•·.·°¯`·.·• أســنــانــيــات •·.·°¯`·.·•

[Dr~NanoOok]

حلمنا نهار.. ونهارنا عمل
نملك الخيار.. وخيارنا الأمل

وتُهدينا الحياة أضواءً في آخر النفق
تدعونا كي ننسى ألمًا عشناه

نستسلم لكن لا
ما دمنا أحياء نرزق
مادام الأمل طريقا فسنحيا

شارة مسلسل عهد الأصدقاء ~

~

كم من مرة نمر بهذا الجسر في الأسبوع
وكم من مره أعيانا التعب منه والارهاق

لكن.. كم من مره أستطعنا إنشاد الكلمات هذه
فتتولد بداخلنا "الأمل" بدلا من صوت د. أمل :p

~

لو تفكرنا فيه جيدا.. لوجدنا أنه ليس بجسر ٍعادي !

هو جسر للعبور.. حيث آمالنا بكوننا طبيبات أسنان
للوصول إلى عياداتنا المستقبلية.. طموحاتنا المستقبلية

حلمٌ كنا نأمل أن نصله.. حُلم كان له أن يتحقق السنة القادمة
لكنها هبةٌ من ربنا وجعلنا نعيشه منذ هذه السنة !

تغيير جو جامعتنا قليلا.. عيش تجربات جديدة
إنه ممتع !

أتذكرون أول مره مررنا منه.. وذهبنا إلى العيادات بصفتنا طبيبات أسنان
كيف كان الشعور ؟ والحماس
لكن بعد ما ألفنا وتعودنا عليه لم يعد كما كان
بل أصبح عبئا وكأنه عذاب !

غريبة هي نفوسنا حقًا !

إذن لنغير نظرتنا له
ولنحاول رؤية الأنوار التي تنتظرنا في نهايته

لنغير الكلمات والأناشيد التي قد ننشدها ونحن في الطريق
لنغير الأنفس! حتى يكون كل ما نعمله يتحلى بطعم الحماس والحب
لتكن نيتنا خالصة.. وعملنا خالص لله
أهناك أجمل من ذلك ؟!


~


كُتبت خلال أيامنا الأولى في سنة ثالث ..

كانت المعامل عندنا بالكلية تحت الترميم وتحتاج شهر عشان تجهز..
فكنا نروح المعامل حقت الأولاد اللي بجانب العيادات

ونقطع الجسر كل يوم عشان نوصل هناك

<< طبعا دحين برابع وخامس صرنا نقطع الجسر هذا رايحين جايين فيه
في اليوم 4 -5 مرات ! "^^

مابين أخذ المحاضرات في الكلية.. والعيادات في الجهة الأخرى

[hadeel a]

ههههههههههه نايس عهد الأصدقاء .. أنا جالسه أفكر و أقول فين سمعت ده الكلام .

ماشاء الله حلو كلامك يا Dr.nano0ok .. يارب أجعل كل أعمانا خالصه لوجهك الكريم ..

[Dr~NanoOok]

المشاركة الأصلية كتبت بواسطة ~ran~ ^ ماااشاءالله د.نااانووك كلام مرررررررررررررررررررررره حلـــــــــــــــــــــــــــــــو والله تحمست وانا اقرأه ماشاءالله عليكم مبدعــــــــــــــــــــــين

من ذوقك يا عسل ^__^

حبيت أبيّن لكم.. أن الواحد اذا حب شيء.. يقدر يعطيه كل اللي عنده.. وحيبدع فيه

وعبارتي اللي كاتبتها بتوقيعي ..
" وفطنت سر تحمسي.. وهو حبي وشغفي بطب الأسنان تخصصي"

تعرفوا متى قلتها وطلعت مني ..

لما بدأت أكتب بالمنتدى واحكي الناس وابينلهم طبيعة طب الأسنان ودراسته
لما يسألوني أسئلة في تخصصي.. وأنا أقدر أفيدهم وأجاوب عليهم
لما طلبوا مني مساعده.. قدرت أساعدهم

قدرت أعبّر عن اللي بداخلي.. حماسي .. حبي لتخصصي.. تمثّل في أفعالي !
وصدقوني من أروع الشعور اللي بعيشه ! ^____^

و قد ايش حفرح لما أشوفكم بتحبوا التخصص.. وتبدعوا فيـــــــــــــــــــــــــــــه باذن الله


__________________________________________________ ________

المشاركة الأصلية كتبت بواسطة hadeel a ههههههههههه نايس عهد الأصدقاء .. أنا جالسه أفكر و أقول فين سمعت ده الكلام . ماشاء الله حلو كلامك يا dr.nano0ok .. يارب أجعل كل أعمانا خالصه لوجهك الكريم ..

