بداية السنوات الإكلينكيه ( أهلاً بالسنه الرابعه )

[بشائر الفرح =)]

بسم الله الرحمن الرحيم

السلام عليكم ورحمة الله وبركاته

أهلاً وسهلاَ ب دكاترتنا

أولاً : حابه أبارك لكم إتمام السنوات الأساسيه ف كلية الطب
وإنتقالكم للمرحله الثانيه اللي هيا أكثر حماساً وأكثر مسؤوليه وتحببكم بالطب والمستشفى أكثر فأكثر

ثانياً : موضوعي إجتهاد شخصي بحاول إنه جمع لكم معظم النقاط اللي تحتاجوا تعرفوها عن سنه رابع وكيف تستعدوا لها أو نقول تكونوا جاهزين لها ,,

سنه رابع من أجمل وأروع السنوات اللي حتمروا عليها
ليه ؟
لإنك ف هذه السنه تحس إنه الجزء الثاني من حلمك بدأ يتحقق حتستخدموا السماعه وتتعاملوا مع المرضى وجه لوجه
هذا غير إن كل موادكم جديده وسريريه
فيها جزء عملي ممتع جداً

مواد سنه رابع :


ترم حيكون :

-باطنه 1
- جراحه 1

وترم حيكون :

- طب مجتمع
- عيون / أنف وأذن وحنجره
- طب جنائي / أخلاقيات مهنه
- مختبرات / أشعه

طبعاً تعرفوا أو حصل وتقسمت الدفعه لقروبات
كل قروب حيبدأ ماده معينه والأولاد عكس البنات

خلونا نبدأ

community medicine
طب المجتمع


عدد الساعات : 7 ساعات هي أكثر ماده عليها عدد ساعات ف مواد الترم
مدة الدراسه : 5 أسابيع

تحتاج منكم إجتهاد وتركيز ومذاكره أول بأول
تتكلم الماده عن أهمية طب المجتمع أو الحشود تتناولوا فيها

- كل مايهم صحة المجتمع من مصطلحات ومفاهيم وبعض المسائل كمان
- أنواع الأبحاث وربطها بأهمية هذا العلم
- الإحصاء ومفاهيمه ومسائله
نفس التحضيري وزياده كمان تحتاجوا تفهموه عشان تحلوا المسائل
- مجموعة محاضرات ف الصحه العامه وأهمية الوقايه الصحيه

الماده مقسمه لعدة أقسام
( محاضرات )

- Epidemiology
- biostatistics
البايوستات مجموعة محاضرات ف الإحصاء تدرسوها وتخلصوها قبل الميد بحيث يدخل معاكم ف الميد فقط

- health care mangment
- environmental and occupational health

- الدرجات مقسمه على التالي
( الميد تيرم – الفاينل – السيمنار – العملي – اللوق بوك – الريبورت )

السيمنار :
عباره عن برزنتيشن مطلوب منكم إعداده وتقديمه عن مرض معين ( أمراض معديه أو غير معديه )
تغطوه بالكامل وتقدموه عليه تقريباً عشر درجات
حاولوا تتابعوا مع الدكتوره أول بأول لإنها بتحب إنكم تركزوا على نقاط تخص الكميونتي أكثر

اللوق بوك :
كتاب مطلوب منكم تجهزوه عباره عن تسعه مواضيع بحسب ما أفتكر
عناوينها بحسب اللي يعجبكم أو حابين تتكلموا عنه ف مايخص الماده من أمراض أو علماء أو مثلاً دراسات معينه أي حاجه بخصوص الماده تقدروا تكتبوا عنها

الريبورت :
حتزوروا مركز الدرن بجده ويطلبوا منكم تكتبوا تقرير كامل عن الزياره

العملي :

هو برنامج اسمه SPSS يدربوكم عليه
برنامج ينفع للأبحاث لإنه يساعد ف الإحصاء وجمع المعلومات
ويختبروكم فيه بعد كذا ( إختبار عملي ) ف معامل الحاسب

المراجع :


أغلبها إذا مو كلها كانت من الدكاتره ملازم ومحاضرات
مافي كتاب معين رجعنا له ف المذاكره
في بنات رجعوا لكتاب الإحصاء اللي ف التحضيري

نصائح وتوجيهات :


- الماده ثقيله ف شدوا حيلكم فيها وذاكروا أول بأول
- اهتموا بالسيمنار واللوق بوك وكل اللي يطلبوه منكم عشان تحصلوا على الدرجه اللي تتمنوها
- مو كل مواضيع السيمنار دخلت معانا ف الفاينل كم موضوع بس اللي ذاكرناه وجاتنا
- برنامج الـ spss نصيحه طبقوا مع الدكتوره أول بأول
ولا تأجلوا وتقولوا خلاص نطبق ف البيت أحسن لما تكونوا مع الدكتوره وتتابعوا معاها و كمان وقت الإختبار تكونوا مستعدين بدل ماتحوسوا وإلا تتلخبطوا !
- كانوا بيعملوا لنا كويزات من فتره للثانيه والشيء هذا ساعدنا كثير
- إتدربوا وحلوا مسائل كثير وح تحتاجوا حاسبه ف الإحصاء