الترشيح و الاجبار على الابتعاث الخارجي

[راجية رضا الله]

السلام عليكم
ابغى اخذ رأيكم ياجماعة انا حاليا حصلت على درجة الماجستير من جامعة الملك عبدالعزيز وقبل فترة نزلت وظائف معيدات في الجامعة وقدمت عليها ووقعوني على تعهد بانه اكمل الدكتوراة في الخارج , وانا وقعت لأنه هذا من شروط الترشيح على الوظيفة .... المشكلة انه زوجي ماهو موافق على الابتعاث الخارجي من قبل ماتجي الوظيفة فهل ممكن اني اكمل الدكتوراة هنا في الجامعة نظرا لظروفي والا ماراح يوافقوا عليها المسؤولين ؟ واللي في نفس وضعي ايش تسوي ؟ وانا ماابغى اتحول لادارية .

[رقة الورد]

أنا الي أعرفة انه تقدري تكملي هنا في الجامعة ...لأنه أصلا معروفة أنه موكل البنات المتعينات يقدرون يسافرون للخارج للدراسة..وبصراحة المفروض أنه كلنا نتقدم بشكوى لأنه مومن حقهم اجبار البنت على السفر أو التحويل لإدارية لأنه موكل الناس تقدر تسافر المفروض يكون اختياري..

[shahad yms]

اختى راجية رضا الله تحققي من الموضوع من الجامعه لان صديقاتي سالت وقالت لايمكن تكملي هنا مادامك وقعتي وانو ايضا الجامعه غير مسووله عن تحويلك كاداريه ؟
ولكن ممكن عندي سؤال انتى مقدمه على اي اعاده يعني ايش تخصصك ؟؟

والله يوفقنا واياك ويسهل عليك ويوافقو تكملي في السعوديه ...

[Zero cool]

ليش الجامعات تختلف عن بعض انا معيدة بجامعه سعودية غير جامعة الملك عبد العزيز ومااجبروني على الدراسه براااااا ولي حريه الاختياااار؟؟؟؟؟؟
ااااااالله يووووووووفقك ماظني يجبرونك لان الشرط الاساسي ضرورة اكمال الدراسه

[جرح الغلا]

كلام الاخت شهد صحيح انا سألت بنفسي

وما راح تتحولين ادارية هذا الكلام قراته في النت

و سألت عنه وقالوا لي انه انتي موقعة على تعهد

يعني انتي موافقة سلفا على السفر كيف بعدين ترفضين

والجامعه غير مسئولة ممكن يأجلون الابتعاث لكن لازم تروحين

وهذا اللي اعرفة


على فكرة انا سألت رئيسة قسم الاقتصاد و الادارة

اذا سمعت غير هالكلام بلغينا بارك الله فيك

[راجية رضا الله]

اتمنى يعيدوا النظر في هذا القرار لأنه البنات مو مثل الأولاد معليش هذا القرار يجبروا عليه اللأولاد لكن البنات لا
يعني الوحدة تخرب بيتها والا ايش تسوي

[جرح الغلا]

يا ليت ادارة المنتدى تعمل شكوى و الاعضاء

يصوتون عليها ويحاولون يوصلوها للمسئولين

لانه هذا القرار جائر و ظالم

[صمت الجروح]

فعلا مو كل البنات تقدر تسافر او بعضهم مامعاها محرم ايش تسوي
احس انو قرار صعب على الى ماتبغى تكمل في الخارج او ماعندها احد يروح معاها او انو غير موافقين على سفرها للدراسه

[بريق أمل]

السلام عليكم ورحمة الله وبركاته:
أهلاً بنات. فعلاً حنَّا لازم نتكاتف ونقدِّم رفضنا بكل قوة؛ لأن بصراحة اللي فهمته من عضواتنا في القسم إن هذه المسألة ترجع للموظفة وشطارتها، يعني لازم ما ترضخ للأمر هذا أبد. خاصة إن حنا في بلدة محافظة وملتزمة بتعاليم الشريعة (الله يحفظ لنا أبو متعب يارب) فلو اتحدنا كلنا في كل الأقسام وقدمنا شكوانا وكتبنا عنها في الجريدة، صدقوني يا بنات محد -بإذن الله- ذيك الساعة يقدر يجبرنا. خاصة إن هذا القرار -زي ما قالت الأخت قبل شوي- مو معمم على كل جامعات المملكة. وعشان أبين لكم فايدة الشكوى والكتابة في الجرايد، تدرون إنه بعد ما أُعلِن عن هذا القرار، أيامها ضجت الجرايد، وصاروا الصحفيين يتمسخرون بهذا القرار العجيب، وبعدها علطول اجتمع وكيل الدراسات العليا مرة ثانية بالمعيدين والمحاضرين والمعيدات والمحاضرات، وقال خلاص قسم اللغة العربية والدراسات الإسلامية مستثنيين من الابتعاث الخارجي، لكن بشرط الابتعاث الداخلي (داخل جامعات المملكة غير عبد العزيز). لكن، أيضا هذا ما يعني إننا نسكت ونستسلم، أنا أذكر إني كلّمت شيخ بهذي المسألة من تلاميذ الشيخ المطلق -الله يحفظه- ونصحني وقالي لا تسكتون ولا ترضون وقدموا اعتراضكم لسماحة المفتي، وصدقوني -بإذن الله- تنحل المسألة؛ لأن جامعة الملك عبد العزيز هي الشاذة في ها المسألة.
ها بنات، نبي نتوحَّد.

[جرح الغلا]

اخواتي الغاليات يا ليت كل وحدة فيكم تكتب شكواها

و ترسلها الى صحيفة سبق الالكترونية او الوئام

انا ارسلت لهم و لازم ترسلون عشان اذا كانت شكوانا

كثيرة يلتفتون للموضوع