مهرك يا بنت ، و ادفع يا بوي ، (اتحفوني برأيكم)

[رهام حداد]

بصرآآحه المووضووع مررره حلو ويعطيكي الف عاافيه


انا عن نفسي ورأيي الشخصي انه اللي تقدر نفسها بمبلغ معين هذي قاعده تنقص من نفسها وتهين نفسهاا

البنت عمررهااا ما تتقدر بالماال هيه مو سلعه عشان يكون لها سعرها بالعكسس

لو الوحده فكرت بعقلهاا من جد يعني لو انا طلبت مهر 200 او 300 او مبلغ من دي المبالغ الخياليه اللي ما يرضاها لا عقل ولا دين

كيف حعيش حياتي بعد الزواج صح وقتها راح اهني نفسي واجيب كل اللي في بالي بس بعد الزواج

حنحرم من كل شي لانه زووجي مديووون وبسببي


والمووهيم والاهم انا ما اشووف للاهل اي علااقه بالتدخل في طلب المهوور ومالهم اي حق انهم يطلبوو شي لنفسهم


الشاب جاي يتزوج البنت مو العيله كلهااا


وانا بصرآآآحه ما الووم احد غير الشاب اللي يرضى يدفع المبالغ دي كلهاا ويعيش طول عمره في هم وغم


وبعدين هوه ماراح يتزوج حوريه من الجنه عشاان يتنازل عن راحته بسببها وما خلصوو البنات يعني

في مليووون وحده كاامله من جمييع النوااحي دين واخلاق واحترام وتطلب مهر على قدهاا


عالعمووم انا طولتها وهيه قصييره

بس من جد دا كله من قهري عالشباااب وربي يووفق الجمييع ويرزقهم على قد نياتهم

[دافئ الإحساس]

واللهي جيتي ع الجرررح يا (اختي) ^_^

الموضووع جدا جدا جدا حلوووو

وشكلي حطلع اللي في قلبي

......

البنت لا تقدر بالمهرررر ابدن ابدن ما تقدر بالمهر

لنها مهي تسريحة تنباع او غرفه نوم تنباع او سياره تنباع

البنت هيا انسانه ولها مشاعر واحاسيس وهيا الحب نفسوو

واللي يقولو انو المهر 300 الف او مليون او مدري كم

سلاماااااااااااااااات!!!!!

انا بشتري بي ام ولا ايه

احسلي اشتري بي ام او لكزس احسلي واللهي

ع الاقل اني باضمن السيارات الفخمة دي بتقعد معايه اما

البنت اللي تطلب بالمهر هادا الله اعلم تكون بنت ناس

او تكون تساندني طول الحياة

او تكون خاينة

او تكون حقت شباب

او تكون حقت مصخره >>>اسف ع الكلمة دي

بس فعلا الواحد ما يدري هيا كيف تكووون ؟؟؟؟

ولد عمي اتزوج قريبتو ودفع مهر جدا غالي

وفي النهاية طلقها لنها ما طلعت تستحملو

وما توقف معاا في امورو وفي شدائدوو ولا تهتم فيه

ولا اي شي

وفي النهاية دفع فيها مبلغ وقدره وهيا ما تستاهل !!!!

....

شووفو انا اتكلمت مع شيخ اعرفو عن دا الموضوع

وقالي يفضل ان يكون الممهر مو مره غالي

لنو حيكون فيلو بركة وحيتقفو العروسين إن شاء الله

واهم شي ما يتدين وحالتو النفسية تكون مرتاحه

يعني المهر لمن يكون قليل لمصلحة الشخصين واللهي

وبعدين بالعربي كده ازا كان مهرها غالي احسلها تنطق في بيت اهلها وخلاص

وبلا ديون زياده عن اللزوم وبلا كلام فاضي !!!!

>>>اسف ع دا الكلام برضوو

وقالي ولد عمي شي وابويا كمان

انو

المهر العادي 20 الف او 25 الف وبس

والمتووسط 30 الف واكتر من كده يعتبر كلام فاضي الصراحه

ولا يحسبوو العريس قاعد ع كنز ومدري ايش

ترا لساعو شبابو ودوبو يدخل لعالم الزواج يعني انساااااان ع قدوو لسااااا

و حسب بعض البنات اللي يقولو انو لازم يكون بالشي الفلااااني

عشين الفستان سعرو .....

