قسم اللاشعه جاوبوني

[الفطين]

هل المواد في قسم الاشعه تحتاج للحفظ او الفهم؟
هل من الصعب ان تجيب معدل 4.5 ؟
كيف الدوام في اول سنه ؟
هل الفرص الوظيفيه في الاشعه افضل من المختبرات ؟
وبالتوفيق للجميع

[Amal.S.A]

المشاركة الأصلية كتبت بواسطة الفطين هل المواد في قسم الاشعه تحتاج للحفظ او الفهم؟ هل من الصعب ان تجيب معدل 4.5 ؟ كيف الدوام في اول سنه ؟ هل الفرص الوظيفيه في الاشعه افضل من المختبرات ؟ وبالتوفيق للجميع

المواد عموما في كل الأقسام أبدا ماتعتمد على حفظ لحاله أو فهم لحاله ..
تعتمد ع الاثنين سوا..
لو حفظت بدون ماتفهم .. ماكأنك سويت شي ..
ولو فهمت حط في بالك انك أكيييييييد حفظت

الدوام حق الأشعة مررة حلو.. أبدا في أول سنة مايتعدا الساعة 3 .. وممكن تجي أيام تخرجوا 12 وزي كذا ..
وأولاد دفعتنا رتبوا جدولهم وصار عندهم يوم فاضي .. أظن كان الربوع ..
يعني المهم مرة لاتشيل هم الدوام ..
بالنسبة للفرص الوظيفية ماأقدر أفتي .. بس اللي اسمعه انو اخصائيين الأشعة مرررة مطلوبين..
وباالتوفيييييييق.

[JuStice]

.

المواد تعتمد عالإتنين , فهم وحفظ ..

ومعدل 4.5 كل واحد وحسب اجتهاده , يعني فيه شباب معدلاتهم في ارتفاع والحمدلله وبعضهم معدلاتهم واقفة .

والدوام في سنة تانية مرة فلّة .. وزي ما قالت Amal.S.A ; العادة نخرج 3 بس أحيانًا 12 !

والفرص الوظيفية للأشعة أشوفها أكتر من المختبرات

موفق

.

[حمرة الشفق]

انا محتارة مرررة بين قسم الاشعة و المختبرات خايفة تكون اغلب مواد قسم الاشعة عن تراكيب اجهزة الاشعة يعني ندرس من ايش يتكون جهاز الاشعة نفسه هل هذا الكلام صحيح؟
و شي ثاني خايفة منه الرياضيات بعد ما عرفت انها عبارة عن تكامل و تفاضل فهل هي مادة صعبة لمن يكرهها؟
و هل الدوام في مجال العمل بالنسبة للمختبرات ممكن يكون بالليل زي الاشعة ؟
رغم اني حابة الاشعة اكثر من المختبرات افيدوني و ساعدوني في حيرتي
مشكوريــــــــــن

[JuStice]

المشاركة الأصلية كتبت بواسطة حمرة الشفق انا محتارة مرررة بين قسم الاشعة و المختبرات خايفة تكون اغلب مواد قسم الاشعة عن تراكيب اجهزة الاشعة يعني ندرس من ايش يتكون جهاز الاشعة نفسه هل هذا الكلام صحيح؟ و شي ثاني خايفة منه الرياضيات بعد ما عرفت انها عبارة عن تكامل و تفاضل فهل هي مادة صعبة لمن يكرهها؟ و هل الدوام في مجال العمل بالنسبة للمختبرات ممكن يكون بالليل زي الاشعة ؟ رغم اني حابة الاشعة اكثر من المختبرات افيدوني و ساعدوني في حيرتي مشكوريــــــــــن

.

الدراسة في قسمنا بـ تكون شاملة عن فيزياء الأشعة نفسها وأنواعها وأضرارها وطرق الحماية منها وكيفية التشخيص والعلاج بالأشعة وعن أجهزة الأشعة المختلفة والمواد المستخدمة فيها ,

ومافي رياضيات .. أخدنا الرياضيات بالتحضيري وبس . أما بالنسبة عن كون دوام الأشعة بالليل .. فـ دي أول مرة أسمعها .. واللي أعرفه إنه فيه دوام صباحي ودوام مسائي

يعني مو بس دوام مسائي , زي أي عامل بالمجال الصحي البعض بيكون دوامهم صباحي والبعض مسائي

.