من أروع الأغاني والمسلسلات اللي كنت أحبها وأنا صغيرة ^^

آمين باذن الله.. الأجر والعلم النافع .. جّل ما اتمنى من العزيز الحكيم

[Kaira]

المشاركة الأصلية كتبت بواسطة dr~nanoook حلمنا نهار.. ونهارنا عمل نملك الخيار.. وخيارنا الأمل وتُهدينا الحياة أضواءً في آخر النفق تدعونا كي ننسى ألمًا عشناه نستسلم لكن لا ما دمنا أحياء نرزق مادام الأمل طريقا فسنحيا شارة مسلسل عهد الأصدقاء ~ ~ كم من مرة نمر بهذا الجسر في الأسبوع وكم من مره أعيانا التعب منه والارهاق لكن.. كم من مره أستطعنا إنشاد الكلمات هذه فتتولد بداخلنا "الأمل" بدلا من صوت د. أمل :p ~ لو تفكرنا فيه جيدا.. لوجدنا أنه ليس بجسر ٍعادي ! هو جسر للعبور.. حيث آمالنا بكوننا طبيبات أسنان للوصول إلى عياداتنا المستقبلية.. طموحاتنا المستقبلية حلمٌ كنا نأمل أن نصله.. حُلم كان له أن يتحقق السنة القادمة لكنها هبةٌ من ربنا وجعلنا نعيشه منذ هذه السنة ! تغيير جو جامعتنا قليلا.. عيش تجربات جديدة إنه ممتع ! أتذكرون أول مره مررنا منه.. وذهبنا إلى العيادات بصفتنا طبيبات أسنان كيف كان الشعور ؟ والحماس لكن بعد ما ألفنا وتعودنا عليه لم يعد كما كان بل أصبح عبئا وكأنه عذاب ! غريبة هي نفوسنا حقًا ! إذن لنغير نظرتنا له ولنحاول رؤية الأنوار التي تنتظرنا في نهايته لنغير الكلمات والأناشيد التي قد ننشدها ونحن في الطريق لنغير الأنفس! حتى يكون كل ما نعمله يتحلى بطعم الحماس والحب لتكن نيتنا خالصة.. وعملنا خالص لله أهناك أجمل من ذلك ؟! ~ كُتبت خلال أيامنا الأولى في سنة ثالث .. كانت المعامل عندنا بالكلية تحت الترميم وتحتاج شهر عشان تجهز.. فكنا نروح المعامل حقت الأولاد اللي بجانب العيادات ونقطع الجسر كل يوم عشان نوصل هناك << طبعا دحين برابع وخامس صرنا نقطع الجسر هذا رايحين جايين فيه في اليوم 4 -5 مرات ! "^^ مابين أخذ المحاضرات في الكلية.. والعيادات في الجهة الأخرى

كلام جميل وقمة في الابداع والفن ..
مررررررررررة عجبني كلامك واحساسك ومشاعرك وحبك لـ طب الأسنان ^^
من جد ما أمل من قراءة ردودك وكلماتك الحلوة لأنها تحمسني أكتر وأكتر وتحببني أكتر
في التخصص وتقنعني أكتر اني ما غلطت لما دخلت دا القسم
لأني من جد أفخر بإنسانة ودكتورة متألقة في كل شي =)
الله يحمييكي ويحرسك من العين ياااارب ..

