المواد الاختياريه

[7oooor]

السلام عليكم ورحمه الله وبركاته


حبيت اسئل عن الماد الحره الي تعرف ايش اسهل ماده وافضل دكتوره او دكتور فيها

تقولي ..؟؟,

ودي.

[جاسيكا]

ع فكره في فرق بين الماده الحره والاختياري

حره عنك سيرة نبويه مع سمر يمدحونها البنات .^

[samya]

هلا حور
انا عن نفسي اخذت هدا الصيف مادتين حره وثقافه4
الحره سيره نبويه مع سمر السيد مرررا خطيره الله يسعدها يعني هما زمان كانو ياخذون الماده دي في كتابين وكانت سهله عليهم وعادي لاكن دحين اختصروه في كتاب اسمو تاريخ السيره النبويه والخلفاء الراشدين والله نص الكتاب او اكثر انو محذوف يعني ماده قليله فيها كلمة رائعه غير المتعه الي فيها^^..

وكمان اخذت مصادر معلومات برضو حلوه والي احلى من كدا الاستاذه تبعها للاسف نسيت اسمها نفس الشي حاذفه اشياء بالهبل بس عيب الماده دي انها نظري بحت ويبغالها شوييية حفظ ايوا وكمان فيها بحث بس بحث مره تافه

وبالتوفيق^^

[7oooor]

يسلمو بنات ولله شكلي حاخذ السيره النبويه مع سمر

بس اخاف ان الماده كانها ماده تاريخ وانا اكره التاريخ

[Dandona]

أنا كمان ابغى آخد مادة حرة
بالنسبة للسيرة كيف الاسئلة كلها اختياري زي الثقافة ولا مقالي؟
و كمان فيها تواريخ كثير؟ لأني ما اقدر أحفظ تواريخ كلها تدخل ببعض
وممكن تعطوني رمزها