فيضانات جدة والتغطية الاعلامية الناجحة - حسبي الله ونعم الوكيل

[mr-kash]

حدث لمن اعرفهم ونقل الى مسامعي منهم مباشرة بدون تأويل ولا تحريف ولا مبالغة ولا ظلما ولا بهتانا لاي شخص او اي وزارة او اي ادارة او اي منطقة او اي دولة

فيضانات جدة وما حصل من فقد للارواح والممتلكتات المادية والمعنوية

في يوم الاربعاء الموافق 25 نوفمبر افاق سكان جدة على الخير والرزق بهطول الامطار عليهم من بداية النهار ومع اول اشراقة للشمس من الساعه السادسة صباحا واستمر هطولها الى الساعة الواحدة ظهرا تقريبا

العائلة تسكن في حي يسمى بحي النخيل بجدة ويقع على طريق مكة السريع وهو من الاحياء المصرح السكن بها من قبل البلدية والامانة والامارة والوزارة وكل من لهم علاقة بالمشاريع السكنية الاستثمارية , افاقوا على هذه الامطار الغزيرة وبعد ان بدأت تتدفق مياه هذه الامطار الى تلك المناطق بدأ منسوب المياه بالارتفاع بشكل خطير والسبب طبعا كالعادة لا يوجد تصريف لمياه الامطار في جدة كلها فما بالك باحياء جديدة كتلك بنية بعيدا عن الاعين الي تخاف الله ... المهم : لم يكن هناك اي تحذيرات من قبل الجهات المختصة بخصوص هذه السيول القاتلة ,,, ليش ؟ لان الكل مشغول بحجاج بيت الله الحرام لان العالم الاعلامي كله يغطي هذا الحدث المقدس ولازم نطلع بصورة ولا اروع امانا ورفاهية و و و و الخ ,, تخيلو ان في تلك المنطقه يوجد حوالي 80 فيلا وبدون مبالغة كلها غرقت حتى منتصف الدور الثاني طبعا السيارات كلها انجرفت من جمس الى كورولا والله العظيم ان العائلة الي تقص هذه القصة يحلفون ان جثث جيرانهم تطفو امام اعينهم والله العظيم , طبعا اتصلوا بالدفاع المدني لا يوجد رد اتصلوا بالشرطة قالولهم سلامات يابو الشباب احنا مالنا دخل مو اختصاصنا (من حقهم) تصدقوا بالله ان الدفاع المدني ما جاهم وطلعهم من النكبة الي هم فيها الا بعد ما لقينا واسطة تحركهم لا والمشكلة الاكبر انهم بعد ماطلعوهم ما كملوا عملية الانقاذ وطلعوا باقي الناس لا قالوا ما نقدر دحين والناس قاعدة تمووووووووووووووت اه يالقهر الناس دافعة دم قلبها عشان تشتري وتأثث بيوتها وفي لحظة كل شي راح , ارواح راحت والخبر الي يجي في القنوات الفضائية 10 ضحاية والقليل من الخسائر المادية وتم السيطرة على السيول بجدة والحلو في الموضوع انهم وهم طالعين من الحي المنكوب مين الي مستني الامور تهدأ والليل يحل والظلام يسود مجموعات من البنقالة والاثيوبيين وجنسيات اخرى من العصابات المنتشرة بكل جدة عشان يدخلوا تلك المناطق ويضفوا كل ما وقعت عليه ايديهم ليش لانها سايبة ولا احد فاضي يصيدهم ويشيلهم

السؤال الان :

ماتت الابل وماتت الاغنام وماتت الطيور وتم تعويض اصحابها وزيادة من سيعوض هؤلاء المساكين من من خسروا كل شيء ومن خسروا احبابهم واهاليهم وتيتموا وترملوا من سيعوضهم

حسبي الله ونعم الوكيل ولا حول ولا قوة الا بالله

[قلب البحار]

لاحول ولاقوة الا بالله

[المستشار الاداري]

تأكد ما حصل هذا الا من غضب الله
اتمنى من الجميع الاستغفار
وان لانحط اللوم على الدفاع المدني والامانة فقط صحيح ان فيه تقصير بس شوف وش الاسباب التي ادت لهذه الفيضانات
واحب اذكرك ان بريطانيا حصل فيها فيضانات وفيها بنية تحتية وتصريف السيول ومع ذلك كان فيه وفيات

انا لله وانا اليه راجعون

قال تعالى {إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ وَإِذَا أَرَادَ اللَّهُ بِقَوْمٍ سُوءاً فَلا مَرَدَّ لَهُ وَمَا لَهُمْ مِنْ دُونِهِ مِنْ وَالٍ}
وقوله: {وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ}

[شرووق]

لا حول ولا قــوة الابالله ....