[Dr~NanoOok]

المشاركة الأصلية كتبت بواسطة hadeel a [quote=dr~nanoook;4539716]هدووولا ربي يسعدك ويفرحك أكتر وأكتر يااارب ^__^ والحمدلله اللي فرحك بدخولك التخصص اللي تبغيه.. بعد هذه المقدمات ليه أنا اللين دحين مو عارفه المقدمات دي لي .. أمكن هدي جاتني من الوسوسه .. وباذن الله تفرحي بتخرجك وقتها ما حتنامي شهر بكبره امكن :p هههه شكلي حأسوي كده .. أنا ابغى أفهم.. ليـــــــــــــــــش الطب البشري مدخل نفسه غصب في قرار ورأي أي أحد أسناني ؟! ما يسيب الساحة للأسنان وبس ويخلي العقل مرتاح ههههههههههه و الله مو مننا من اللي حولنا يجلسو يزنو علينا .. واتكلمي زي ما تحبي وابدا ما طولتي بالكلام بالعكس اسعدتوني الاتنين بمشاركتكم لحظتكم هذه ^____^ شكرا يا عسل انت اللي بتسعدينا بكلامك الحلو معانا . د.هديل .. حكينا عن سبب اختيارك للأسنان.. وبرغم رأي أهلك وصحباتك وكلامهم ؟

علاقتي بالأسنان حب من أول نظره
من يوم و أنا أولى ثانوي و أنا ابغا ادخل طب أسنان و كنت أفكر أن لمن يجي و قت دخولي للجامعه حأكون عرفت تخصصات أكتر و حأعرف اش ادخل و بالفعل كنت بأقرأ عن تخصصات كتيره و على مواقع لجامعات كتيير .. و في تخصصات عجبتني .. بس ما في شي دخل بالي زي طب الاسنان اللي في البدايه أخترتو بشكل عشوائي و لمن قرأت عنو حبيتو أكتر مع أن كنت أتجنب أن أقرأ عنو كتير لان أنا كان عجبني من غير ما أعرف عنو ولا شي و كنت أحس كل ما أقرأ عنو يعجبني و أحبو أكتر و كنت خايفه أن ربنا ما يكتبلي أدخلو .. بس الحمدلله كما ينبغي لجلال و جهه و عظيم سلطانه .[/quote]

جميـــل الحب من أول نظرة .. مافي أحلى منه
ههههههههههه أفرح لما ألاقي أحد حب الأسنان من زمان.. وخلاه في باله وهدفه
وسبحان الله.. ربي حببك فيه.. ويارب يكون هو الأفضل لك.. وتحققي من خلاله أعلى الانجازات يارب

ودحين أقري عنـــــــــــــــــــــــه قد ما تقدري.. ولا تخلي شي يوقفك عن حماسك وحبك لتخصصك
ربي يوفقك

__________________________________________

المشاركة الأصلية كتبت بواسطة abadi14 كالعادة يا د.نانووك يعجز اللسان عن شكرك على طرحك الراقي والجميل ودحين خليني اقلكم قصتي لما نزلت التخصصات انا اصلن نوومي مرره ثقيل بس من الخوف انا صحيت الساعة. 12 وكنا سهرانين الليلة الي قبلها وكانو العائله كلهم متجمعين عندنا ولما صحيت صليت الظهر وبعد الصلاه قعدت مسنتر قدام الاوودس 3 ساعات بس ادعي اني انقبل طب اسنان وكنت خايف اني ما انقبل لانو الاشاعات كانت شغاله انو طب الاسنان يبغون معدل عالي وكمان كانت درجتي في الكيمياء نازله شويه هدا الي كان مخوفني المهم والله جات الساعه ثلاثه واحدث الاودس ما طلع شئ المهم خرجت ودخلت على الاوديس والقا اني دخلت طب اسنان وكان معايا ولد عمي وانا من الفرحه مني مصدق اقوله شوف صح اني انقبلت مني مصدق واروح افرحهم اني انقبلت وطبعا الفرحه كانت دبل لانهم كلهم كانو موجودين وطبعا في الليل كان العشا على حسابهم ^_^ وتوته خلصت الحتوته حلوه<<<<<< ومعليش الخط مو منسق ولا ملون لاني داخل من الجوال

العفو والله .. ودعوة منكم في ظهر الغيب تكفييييني ^^

الحمدلله انه ربي حققلك مرادك.. وأعطاك هو بعد انتظارك وترقبك
الله يعين جميع طلبة التحضيري على الاشاعات والكلام اللي يتلف الأعصاب وبس وماله فايدة ابدا !