والدبش وبالسعر الفلاني....

اول شي اانا اقلك ع شي للي تفكر بالطريقة دي

مو لاززززم مرره انو تشتري شي غالي

ومو لازم جسمك كلووو من دهب

ومو لازم ملابسك واشيائك يكون بالسعر الفلاني

لي انتي بنت مين لو سمحتي !!!

لازم يكون في تقدير

وقبل سنتين سمعت في الراديو انو نسبه المعنسين

وصلت 90 بالمية

قلت في قلبي حلال فيهم وعساهم ما يتزوجو طول عمرهم

عارفين ليه !!!

لنهم قالو السبب من زيادة المهووور

قلت انا ازا كان السبب زياده المهوور اقعدو عن اهلكم ابرلكم

ماشاء الله تحسبو نفسكم بنات امراء ولا ايييييش !!!

واللهي المهر اللي يكون اكتر شي 30 الف والله مرره طيب وكويس

ويمديها تسوي بيلو كللللل شي

واهم شي القلب الطيب وبس

ازا عاشت مع الرجال اللي يحس بيها وامبسطت معاها واسعدها

خلاص انتهينا

يعني مالها داعي تطلب مهر زياده عن المعقوول

ولد عمي دفع في زواجو التاني 30 الف واللهي

واهو حرمتوو مبسووطة بالمرره

وطبعا هيا بنت عز ماشاء الله لكن طلبت شي معقول

ومبسوطة وسفرها ومشاها اللين ما قالت بس

......

نجي دحين بالنسبة للمشاركة

انا اشوف انو مالهم حق اهلها يقولو نبا 60 الف

واخوها يقول لا 70 الف

وكلي واحد يدي رائيوو

ع حسب الشرع اولا ورائيي الخاص

انو محد يدخل في المهرر

لنو هوا مهرها وهيا اللي تحددوو

ومتى اهلها يدخلو في المهر ازا هيا طلبت شي غالي فلازم ينصحوها انو تخفضو

.....

وبعضهم يطلبو كمان مؤخرر بالشي الفلاني

ولمن نقول لي !!

يقولو عشين نضمن مستقبلها

يعني لي الفكرة السلبيه دي

انتو كده بتفائلو ع البنت انو ممكن تتطلق لا سمح الله

يعني لازم تكسبو فلوس من ضهر العريس المسكين

لمن يجي يتزوج ولا كمان لمن يسيبها !!!

استغلال عيني عينك

وعمي اهو انفصل من مرتو وطالبين مؤخرر

80 الف!!!

وقعدت معلقه لا يمديها تتزوج ولا اي شي

..........
لازم من المراعاة والتقدير واحترام الرجل

الرجل يبا الستر والبنت كمان

بس لازم يقدرو بعض عشين يعيشو حياة حلوة

ومافيها اي معاناة من ديون او حالة نفسية من اي شي

واللي اعرفو انو بعض اباء البنات يقولو نحنا نشتري رجال

خلاص اجل لي من المهر الغالي؟؟؟

خليك متساهل عشين ربنا يوفق ويبارك بيناتهم إن شاء الله

انا اعرفو واحد اتزوج ب 10 الاف وحتستغربو

اش هادا المهر قليل

فين كرامتها

يعني ازا دفع الرجال 10 الاف او 5 الاف

يعني خلاص ماااعندها كرررااامة البنت!!

حلووة دي الصراحه

.....

وحتى لو قللو المهر اهل العروسة واللهي العريس ماراح يستحرقها او اي شي

بالعكس

انا عن نفسي ماراح استحقرهم وحيكبرو في عيني

لا تفهموها انو عشين المهر قليل ولمصلحتي وفله وانهم بيبعيو بنتهم وانا الكسبان

لا والله محا افكر كده

انا نفسي ححترمهم وححطهم في عيني واشيلها ع راسي

لنو هما يبو يستتو بنتهم وتكمل نص دينها

ويبو يشترو رجال وبس وماهم الفلوس

فدولا الناس ع عيني وهما من جد فاهمين في الاصول

.....

