبا اللي كنتم ((ال التحضيريين<<لازم تتذكروا الماضي))

ان شالله نفسياتكم تمام ومستعدين ادري مو وقت موضوع بس بما ان اجازتنا طويله شوي نلعب وشوي نجهز لكليتنا اللي كنا نحلم فيها انا جبت لكم موضوع ان شالله تستفيدوا منو

وهو يشرح ايش المواد اللي حندرسها تفزلوا

اولا من المعلوم الدخول في مرحله جديده حتكون النفسيات عدم وحاسين انو احنا خلاص مو قادرين هذا

شي طبيعي عشان كذا لازم نستعد بكل قوه ودي هيا المواد

فسيولوجي 10 ساعات
بايوكيمستري 8 ساعات
أناتومي 7 ساعات
هستولوجي 3 ساعات
امبريولوجي ساعتين
علم الوراثة ساعة واحدة




أولا: physiology 131 ( علم وظــائف الأعــضـاء )

هذي المــادة من أكبر المواد سااعات لكنها من أسهل المواد فهما .. يعني الماده اذا قريتها تستلذ فيها طبعا المادة تتكلم عن أجهزة الجسم في الحاله الطبيعه .. مثل جهاز الدوري الدموي وجهاز التنفس .. الخ .. أحب اقولكم قـسم الفسيولوجي من أفضل الأقسام بالكلية مره متســاعد مع الطــلاب لدرجه يعطووننا محاضرات اضافيه اذا مافهمنا الشابتر


ماهو الكتاب اللي انصحكم فـيه ..؟

الكتـاب اللي مقرر عليكم اسمه medical physiology حق guytonالكتاب هذا مرره كبــير ويدخل في متاهات ويتشعب فيك ويضيعك لذلك انصحك لاتشتريه لانه بيضيع وقتك ولا راح تفهم شيء
طـبعا أقولكم سلايدات الدكاترة والنوتات تكفي أنك تجيب B أو B+ لكن اذا بغـيت تتأسس صح
وتفهم صح وتجيب الA+ فيه كتاب اسمه pocket companion to Guyton's Medical physiology 11th edition أو يسمونه بيبي قايتون هذا كتاب مصغر ومختصر للكتاب الكبير اللي مقرر عليكم وأنا بصراحة أنصحكم أنكم تقروون من الكتب عشان تتأسسون صح وتفهموون بشكل أكبر وأيضا تتعودون على قراءة الكتب.. كيف بتذاكر الكتاب الصغير هذا . اذا أخذت المحاضرة ورجعت البيت رح للفهرس ودور على الموضوع اللي اخذته راح تلقاه بسهوله اقرا عنه لين تفهمه .. اذا جاء وقت الاختبارات لا تذااكر الا السلايدات وبس الكتاب راح يضيع وقتك .. بالتالي انت جمعت بين الكتاب والسلايدات وأنا متأكد إن شاء الله أنك بتجيب درجات عالية بالماده

ثانيا : biochemistry 141 ( الكيمياء الحيوية الطــبية )

مادة مكون من 8 ساعات تجي بعد الفسيولوجي بالاهمية .. طبعا الماده تحكي عن اربع أشياء .. البروتينات وتركيباتها .. الكبروهيدرات من ايش تتكون وكيف تنهضم .. الدهون من ايش تتكون وكيف تنهضم .. الاحماض الامينيه المكونه للبروتينات كيف تنهضم .. الفيتامينات .. كلها بطريقة التفاعلات والانزيمات وكيف تتم في حاله اذا أكلت وفيه حالة اذا صمت .. ماده جدا جدا جدا جدا ممتعه عبارة عن طرق متداخله من التفاعلات ..


الشباتر اللي بتاخذونها بالمقرر ..
- protien structure & function
- carbohydrates bolism
-lipid bolism
- amino acid bolism
- vitamins


ماهو الكتاب اللي أنصحكم فيه ..؟

هو الكتاب اللي مقرر عليكم lippincott's Illustrated review : biochemistry 3rd edition كتاب مرره ممتع وفيه صوور تفهمك بشكل مريح ..

ثالثا : anatomy 121 (علم التـــشــريــح )


ماده مكونه من 7 ساعات .. تتكلم عن علم تشريح الانسان مثلا .. الشريان من وين يطلع ووين يرووح ووين يوجد ..العضلات كيف مشبوكه بجسم الانسان االاعصاب من أي فقرة تطلع وتغذي أي عضله أو أي عضو
ماده مره مفيده للجراحين أو اللي ينوون يدخلون جراحة ..