ومن جد.. أجمل السعادة لما نتشاركها مع غيرنا ومع الأكل.. تتضاااااعف وتصير أجمل


أحلى شعور لما تعيشوني معاكم لحظاتكم وتوصفوها بالتفصيل ماشالله "^^

[Dr~NanoOok]

المشاركة الأصلية كتبت بواسطة purple_boxer كلام مرررة حلو و جميل جدا يا دكتورة نانوك مشالله مواضيعك حتى المواضيع الصغيرة اللي جوت الموضوع الاساسي حلوة ربي يديكي العافية بالنسبالي يوم النتايج كنت ف المستشفى وما ادري عن شي وكنت ف مكان الانتضار ويدق عليا صاحبي يقلي هات رقمك حق الجامعة ورقم الهوية قلتلو خير يبويا ايش ساير قلي انت هات ومالك شغل و اعطيتو الارقام وقلي مبروك انقبلت اسنان قلتلو انت ايش تقول مني فاهم شي هههه من الصدمة يعني بس لمن كدا استوعب الهرجة قعدت ازعق ف المكان هههههههه وجا ابويا يقلي اشبك قلتلو انقبلت اسنان واخد الايباد وقعد يتفرج على الدرجات ويشوف مكتوب اسنان ومرة فرح اكتر شي ومن يومتها الين دحين ما يناديني الا بدكتور هتان هههههه حمدلله انو انقبلت اسنان مرررة مبسوووط وراضي بيلو

مشكور د.هتان على الكلام .. ويسعدني أن مواضيعي وحتى ردودي تعجبكم ^_^

أحلى شي المفاجأة.. ولما ما تكون معطي للموضوع بال .. وتجيك المفاجأة !
وأحلى شي فرحة الأهل والله .. وباذن الله تحقق اللي يبغاه والدك وترفع راسه


__________________________________________________ _____________________

المشاركة الأصلية كتبت بواسطة shosho0o ما شاء الله مواضيعك جداا جميله و تحمس الله يعطيكي العافيه يا د. نانوك

انتِ الجميلة ^_^

وشاركينا يا شوشو بلحظة استقبالك لخبر القبول بالأسنان =)

[Dr~NanoOok]

المشاركة الأصلية كتبت بواسطة Glamor Mada كالعاده ماشالله دايما مواضيعك حلوه وتخلي الواحد متفائل .. وقسمنا صاير احلى قسم في المنتدى كله لاننا مو بس بنسأل بعض ونجاوب وخلاص زي الباقيين..قاعدين نستفيد من بعض وناخد فكره عن السنين اللي قدام ونحكي تجاربنا

اهلين مادا .. مطول الغيبة وما شفناك بالقسم من فترة :p

الحمدلله .. والله أكثر شي يسعدني بالحياة إني أقدر أدخل الفرحة و التفاؤل بقلب أحد
وحرصت انها تكون صفة فيا.. وأي أحد محبط ولا مكتئب يجيني و ممكن أقلب مزاجه ع الآخر "^^
صفة أعتز بيها.. والحمدلله قدرت أشعركم بها هنا ع المنتدى ^__^

ويارب يبقى القسم دايما كده .. صحيح مو بس كلام واجابات .. هنا بنتعلم نكون قلب واحد وكيف ممكن نساعد بعضنا بكل اللي نقدر عليه =)

ويصير أمانة عليكم تنتبهوا على القسم وتبقوه "مولع" حماس وتعاون
اذا تركته أو شي

امممممم انا متأكد اني بعد كم سنه رح احن لبداياتي في الكلية وبالتحديد لشغل الدينتال اناتومي لانه بتخصصنا .. الحين ماني قادر احس بحلاوة التخصص زيكم .. صح اني احبه بس برضو ما وصلت لمرحلتكم لأني ما كنت حاط الاسنان في بالي فيوم من الايام الفيديو حق يوم في حياتي شوفتو قروبنا عالفيسبوك وحده حطته .. ما كنت متوقع انه بيعانو لهالدرجه بس عندي سؤال دكتوره نانوك .. ايش صار ع الاعتماد الاميريكي ؟ لانه الشغله طولت افتكر لما جانا دكتور معتز وكلمنا من قبل ما يجي الوفد الاميريكي .. بس للحين ما سمعت شي عنه ياااارب يجينا وتصير كليتنا احسن كليه بالمملكه

