ممكن تساعدوني بمعلومات عن اختبار قسم التصميم الداخلي؟[عنوان معدل]

[NoOoS]

السسلاام عيكم ...

انا انسانة حكايتها حكاية ف اتحملوني و كذا

انا يا طويلين العمر لما خلصت سنة تحضيرية قبلوني في كلية العلوم قسم علم جينات طبعا كل الناس قالولي مو بعقلك تحولي اقتصاد منزلي ؟

بس استخرت و الحمد لله لحقت احول ف ايام الدوام ف رمضان قبل ما اتورط ف الاحياء

و طبعا راح عليا اختبار التصميم الداخلي و انا ما ابغى شي ف حياتي غير دا القسم

و اتطريت اعمل جدولي مواد حرة و اختياري طول هادي السنة عشان اختبر السنة الجاية


بنااات والله مرااا خايفة من الاختبار و لما سئلت قالولي ما يقبلو غير 30
كل امالي متعلقة بدا القسم ..

ليت تدعولي و اللي تعرف اي معلومة عن الاختبار لا تبخل عليا و اتمنى اعرف راح ياخذو معدلي في السنة التحضيرية ولا معدلي هذي السنة ولا الاثنين


الله يسعدكم اتمنى رد .....

[NoOoS]

معقول طلبي مستحيل لهذي الدرجة !!!!!!!!!!

يعني مافي احد اختبر قبل ما يدخل القسم

[☂όм Jόяү☂]

المشاركة الأصلية كتبت بواسطة nooos السسلاام عيكم ... انا انسانة حكايتها حكاية ف اتحملوني و كذا انا يا طويلين العمر لما خلصت سنة تحضيرية قبلوني في كلية العلوم قسم علم جينات طبعا كل الناس قالولي مو بعقلك تحولي اقتصاد منزلي ؟ بس استخرت و الحمد لله لحقت احول ف ايام الدوام ف رمضان قبل ما اتورط ف الاحياء و طبعا راح عليا اختبار التصميم الداخلي و انا ما ابغى شي ف حياتي غير دا القسم و اتطريت اعمل جدولي مواد حرة و اختياري طول هادي السنة عشان اختبر السنة الجاية بنااات والله مرااا خايفة من الاختبار و لما سئلت قالولي ما يقبلو غير 30 كل امالي متعلقة بدا القسم .. ليت تدعولي و اللي تعرف اي معلومة عن الاختبار لا تبخل عليا و اتمنى اعرف راح ياخذو معدلي في السنة التحضيرية ولا معدلي هذي السنة ولا الاثنين الله يسعدكم اتمنى رد .....

شوفي ياقلبي الإختبار بيقيس مهارات معينة لازم تكون موجوده عندك عشان تقدري تكملي في التخصص ف ادخلي الاختبار السنة الجاية وانت مؤمنة إنك ماحتاخدي إلا نصيبك وعلى قد مهاراتك
الاختبار السنة دي جابو لنا أسئلة نظري مدة ساعتين
كانت أسئلة عن الللون وجابو خطوط وكوني بيها تصميم معين
كمان جابو لنا غرفة معيشة ومجموعه أثاث تختاري منه اللي يناسب غرفة المعيشة وترسميه داخلها
جابو منظور لشقة وتلونيه
الاختبار التاني عملي مدته ساعتين كمان
جابو لنا مجسمات وترسميها كتكوين

توكلي على الله وباذن الله ماحتاخدي الا نصيبك

بس نصيحتي لك دي السنة خلصي المواد العامة الثقافة 1 و 2 والعربي 1 و 2
ومهارات التفكير وصحة فرد وعلم النفس العام والمادتين الحرة
عشان قد ماتقدري تتفرغي لمواد التخصص لأن شغلها كتييييير

بالتوفيق ..~

[☂όм Jόяү☂]

وبرضو حاولي تطوري نفسك دي الفترة
اقري عن التخصص كتير
وشوفي صور كتييير حتساعدك باذن الله..~

[NoOoS]

Om jory تسلمي على مرورك انا بإذن الله راح اعمل بنصائحك
و راح ابداء من يوم السبت دورة في جامعة دار الحكمة عن التصميم مدتها شهرين
على أمل انها تساعدني في الاختبار و الله يكون بالعون و يوفق الجميع