أنا هنا لأي إ ستفسارات في مجال العلاج الطبيعي

[katkoooooota]

والله مررررررررررره نفسي البس ال سكراب ..
طيب انتوو بس ولا حتى باقي اقسام العلوم الطبية يلبسوو ؟؟

[katkoooooota]

ترى عندي سؤال من اول في بالي بس نسيـــــــــــتوو

[weddah]

كل الكليات الطبية تلبس سكرب
احنا تركواز
مختبر ازرق
تغذية موف
اشعة عودي
تمريض ابيض

واذا افتكرتي قولي

[katkoooooota]

احس اني جالسة اسأل من بدري ..
بس والله مااقدر ارتاح في الاجازة الا اذا حددت كل شي وعرفت انا ايش ابغى اسوي ..

الله يسعدك حبيبتي شكرا .. ساعدتيني كتيـــــــــــر ..
بس ابغى اسال يعني انتي تشيكي دايما على دا الموضوع عشان في حالة جاا في بالي سؤال .. اذا دايما تفتحي وتشووفي اسالك ..

[katkoooooota]

طيب معليش ال سكراب من فين نجيبو يعني نفصلو ولا من الجامعة ولا كيف ؟

[weddah]

المشاركة الأصلية كتبت بواسطة katkoooooota طيب معليش ال سكراب من فين نجيبو يعني نفصلو ولا من الجامعة ولا كيف ؟

السكرب ينباع في محلات كثيرة
لكن احسن محل والكل يشتري منه اسمه scrubs في سوق دانية
مره جيد السكرب حقه وعنده ألوان وموديلات جيدة

[katkoooooota]

افتكرت السؤال ..
دحين انتو كيف دراستكم ؟؟ يعني تدرسوو كم سنة ؟؟ وابغى اسال عن التدريب اللي في المستشفى .. هوا يكون في اخر سنة اللي هيا سنة الامتياز نتدرب في مستشفى ولا كيف يكون التدريب ؟؟

[weddah]

المشاركة الأصلية كتبت بواسطة katkoooooota افتكرت السؤال .. دحين انتو كيف دراستكم ؟؟ يعني تدرسوو كم سنة ؟؟ وابغى اسال عن التدريب اللي في المستشفى .. هوا يكون في اخر سنة اللي هيا سنة الامتياز نتدرب في مستشفى ولا كيف يكون التدريب ؟؟

ندرس 3 سنين غير التحضيري بعدها سنة امتياز
التدريب في المستشفى مادري اش قصدك
يختلف من قسم لقسم

[Mecooo]

السلام عليكم ورحمة الله
حبيت اسأل في كل قسم من اقسام الكلية كم يكون تقريبا عدد المقبولين فيه ؟؟وخصوصا العلاج الطبيعي ؟؟
وبالنسبة للعلاج الطبيعي كيف الاستاذات و هل ممكن تكون في محاضرات يدرسونا فيها استاذة؟؟
ولكم جزيل الشكر ,,,

[weddah]

عدد الطالبات يختلف من دفعة لدفعة ومن قسم لقسم
احنا العلاج الطبيعي دفعتنا يمكن 18 بنت
الدفعة اللي قبلنا يوصلوا 28 بنت ممكن
المختبر يوصلوا اكتر من 30
يعني كل قسم حدوده حوالي 25 طالبة قابلة للزيادة والنقصان
حسب رغباتكم طبعا


وأكيد يدرسونا دكاترة رجال من أول ترم
سواء في المواد العامة زي الفسيولوجي
او مواد التخصص اكيد اكيد حيدرسوكم دكاترة محاضرة في الاسبوع او محاضرتين
لكن العملي حيكون مع دكاترة حريم مو رجال

وبالتوفيق لكم جميعا