سنة ثانية ما تعتبر البداية الفعلية لطب الأسنان.. فعادي اذا ما حسيت بأنك تردس أسنان ولا تعرفت عليه
وحط ببالك.. أنك بتحب التخصص و حتستمتع بيه وتتعرف عليه اكتر وأكتر
وصدقني أي مصاعب حتواجهها حتسهل باذن الله


بالنسبة للاعتماد الأمريكي

كليتنا قدمت عليه من كم سنة.. والسنة اللي فاتت وافقوا على الحضور لكليتنا وتقييم وضعها.. ومن بعدها يقرروا هل تستحق الاعتماد ام لا

والنتيجة ممكن تكون شيئين..
يا انهم يرفضوا تماما الكلية وانها ما توافق معاييرهم ابدا
أو
انهم يعطونا فرصة ثانية عشان نطور أكثر ومن بعدها يقيموا من جديد وممكن نحصل على الاعتماد

علما بأن الاعتماد الأمريكي من أصعب الاعتمادات حصولا عليها بالعالم.. ونادرا ما تلاقي كلية تحصل عليها من أول مره !

وباذن الله احنا قدها ونقدر نطوّر بالكلية ونحصل على الاعتماد الامريكي
وبكده نكون أول كلية بالشرق الأسط تحصل عليها

وعلى فكرة كليتنا عندها الاعتماد الاوروبي واخدناه من كم سنة
وفايدته اننا لما نتخرج من الكلية.. شهادتنا تعتبر كأنها متخرجة من كلية أوروبية وبقوتها

ههههههههههههههههههه دكتوره نانوك صورك تحممممممممسني لدرجه اني نفسي الحين اروح لاب الدينتال واقعد اشتغل ههههههههههه ماشالله تصوريك روعه متحمس لمعمل الفانتووم .. واحد من سنه ثالثه قلي انه يبغالو دقه مررره ودكتور هشام هيخلينا نكتب حرف S ونكتب جمبه حرف s ثاني بفرق واحد مليميتر او نص ! مره صعب ودقيق.. الرسامين واللي يعرفو يرسمو هيستفيدو بالتخصص ونفعهم في رسم الاسنان والكراسات وحتا في الاختبارات .. بس للاسف انا ماعرف ارسم يمكن في حاجه انا متأمل انها تنفعني بالمستقبل مدري اذا ايوا ولا لا .. انه انا يدي واصابيعي خفيفه واقدر احركها بخفه لانه اللي يلعب عالجيتار والبيانو لازم يعملوه تمارين في البدايه عشان تكون يدو تكون خفيفه ويقدر يحرك اصباعين او 3 او حتى اربعه بنفس الوقت ونفس الاتجاه .. استفدت منها وانا بقلب البودره مع المويا عشان نركب المودل عالارتيكيوليتر كنت بحرك بسررعه واصحابي متفاجئين ههههههههههههههههه عاد إن شاء الله نطلع منها بفايده ثانيه في تخصصي هههههههه شكرا دكتوره عالكلام الحلو والصور .. حمستني

مو دكتور هشام.. د.فاضل أعتقد
هو اللي حيقعد يدقق في كل شي بالمعمل .. وأول تمرين خلالنا نعمله
هو رسم خطوط طولية البُعد بين كل واحدة والثانية 1 ملم \ نص ملم \ ربع ملم

طبعا بالبداية كان مررره صعب ولا نعرف نفرق لكن مع الوقت صار الـ سم بالنسالبنا شي جدااا كبير
واتعودنا على الملم

ومره كويس انك متمرس باستخدام أصابعك
مره حيساعدك في الشغل إن شاء الله
وخليك مستمر على ممارسة هوايتك ولا تتخلى عنها مهما كان

كثيرين للاسف لقلة الوقت وضيقه.. ما صاروا يمارسوا أي شي .. وخلوا الدنيا بس دراسة !
ويقهروني اللي يقولوا بأن "الطب" مقبرة المواهب !

معليش الواحد لما يوفق مابين الاتنين يقدر يعملهم على أكمل وجه

ومن ذوقك أن صوري عجبتك =)

المشاركة الأصلية كتبت بواسطة Glamor Mada اممممممممم وانا كمان هحكيلكم كيف انقبلت بالكلية .. قبل كل شي .. انا ما كان لي ميول لأي تخصص عن الثاني ابدا يعني ما كان في بالي هدف محدد .. بس كانت تجذبني كلمه " دوكتور " فا لما جا وقت ترتيب الرغبات ماعرف ايش احط وكنت جدا محتار .. فا دخلت عالمنتدى هنا وبديت اقرا عن كل تخصص وقضيت اياام وايام وانا اقرا .. ولما عملولنا اليوم الارشادي تخيلو اني اخدت بروشرات عن اغلب التخصصات ما عدا الاسنان ! ما رحت الركن حقهم ! رجعت البيت قعدت اقراهم كلهم وايش الخطه الدراسيه والمواد وتقريبا كونت في بالي الهدف والرغبات بالترتيب ( طب بشري - صيدله - علوم طبيه - هندسه - حاسبات - اسنان ) وانا قاعد ارتب الرغبات ابويا كان جمبي وقلي ها ايش تبي تتخصص ؟ قلتله والله مدري ومن ذا الكلام .. قام قلي ادخل اسنان تخصص حلو ومستقله حلو واريح من البشري .. من يوم قلي هالكلام دخل في بالي الاسنان وقعدت اقرا عنه هنا .. لكن مدري ليش ما فضلته على البشري .. فا رتبت الرغبات ( بشري - اسنان - صيدله - علوم طبيه ) بس الى الان ما حددت قرار نهائي وماني مقتنع .. صليت استخاره .. وفكرت في كلام ابويا مره ثانيه وقلت خلاص لما اصحى بكره احط الاسنان رغبه اولى لاني كنت وقتها عالسرير بنام صحيت اليوم اللي بعده وحطيتها رغبه اولى وخلاص معد فتحت الاودس بعد كذا ابدا .. اصلا انا ما كنت متوقع اني انقبل في الرغبتين الاولى ابدا ابدا ابدا .. لاني كنت رايح جاي عالمستشفى .. وقبل اختبار الكيميا الفاينل بيوم كنت في المستشفى دوبي مسوي عمليه .. بس اصريت اني اخرج عشان اختبر وما اعيد ترم كامل .. طبعا اختبرت وانا مني مذاكر ولا كلمه وكنت رح ارسب اصلا جبت درجه جدا سيئة بس الحمدلله نجحت فيها .. لكن كنت فاقد الامل اني انقبل في الاسنان او البشري .. ما علينا المهم .. ليله نتايج التسكين كانت ليله مرررره مميزه وحلوه وكنت مره فرحان يومتها صارتلي حاجات حلوه .. رحت اتفرج الفاينل حق كأس العالم بين اسبانيا وهولندا تقريبا الساعه 9 بالليل برا البيت عشان احس بحماس اكثر.. وطبعا انا كان قلبي مع اسبانيا وابغاهم يفوزو.. لانها بلدي الثاني عشت فيها 4 سنين وشويا فا المهم لما فازو مررررررررررررره انبسطت وقعدت اكلم اصحابي في اسبانيا ومبسوطين اكثثر شي ههههههه .. واصلا قبلها جاتني اخبار حلوه فا كنت مبسوط من اول وبفوز اسبانيا اكتملت الفرحه .. رجعت البيت تقريبا على 12 قعدت اححتفل مع اصحابي الاسبانيين عالفيسبوك مع انه نتايج التسكين صارلها تقريبا اكثر من 3 ساعات طالعه .. بعدها فتحت المنتدى لقيت الجماعه كلهم غيرو تخصصاتهم اللي في البيانات من تحضيري لتخصصهم الجديد .. وشوفت التواقيع والمواضيع واللي مبسوط واللي زعلان.. علطووول جري عالاودس فتحتو لقيت مكتوب طب اسنان (خطه جديده) .. ولما رحت ايقونه نتيجه فرز السنة التحضيريه .. اتفاجئت اني انقبلت رغبه ثانيه ! مع اني حطيت الاسنان رغبه اولى .. بس بعدين اكتشفت انه لما انا حطيت الاسنان رغبه اولى كان يومتها ترتيب الرغبات قفل وماكنت ادري فا اللي اتخزن رغبه اولى هوا الطب البشري .. فا شوف سبحان الله كيف ربي خلاني ادخل الاسنان مع انه البشري كانت محطوطه رغبه اولى واللي فصل بينها وبين الاسنان اقل من نص نسبه .. الشعور اللي جاني انه انبسطت اتقبلت اللي كنت ابغاه لكن كنت زعلان اني ما انقبلت رغبه اولى ههههههه مع اني ما كنت ناويها .. بس عشان حسيت اني خسرت التحدي وما انقبلت رغبه اولى ! هههههههه فا علطول رحت قلت لابويا انقبلت اسنان قام باركلي وحضني .. اول مره فحياتو يحضني وصار يناديني دكتور من ساعتها هوا واخواتي .. والحين الحمدلله بديت احب تخصصي واحمد ربي اني اخترته بعد ماكان اخر شي افكر فيه