الكتاب اللي أنصحكم فيه هو :

clinical anatomy .. richared snell 7th edition الكتاب المقرر عليكم
وفيه كتاب ثانيه فييه صوور بس ( الكتاب المقرر عليكم يفتقر للصور الجيده ) عشان كذا الكتاب مرره حلو اسمه nutter atlas of anatomy
وبالنسبة للعملي فيه كتاب يجيب لك صور جثث حقيقيه اسمه macmenn's atlas of anatomy

طريقة المذاكره :

اذا اخذت المحاضرة ارجع للبيت وذاكرها من الكتاب وذاكر الكلينيكال نوت اللي موجوده من ضمن الموضوع .. واذا جت الاختبارات ذاكر من السلايدات بس على الكمبيوتر ذاكرها مرتين قبل ماتدخل الامتحان اضمن لك درجه حلوه بالامتحان ان شاء الله

رابعـا : histology 120 ( علم الأنــســجــة )


الماده مكونه من 3 ساعات .. تتكلم عن الانسجه والخلايا .. مثلا المرئ ياخذون قطعه منه ويشرحون لكم الطبقه الاولى فيه mucosa يوجد فيه غدد الفلانيه ويوجد فيها كيت وكيت اللي وراها تجي submucosa يوجد فيها كيت وكيت..
طبعا الماده غثيثه والكتاب اغث واغث يتكلم لك بتفااصيل ويتكلم لك بشكل فسيولوجي ويتعمق فيه اذا قريته تتعمق فيه وتنسى الاشياء الاساسيه واللي تجي عليها الأسئله .. عموما الماده هذي عجزت اعرف من وين اذاكرها ياليت أحد الشباب يقدر يفيدكم ... طبعا الترم الثاني الله يجزاهم خير الشباب كانوا يكتبون السلايدات حقات الدكاتره ( لانهم مايعطوننا سلايداتهم ) كنت اذاكر السلايدات .. الماده والحمد لله عديتها
عشان كذا انصحكم انكم تكتبون نوتات مع الدكاتره وتذاكرون منها بالاختبار ..
أحب انبه على شيء فيه مذكرة اسمها سيمبل هستولوجي معلوماتها سطحيه .. بس تراها مذاكرتها كويسه للكويز الاول اللي بعد اسبوعين تقريبا .. بالنسبة للعملي الشرايح اللي يعطونكم اياها بالمعمل صوروها وقبل اختبار العملي ذاكروها واحفظوا اساميها بتجيكم نفسها بالامتحان حرام تضيع فيها درجه وحده ..

خامسا : Embrylogy 123 (علم الأجـــنـــة)


ماده مكونه من ساعتين .. تحكي عن بدايه الجنين وتطوراته مثلا الاسبوع الرابع وش يصير وش اللي يتطور بعدين يتكلمون عن الاجهزه من باديتها لين كمال نموها .. مثل جهاز البولي والتناسلي والتنفسي والقلب ..الخ

الكتاب المقر عليكم :

The Developing Humen .. moore persaud 7th edition

طريقة مذاكرتها :

نفس طريقة مذاكرة الأناتومي .. ذاكر من الكتاب اذا اخذت المحاضرة واذا جت الاختبارات ذاكر من السلايدات

سادسا : Genitics (علم الوراثة )

ماده مكونه من ساعه وحده تدرسونها بالترم الثاني .. تتكلم عن الDNA&RNA والكودون والجينات اللي فيها ويتكلم عن الامرااض الورااثيه وكيف تتورث بطريقة مندل .. الخ
طبعا مايحتاج تشترون الكتاب ..
فيه مذكرة اسمها genitics لشاهين واليامين مطبوعه على الكمبيوتر كافيه انك تجيب فيها A




هنا الحمد لله انتهينا من كل موواد سنة أولى اذا في استفسار او سؤال أو أي شيء تفضلوا الموضوع موضوعكم ...

أحب أنبه على شيء قلته كم مرره .. بالاختبارات لازم تذاكره المنهج مرتييين او اكثر .. لاتذاكره مرره وحده ..

ان شالله دي المعلومات صحيحه وتفيدنا انا نقلتوا من منتدى تاني دعواتكم dr.soody

[عاشقة الرياضيات]

يعطيكي العافية هذي احلى هدية

لاني بصراحة كنت ابغى احد يدلني على شيء نستفيد منه في الصيفية

ع العموم تسلمين وماتقصرين

[rayyan1444]

شكرا يعطيكي العافية ما قصرتي

[Darkness]

مشكوووره ويعطيك الف عافيه :)
وموفقين يااارب
:)

[صــمـود الأقصى]

تسلــــــم أنـــــــــــــــــــــامــلك ...... محتاجين لأحد يحطنا على بداية الطريق

شكــــــــــــــــراً

[Luis Network]

Tnx
oO Allah Ysahell n Shallah

[مجتهدة ومستنية النتيجة]

شكرا يا دكتورتنا..والله الموضوع غني بالمعلومات ومفيدا للغاية.. سلمت أناملك

[SoOoMa1990]

مشكورة يعطيكي العافية ..

[صـودي]

يعطيكم العافيه يلا نشد حيلنا ونستفيد من خبرات بعض ويسلمو على الردود

[SOLA]

د صودي
الله يوفقك ويجزيك الــــــــــــــــــــــــــــــــــــــــــــــــ ـــــــــــف خير
والله قدمتي لنا خدمه ماراح ننساه
من اول العطله كنت احاول احصل على اسماء الكتب وماحصلته الامنك الله يجزاك خير
بس لو سمحتي الكتب هذي وين احصله بــ اي مكتبه ؟؟؟
اكرر شكري