وإلى متى سيظل الاستفهام على باب جامعتنا؟

[كونفيشكـا]

السلام عليكم
كيفكم حبايبي

أولا/ ألف مبروك للي انقبلـ/ـت والحمدلله ربي عوض صبركم خير...
تانيا/ عقبالي وعقبال اللي ما انقبلوا وربي يعوضنا بخير منها...

ودي اسأل وتكفون للي عندها أي معلومة تقولها لآني ابغى ارتاح واريح ضميري كمان

يابنات هوا السبب عشان العمر والخبرة في مجال التدريس تعتقدون كدا
وإلا ايش بالضبط اللي مخليهم كدا مايقبلوا الا عدد قليل ...

معدل وجبنا اكتر من المطلوب ودورات وكمان جبنا طيب وبعدين يعني لاماجستير ولادبلوم ولاحتى شي يشرح الصدر ... ليييييش طيب؟؟؟

وحتى المدارس الخاصة اللي كلها مذله وبهدله كل مارحنا نقدم قالوا انتظري اتصال عشان نحدد موعد لشرح درس نموذجي يعتبر بمثابة مقابلة شخصية وبعدها نسوي الدرس قالوا انتظري اتصال وهما اصلا مايبغونا .. ليش ؟؟ بحجة انه احنا لا تربويين ولا عندنا خبرة بمجال التدريس...

من اساسه ليش تتعبونا قولوها قدامنا انقلعوا وخلاص بلا تبريرات واعذار..
يعني أنا وقت المقابلة قالت لي الدكتورة حتى لو ما انقبلت لسى العمر قدامك عشان تقدري تاخذي خبرات <<< ومن فين الخبرات ياهانم
يعني عشاني متخرجه قبل كم شهر حطيتيها عذر << لانها ماحصلت شي تتعذر فيه


وآخرتهااا ياجامعتنا إلى متى نتم في حيرة من أمرنا..

لاحول ولاقوة إلا بالله اللهم إني استغفرك وأتوب إليك استغفر الله العظيم

[أم تروك]

وكلي امرك لله ولا تيأسي قدمي المرة الجاية وصري على رأيك ولما تسوين مرة ثانية مقابلة قولي للي تسويلك المقابلة انك للمرة الثانية مقدمة وحتقدمي مرتين و3 و4 و5 لمن تنقبلين وهما لمن يشوفوك مصممة على رأيك وعندك ارادة صدقيني راح يقبلوك وانا صار مرة معاية لمن دخلت قسم علم النفس قبل فترة ايام كان فيها اشتراط دخول القسم بمقابلة شخصية ولا تخلين نفسك خذي دورات في النواحي التربوية الي تخص الناحية التعليمية وهما اكثر شي حسيت انه يدورولو ما يبغو ناس طازة ما عندها خلفية عن النواحي التعليمية وهذا رأي والله اعلم
يارب يوفق الي ما انقبل بأفضل من الدبلوم

[أم تروك]

حبيبتي اذا تبغين وظيفة في مدرسة خاصة انا ممكن اعطيك اسم المدرسة وتقدري تقدمين فيها وما يطلبون اي خبر ة بل العكس يساعدونك ويعطوك دوروات ويطورون مهاراتك الشخصية وادراسية ويصبرون عليك والمديرة صاحبة المدرسة وخصوصا اذا شافو انك مجتهدة ومثابرة انا اشتغلت عندهم ست سنوات مرشدة طلابية والله الأن عندي خبرة منهم كبيرة الله يجزيهم خير
اذا كنتي تريدين واي احد من البنات الي تبى وظيفة تقدم في المدرسة واذا لها نصيب وعندهم احتياج وخصوصا انهم يحتفظون بطلبات التقديم لعام كامل واكثر والي تبغى اسم المدرسة الرهراء الخاصة في البغداية

[XP-PROF]

أقول لا يطول الكلام اليوم أتصلت على مكتب المدير الد كتور اسامة طيب ورد شخص هناك يقول مو السكرتير قلت عندي رساله أبغى أوصله للمدير عشان الدبلوم قال أن المدير والوكيل قاعدين يتاكدون من صحة الموضوع في قبول نسبة بسيطه
من الطالبات ولكل يبغى يدرس وقلت حنا بنت الوطن لنا الأولوية فيها وقادرين على دفع الفلوس

[مرسال الوله]

الله يكون بعونك وقلوبنا معاكم
افضل شي تقدمي على مدارس خاصة تاخذي خبرة فيها او تقدمي على الوظائف المقطوعة
منها تداومي قريب من بيتكم وثانيا تكتسبي هالخبرة اللي رجوكم فيها
اما للتربوي قدميه كل سنة وان كان عندك امكانيات فالجامعة المفتوحة تقبل ومعترف فيها لكن الرسوم غالية شوي (هذا ان كان عندك امكانيات مادية )
وبالاخير لاتنسين اهم شي لجلب الرزق وهو الاستغفار
قال تعالى ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا {10} يُرْسِلِ السَّمَاء عَلَيْكُم مِّدْرَارًا{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا {12} فأكثروا من الاستغفار ترون الفرج وراحة البال والرزق الحلال والذرية الصالحة والغيث الغزير وفي الحديث ( من أكثر من الاستغفار جعل الله له من كل هم فرجاً ومن كل ضيق مخرجا )

[القلب الأنين]

وش لازم خبرة عشان اقدم عالدبلوم التربوي؟؟؟؟؟؟؟؟؟؟
بصراحة مهزلة كأنهم حيعطوني الوظيفة حسبي الله عليهم ونعم الوكيل هذا شي الشيئ الثاني انا عندي خبرة اربع سنوات في المدارس الحكومية على بند محو الامية صباحي وعندي دورات تحفيظ القران سنتين المستوى الاول والثاني تجويد وقبل ما اخلص جامعة سنتين في مدارس اهلية ولا انقبلت
معناة المسألة مو خبرة المسألة واضحة بقووووووووووووة انها واسطة وتلاعب حسبي الله عليهم ونعم الوكيل إن شاء الله يشوفونها في حياتهم ووظايفهم

[كونفيشكـا]

جزاكم الله خير والله يعوضنا بأحسن منها...

[نسمة امل]

اسأل الله ان يعوضك ِ خيرا من ذلك
وهذا رابط لوظائف معيدات بجامعة ام القرى قدمى وربك يكتب اللى فيه الخير
http://www.uqu.edu.sa/news/ar/895
وماتوفيقنا الا بالله

[كونفيشكـا]

جزاك الله أختي نسمة أمل وإن شاءالله ربي يكتب اللي فيه الخير

مودتـــــي

[جيجي العمري]

لا حول ولاقوة الا بالله