مادا ممكن طلب ...
بلاش تكتب كتيييير .. لأني حقعد أكتب واتكلم معاك كتييير وما حنخلص للفجر :p
زي ما انت شايف :p
ههههههههه امزح
بالعكس ماشالله عليك بتذكر كل التفاصيييل و بتسردها لينا بطريقة مشوقة

وماشالله سارد قصة حياتك هنا ومليانة اكشنات كمان :p

الحمدلله على الخيره اللي اختارها لك ربنا .. وباذن الله تحقق أعلى الطموحات
و ترفع راس والدك يارب

[Dr~NanoOok]

المشاركة الأصلية كتبت بواسطة Kaira ياااانآآآآآآسو عليكي د.نانوكـ ماشاالله تبارك الله دااااااايما تسحرينا أكتر وتجذبينا أكتر وتحببينا أكتر لعالم طب الأسنان من مواضيعك وردودك ووحتى مناقاشاتك معانا =) حتى طريقة تصويرك وعرضك للصور خيااااال مرة حلوة ماشاالله وكمان إبداعك في منثوراتك الأدبية >>> والله لو أقعد أليييين 100 سنة ما أقدر أوفي حقك والله .. أنا والله أرشحك لجائزة نوبل على إلي تعمليه معانا بصراحة يا عسل ^__^ من جد ماشاالله عليكي الله يحميكي لأنك فخر كبيييييييير للكلية حقتنا أنا بصراحة أحترمك مرررة كتير وأشوفك قدوتي في عالم طب الأسنان كلو

:$ :$ :$

كاااااايرا بالله ايش أرد وايش أقول بعد كلامك دا ؟!
احرجتــيـــــــــــــــني والله :$

من ذوقك الحلو يا الذوق انتِ .. وتسلميلي والله على الكلام الرائع! يااااااااااااااااارب يقدرني إني أكون على قد الكلام دا وعلى قد الثقة

فعلا مادري ايش اقول.. ربي يسعدك دنيا وآخرة

عارفة بصراحة طفشت من الاجازة خلااااص أبا الجامعة تبدأ عشان أبغا أشتغل في المعمل حقنا >> والله وحشني مررررررررة ووحشتني أيامو والكراسي حقتو والأصوات إلي كإننا في معمل حق نجارة بس من جد والله شي حلو وكمان معمل الفانتوم دا مررررررة متشوقة أدخلو وأبدأ أول خطواتي على أول راس فيلو ههههه الكلية كلها وحشتني بصراحة

هههههههههههههه نفس الشعور والله
أبغى الاجازة تخلص وأرجع للجامعة.. من جد اشتقتلها
بالرغم من قولهم أن سنة خامس قمة الانشغال والبهدلة.. لكن على قلبي زي العسل
أمتع شي لما تمارسي شي تحبيه ..
وباذن الله حتستمعي أكثر شي بالعملي بسنة ثالث وحتحبي الأسنان أكتر وأكتر

الفيديو كان حلو بس خوفني شوية من مسألة الــ patients مو فاهمة يعني هل الكلية راح توفرلنا مرضى ولا لسع ما طبقوا دا النظام ؟؟ لأني مو عارفة من فين أجيب مرضى ودا الشي أكتر شي مخوفني مرررررررررررررة وفي عندي سؤال مثلا لو جاني مريض وعندو حالة بس حاجة لسع ما درسناها كيف أسوي ؟؟ لأني من جد مسألة المرضى مررررة مو فاهمة ولا شي فيها وأبغا أعرف كل شي يريحني نفسيا

