يـا الـعـفـيـفـة ..

[A.H.Z 911]

قصة بنت كانت تطالع واحد بعين قويه ,, المهم الرجال طلع شاعر ,, وما قصر فيها كم بيت عشان تتأدب

وش صار؟؟ تابع القصيدة <= يمديكم ع التشويق

يقول:


كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ما أذكـر إنــا ملتقـيـن
لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهونك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة واللي ماشتروا يتفرجـون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـارو يمدحـون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت.. لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آآآآه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

[m u l a n]

يالله القصيده تعور القلب ..

شكراً لنقلك المبــدع آخووي

لاعدمناا آبداعكـ

[AnoOosa NoOoSa]

يااااللله
قـــصة جدا محزنــــــــــة

يديك العافية

[الأمورة بسوم]

يالله من جد تحــزن

يسسلموو عالقصيدهـ

[بنت السعوديه وبس]

واووو
من جد محزنه
يسلموووووو
وربي حزنت

[A.H.Z 911]

m u l a n - AnoOosa NoOoSa - الأمورة بسوم - بنت السعوديه وبس

شكرًا على ردودكم الحلوهـ (: