أسناآأن لأ !!

[Dr.MEMOo]

مَـزٍآج ..}..
جددددددن ..
يب يب عشآن كذا خايفه وأتخيل لو بعد سنتين خلاص ماقدرت أستحمل يكوون ضااع عمر والله
ونفس الشي أخاف بعد ماأحول وأشوف التعب إللي بعدين >> في الشغل أندم وأقول ياأأآليت
خخخخخخ آلله يكتتب لي آلخير ..
ومشكوووور يآدكتووور << ترآ وآلله مو قصدي إنكم مو شي بس يعني أحسس

[Dr.MEMOo]

د.أسامة
لااااآ تقووول !!..
آلله يعييين ويكتب آلخير ..
ومشكووور

[Dr.MEMOo]

غالي الاثمان123
طبببعن وهذا إللي مأزمني
لا لا أنا ما أتوقع شي زي كذا بس وآلله أحس إني رايحه أدرس بالغصب
وكفااايه درسسنا بالغصصصب كثييييير
آلحمدلله حمدآ يوفي نعمه ويكفي مزيييدهـ ..
إن شاالله .. يعني يمديني أحول من البداايه؟!
مشكووووور ..

[د/ روميو]

السلام عليكم ورحمة الله :

من ردودك واضح جدا ً انك مائلة للطب البشري :

توضي وصلي ركعتين قبل صلاة الفجر :"استخارة"

وبعد الصلاة ..مو لازم يكون تحلمين حلم والاشياء اللي مالها داعي :

لا اذا كان لك خير في الطب البشري ، تلاقين نفسك مكلمة الوالد والوالدة انه انا رايحة الكلية اليوم عشان احول بشري..
واذا كان لك خير في الاسنان ، راح تشيلي هالفكرة من راسك ..وتستمري في الاسنان ...

والله يكتب لك الخير وين ماكان ..

تحياتي

[A.H.Z 911]

المشاركة الأصلية كتبت بواسطة د. أسامة تدري إن جراحة الوجه و الفكين من أخس التخصصات في الدوامات .. أول شئ إذا دخلتها الأطباء الثانين يخلص دوامهم و إنت دوامك باقي مدري كم ساعة،، وكمان رواتبهم زي رواتب الأطباء العاديين بس الكرف ثلاثه أدبال ، و لعلمك هذا التخصص أضمن إنه ما فيه راحة إلين ما تموت و راح يتصلون عليك كثير يا حبيبي لو دخلته .. بس كسمعــة .. هذا التخصص من أفضل تخصصات الأسنان من حيث السمعة ..

أهلين أسامة

أنا أتكلم عن سبب دخولي لطب الأسنان العام وأقارنه بالطب البشري العام

ويوم ذكرت تخصص جراحة الوجه والفكين كان عشان الأخت Dr.MEMOo سألت عن تخصص فيه جراحة وتقطيع وخياطة

أما عن مدة الدوام ما أقول ان كلامك مو صحيح لكن ياليت تجيب النظام اللي يقول الكلام هذا ..!

الـ "مدري كم ساعة" كم تطلع بالضبط

وبخصوص الرواتب مافيها أي فرق أبدا بين طبيب الاسنان والطبيب البشري سواء كان طبيب عام او أخصائي أو حتى استشاري الرواتب وحده

هذا سلم الرواتب بدون البدلات:

Dr.MEMOo زي ماقالوا الشباب أهم شي تصلين استخارة واعرفي بعدها انه اي قرار بتتخذينه ان شاء الله فيه الخير لك (:

طـب الأسنان مثالي بالنسبة للبنات وكشخة كمان
أنا مسافر بعد شوي ومرة مافيه وقت اني أرد على مواضيع وشي كذا لكن بنقطع عن النت لفترة ويوم شفت موضوعك بصراحة حبيت اني أشجعك "ببعض" المميزات اللي شفتها بطب الأسنان
لكن مدام انك بتقعدين معانا السنة هذي برجع ان شاء اللهمن السفر وأكمل لك مميزات التخصص والأشياء اللي حبيتها فيه

[J-14]

موفقه حياتي
بس استخيري
وربي يوفقك
ومن رايي ادخلي جراحه فكين اسنان

[Dr~NanoOok]

اهلين عزيزتي ميمو ^_^

تصدقي.. انك زيي وتشابهيني في نقاط كثير
فأنا حلم حياتي كان الطب البشري.. و الجراحة بشكل خاص..
مرررره كنت أحب اتفرج على العلميات في التلفزيون..وبكل مكان ابحث عنها
وكان عندي كتب للأطفال عن جسم الانسان و عن الأعضاء الداخلية و تشريحها
و كتب مبسطة عن الجراحة أهدتني هيا عمتي
وعمتي جرّاحة وتحب تحكيني عن شغلها وعملياتها
وكنت أقعد عندها واسمعها بذهول واستمتاع كبيييييييييير

والعاب تُحاكي الجراحة والعمليات

باختصار.. كنت مهووسة بدا المجال.. وبحبه من قلب

’

و زي ما ذكرت قبل كده
اني أول لما دخلت الجامعة ربي ما قدّرلي أدخل الطب البشري.. ودخلت علوم طبية تطببقية
بعدين طلبت التحويل إلى الطب البشري برضو كرغبة أولى.. وطب الأسنان كرغبة ثانية

لكن سبحان الله.. ربي اختارلي طب الأسنان
بالرغم انها رغبتي الثانية.. وغالبا طب اللأسنان ما تقبل أي أحد يحطها كرغبة تانية حتى لو معدله يحقله دخولها !
وسبحان الله فعلا.. كل دا صار وحتى بدون أي واسطة.. و واسطتي كانت ربنا العليّ العظيم

وفعلا أنا اعتبر حكاية دخولي لطب الأسنان "القسم اللي ابدا ما اتوقعت نفسي فيه"
اعتبرها كمعجزة !
وأكثر لما صرت أحبه بالشكل دا وتعلقي الكبير بيه

<< حتى صحباتي بالأسنان.. لما عرفوا اني ابدا ما كنت حاطه ببالي اني ادخل أسنان وكده
مررررررره استغربوا !
وقالوا مو معقول ! ابدا ما نشوفك في غير الأسنان !