النظام القديم كان يعتمد على الطلبة اعتماد كلي في توفير المرضى.. الكلية تحاول توفر أسماء مرضى من عندها وحالات
لكن متابعة المرضى ومواعيدهم والتأكد انهم حيجوا الموعد كانت مسؤلية الطلبة

لكن من السنة اللي فاتت طبقوا النظام الجديد وصاروا يعتمدوا على الكلية في تأكيد المواعيد وتوفير المرضى
لكن المشكلة من المرضى انهم بيأكدوا الحضور لكن ما يجوا !

أو بعض الأخطاء من السيستم وما تترسل الرسايل ولا يقدروا يوصلوا للمرضى
ويضيع علينا سيشن كامل بهذا السبب

لكن ربنا كريم.. وباذن الله تنحل المشكلة بأسرع وقت
وللاسف المرضى هي المشكلة الأزلية في جميع كليات طب الأسنان بكل العالم !
فلا تحبطوا من حال كلتيتنا وانها الوحيدة مثلا
<< عشان نواسي نفسنا شوية :p

~

وبالنسبة للحالات المتقدمة واللي ما نقدر احنا نعالجها
نحولها إلى طلبة سنة سادس أو الامتياز .. أو للعيادات التخصصية للدكاترة الكبار
فلا تاخدي هم من هذه المسألة.. والدكاترة المشرفين عليكم حيوجهوكم

المشاركة الأصلية كتبت بواسطة Kaira كلام جميل وقمة في الابداع والفن .. مررررررررررة عجبني كلامك واحساسك ومشاعرك وحبك لـ طب الأسنان ^^ من جد ما أمل من قراءة ردودك وكلماتك الحلوة لأنها تحمسني أكتر وأكتر وتحببني أكتر في التخصص وتقنعني أكتر اني ما غلطت لما دخلت دا القسم لأني من جد أفخر بإنسانة ودكتورة متألقة في كل شي =) الله يحمييكي ويحرسك من العين ياااارب ..

ربي يسعدك ويرزقك مع كل حرف أدخل بقلبي الفرحة

بأضعافها فرحة وسعادة.. وأجمل الأجر باذن الله ^________^

[~RAN~]

^
ماااشاءالله د.نااانووك
كلام مرررررررررررررررررررررره حلـــــــــــــــــــــــــــــــو
والله تحمست وانا اقرأه
ماشاءالله عليكم مبدعــــــــــــــــــــــين

[~RAN~]

^

ياربي يا د.نانوك

وربي اللحظه هذي انا لسه اتذكرها واحس فيها لمن هذا اليوم

اول شئ في الليله الي تسبق نزول التخصصات
دخل العميد المنتدى وكتب انها راح تنزل يوم الاربعاء الساعه 3

وطبعا اغلب الطلاب والطالبات يمكن ماقدروا ينامو هذاك اليوم بالنسبه لي صحيت من 1 تقريبا
وجلست على المنتدى والاودس
وكان ينزل مواضيع تزيد الخوف والتوتر في هذيك الساعتين

بعدين الساعه 3 تماما سويت تحديث للاودس ماتغير شئ
بعد كم دقيقه سويت تحديث
صار مقفل الاودس ويطلع لي ايرور

المره الثالثه هي المره الصاعقه
سويت تحديث
لقيت مكتوب طــب اسنــــــــــــــان

وربي يا د.منار اني احس اني تجمدت في الارض وجاتلي دوخه
وربي حسيت المكان الي جنبي كله يدور فيني
تقريبا جلست كذا 5 ثواني
بعدين استوعبت
الموضوع

وقمت خبرت اابوي واخوي وامي هذاك اليوم كانت مريضه فأبدا ماحسيت بالفرحه


بس الحمدلله اني دخلت طب اسنان
الحمدلله يااااااااااارب
وربي الله يسعدك يا منار معاااكي حبيت طب الاسنان اكثر واكثر
الله يوفقك

وبأذن الله راح ابذل جهدي كله ويكون لي بصمه في عالم طب الاسنان ~