ممكن تجاوبوني ..

[jaejoong]

مرحبا ياجماعه انا عندي كم سؤال ابغاكم تجاوبوني عليه ضروووري
اولا .. نزل التسكين حقي في الفيصليه بس مكتوب التخصص اداب مستجد يعني ايش؟؟
ثانيا .. عادي اعتذر عن الترم دا من دون مااتخصص ؟؟ لاني بصراحه ابغى علم نفس وماحيفتحوه الا السنه الجيه
اتمنى تجاوبوني لاني في حيرة من امري

[AngeL DoLL]

خلاص دوامك بالفيصلية و ترى قسم علم النفس لسه حتى ماقررو يمكن يفتحوه وماندري متى اما قسم علم الاجتماع راح يفتح بعد ثلاثة اسابيع بالفيصليه وانصحكي تخصصي ولا تضيعي ترم خذي اللي ربي يكتبه لك وبالتوفيق حبيبتي :)

[jaejoong]

صح زي ماقلتي حيضيع الترم من دون فايده .. تسلميلي مرسي حبيبتي وبالتوفيق للجميع

[آيس كريم بالتوفي]

شوفــي أنا أنصحك تضيفي المواد العامه والحره وتدرسيها ولما يفتحوا علم النفس حولي

وإذا مره مره مالك نيــه تدرسي هالتــرم ،، اصــبري علي أروح عند العمادة وأسألهم وأرد عليك وانتي تقرري

موفقـــــــــــــــــه قلبـــــــــــــــــي

[jaejoong]

للاسف التحويل دا الترم مقفل كدا قالولي في العماده عشان كدا انا مره محتاره وخايفه اني اتخصص في شي انا ماابغاه وبعدين ما امشي فيه .. بس اللي ابغى اعرفه عادي لو قدمت اعتذار من دون مااتخصص ؟؟؟

عشان ابدا سنه جديده واتخصص شي انا ابغاه وادرس زيي زي الاوادم .. بس ان شاالله اروح العماده بكره واستفسر اكتر
ومرسييي يا ايس كريم بالتوفي يعطيكي الف عافيه >> شهيتيني في ايس كريم

[آيس كريم بالتوفي]

يعافــــــــــــــــيك ياقلبي