سبحاااان الله.. شوفتي كيف
مع اني بالبداية كنت معترضة.. ومو حابة القسم ومدري ايش
لكن ليقين في نفسي.. بأن ربي اختارلي الخير.. وعمل كل شي لي وسهّلي الأسنان
كله لحكمة من عنده لا يعملها إلا هو..

وشوية شوية.. ربي يبيّنلي حكمته.. وسبب وضعي بهذا المكان والتخصص

والله.. كل لما يحكوني صديقاتي في الطب البشري عن حياتهم وعن دراستهم
في نفسي أقول.. الحمدلله اللي ما خلاني معاهم << امكن هذا شعور خاص فيا.. لكني بداخلي ما ارتحت لوضعهم ولا لدراستهم

لكن بالأسنان.. كـ نظام دراسة.. وكمواد.. وطبيعة عمل وكل شي
حسيتها مناسبة لي جدا..
أنا أحب الفني بشكل كبيييير.. والأشغال اليدوية و الرسم من أكتر اهتماماتي زمان << ومازال ^^
وما تتصوري قد ايش فادني دا الشي في الأسنان
بسنة ثانية وأول لما اشتغلنا على الشمع.. والنحت عليها وكده
ما واجهت فيها صعوبة كتير..
وفي معمل الفانتوم بسنة ثالثة والحفر على الأسنان واللي فيه الكثير من الدقة وحركة اليد

غير اني بحب آخد من كل شي.. وأعرف عن كل شي وان بشكل مبسط
وهذا الشي لقيته في الأسنان ..
طيب حتسأليني كيف ؟

لأننا باختصار بندرس مواد بشري + مواد أسنان
و أخدت التشريح ودرسته ومسكت جثث وشرحتها
اخدت فسيولوجي ودرست وظائف جسم الانسان واتعلمت كتير عن الجسم البشري بشكل شامل
بالاضافة للتركيز على الجزء الخاص بالوجه والرقبة اللي هو بطب الأسنان

وكل مواد البشري بسنة ثانية أنا درستها زيهم
و بسنة ثالثة اخدت مادة الباثولوجي ودرست كل أمراض الجسم.. كل سيستم بكل مافيه
وكمان أخدت اورال باثولوجي.. الخاصة بأمراض الفم واتعمقت فيها

حتى بمعمل الفسيولوجي بسنة ثانية.. اتعلمت كيف أقيس الضغط واسمع نبضات القلب بالسماعة
و سحب الدم وتحليل فصيلة الدم.. وطريقة عمل و وضع جهاز تخطيط القلب

وبعد دا كله ..
هل عشت الطب البشري و الحاجات اللي كان نفسي فيها ؟

ولسه السنة الجاية .. في رابع.. حناخد جراحة عامة وحدرسه بالتفصيل.. بالاضافة لمادة الباطنة medicine
و بكده أظني كمّلت لستة الحاجات اللي كنت أبغى أعيشها "^^

ولسه حعيش حلم أسناني جديد اتكون..
وهو وجود عيادة خاصة بيا.. و بالمرضى الخاصين بيا وتحت اسمي
وبيدي هادي.. أقدر أساعد وأخفف آلام ناس كتير
والله مافي أحلى من كده شعووور ^^ ويارب اجعل نيتنا خالصة لك وحدك


~

أنا ما ذكرتلك قصتي وشعوري حتى أحببك أو اغصبك على القسم
بس حبيت تتعرفي على الأسنان عن قرب

وصدقيني مهما سمعتي كلام ناس.. وحاولوا يقنعوكِ بالتخصص ومدري ايش
أهم شي انتِ وقناعتك من جوا
وسبحان الله .. ربي اخترالك دخول الأسنان لحكمة
امكن حتكملي فيه.. وامكن يكتبلك التحويل لتخصص تاني وكان يبغاكِ تتعلمي شي من دخولك الأسنان

ففي كلا الأحوال انتِ الربحانه بما أنه ربي اخترالك..
سواءً هنا او في الطب البشري


وربي يسهّل ويوفق الجميع آمين
^_^

[Dr.MEMOo]

د/ روميو
منجد أهم شي الآستخاارة..
مشكووور

[MR.Google]

مشاء الله عليكي يا د.نانكو

بالنسبه لموضوعك استخيري .


وانا من وجه نظري اشوفك مايله للبشري اكثر من الاسنان



ملاحظه: بعدين على حكايه هذا دكتور حقيقي او دكتور مو حقيقي لاتهتمي فيها وبعدين انتي داخله الطب عشان كل الناس يقولو شوف الدكتور راح والدكتور جاء المهم اخلصي النيه .


بالتوفيق لكي

[Dr.MEMOo]

a.h.z 911

آلسالفه مو تقطيع بس أحب الأشياء الصعبة والدقيقه
أكثر شي خلاني أفكر بالطب العمليات صح خطيرة بس النهايه تنقذ طفل أو ترجع أبو لأولاده ..
صح الناحية الماديه مهمة بس يهمني أكثر إني أحب شغلي وزي ماقلت أهم شي الاستخارة ..
ماقصررت ومشكووووور ,,