الله يرحمنـــاا برحمتــــــه ....

[جوزائيه]

لاحول ولاقوة الابالله
وحسبنا الله ونعم الووكيل
نفسي اعرف وين تروح ميزانية الصرف الصحي ؟؟؟؟؟؟؟؟
والله يجازي الي كان السبب
والي يقول عقاب من الله اقول من رائ مبتلي يقول الحمدلله الذي عفانا مما ابتلاهم
وكل الدنيا فيها الصالح والفاسد...

[متخرجة حديثاً]

المشاركة الأصلية كتبت بواسطة جوزائيه لاحول ولاقوة الابالله وحسبنا الله ونعم الووكيل نفسي اعرف وين تروح ميزانية الصرف الصحي ؟؟؟؟؟؟؟؟

مايبغالها ...تروح لجيوب ناس ماتخاف الله.. توي قريت خبر يقولك أمانة جدة بسلامتها قررت
انهم يحتاجوا 3 مليارات لتنفيذ مشاريع تصريف مياه الأمطار<<طبعا غير المليارات اللي لهفوها من زماااان وانتهوا>>

لعنبوكم رفعتوا ضغطنا انتو ومشاريعكم كل شوي حافرين الشارع ومسوينه ثم تردون تحفرون نفس الشارع مره ثانية!!!!!!!!
وقال ايش قال مشاريع وف النهاية نغرق ف شبر مويه!!

واللي يقول هذا من غضب الله ومدري وشو...
ان مانزلت الأمطار قلتوا من غضب الله وان نزلت قلتوا كمان من غضب الله..
ياخوي المطر مااستمر الا ساعات محدوده والدنيا كلها غرقت والناس ماتت دول غيرنا فقيره جدا جدا والأمطار تستمر أيام وشوارعهم نظيفة ولا عندهم مشاكل تصريف زينا !!

مااقول الا حسبي الله ونعم الوكيل..

[شكولا]

متخرجه حديثا ..

كلامك صحيح ميه ميه..

حسبي الله عليهم متى يخلصون في شغلهم..

افف وربي جده انقلبت فوق تحت كأن اللي صار تسونامي مو مطر مازاد عن 4 ساعات..

وتوي قاريه من موقع موثوق ان عدد الضحايا 77 وطبعا اللي اعلنوا عنهم اقل بكثير..

الله يرحمهم ويستر علينا .. ياارب

[..عـ أنثى ـذوبة..]

لا حووووول ولا قوووة الا بالله


والله يرحم كل الموتى والله يصبر اهاااليهم ياااارب

اللهم امين امين امين

[منتسبة !!]

حسبي الله ..

الله يرحم الغرقى واكيد شهداء عند ربنا ..

ما اقول الا ربنا عالظالم لانو ارواح الناس كانها لعبه عندهم ..

[أخت سومي]

الاحياءاللي غرقت كلها مخططت مو عشوئيات على قولتهم
واللي ساكنين عشوائي هدول ناس مسكو الاراضي وبنو فيها وبعدو عن اماكن مجاري السيل
لانهم عارفينها فضلت امكان مجرى السيل خالي من السكان والمباني
فجو الروس الاكباروالتجار وسوها مخططات وباعوها والدليل كلها بصك شرعي
والسيول هدي كمان مو من الامطار اللي صابت جده السيول هدي من برا جده من الجبال والاوديه
والحين خااااااااااايفين ان سد المسك(عباره عن مجاري ) ينهار لانو لو انها راح يغرق حي السامر والاحياء الشرقيه ولو منسوب الماء ارتفع فيه راح يرجع السيل لنفس الاحياء اللي هي الصاعدي والمساعد والجامعه
يعني وين ماتروح خاربه خاربه
لكن مانقول غير حسبي الله ونعم الوكيل