الناس لو غلو المهور يعني الولد يروح يعاكس بنات الناس مسلن !!

او يروح يمشي في الحرام!!

طيب هوا انسان ع قدوو وماعندوو ما تراعو ظروفوو ع الاقل

وازا قصدهم كرامتها ومدري ايش وبنتنا مهي رخيصة

فخلوها عندكم الين ما تخمج وبكره النهار يدورووو مين يتزوجها

طبعا لمن البنت تكبر في السن بيقل سوقها ومحد بيقبل ياخد وحده عمرها 30 او اكتر

غير القليل منهم فقط

......

تحياتي لكي يا اختي وبليز لحد يزعل من كلامي

بس حبيت اقول الكلام اللي في قلبي

وارجو منكي ومن الجمييع ان تتقبلو مروري

احترامي للجميع

[pinkberry]

انا اشوف انو متوسط مهر البنت يكون ( 50,000 )
والي يدفع اقل من كدا معناتو مستواه المادي اقل من المتوسط !!!
والي يدفع اكثر من كدا معناتو مستواه المادي فوق المتوسط !!!
و دا الشيء الي عيلتنا ماشيين عليه وعاد على حسب المستوى المادي للعريس هوا الي يحدد كم مهر البنت وطبعا مهر البنت الغرض منه انو البنت تجهز نفسها للزواج
ولا ننسى انو الدنيا غليت دحين حتى ال50 دي ممكن ما تسوي شي ههههههههههه دي وجهه نظري في الموضوع
وانا انصح كل بنت تبغى تتهنى في زواجها اما تتزوج انسان مقتدر يهنيها او تتزوج تركي ولا لبناني يدلعها هههههههههههههههه

وفي النهايه ღ♥ღ إختلاف الرأى لايفسد للود قضيه ღ♥ღ

[دافئ الإحساس]

في دكتور نفسي زمان كنت اعرفو واتكلمت معاا

وقالي انو الموضوع دا يفضل ان اللي سنو 19 وهوا نازل لا يتكلم فيه

ومن 20 هوا الافضل

لان العقل ينضج افضل عند سن العشرين

تحياتي

تقبلو مروري

[pinkberry]

المشاركة الأصلية كتبت بواسطة دافئ الإحساس في دكتور نفسي زمان كنت اعرفو واتكلمت معاا وقالي انو الموضوع دا يفضل ان اللي سنو 19 وهوا نازل لا يتكلم فيه ومن 20 هوا الافضل لان العقل ينضج افضل عند سن العشرين تحياتي تقبلو مروري

في بنات اعمارهم 16 وعندهم بزوره وفي شباب اعمارهم 25 وقاعدين في بيت اهاليهم و ياخدو من اهاليهم فلوس كمان !!!!! فالدكتور النفسي دا شكلو من دول الشباب ههههههههههه

[الكثيري5]

الحمدلله الكل متفق على أن غلا المهور ظاهره غير صحيه

لوأحد تدين بسبب زوجتوا ودفع كل إلي جمعوا من الوظيفه وفوق هذا أخذ قروض
وجلس يسددها بعد الزواج بالله كيف تتوقعوا يعامل زوجتوا بعد كل هذا لو قصرت
في حقوقه أكيد ماراح يرحمها ولا كل ما يشوفها ويتذكر إنها سبب لكل ديونه والديوان هم على القلب
ممكن حتى مع الايام يكرها
ولا تربط قيمة البنت بقيمة المهر إلي تسوي كذا أنا أعتبرها بضاعه باعة نفسها
نسب العنوسه مرتفعه جدا جدا جدا طيب الشاب ليه يجبرنفسه على دفع ما لايحتمل
إذا ماتبغى يخلييها وأكيد راح يلقى غيرها و نهايتها عاااانس
والبنت إلي أهلها ميسرين المهر وأمور الزواج عامة حتى لو كان مهرها ريال
هذه بالعكس راح يكون لها كل الاحترام والتقدير وأكيد
راح يتغاضى زواجها عن أخطائها لو أخطات بعكس لو خسر عليها
وأخيرا ليه التعسير في الزواج إذا البنت راح تستر على نفسها
والفايده لها ولاهلها طيب ليه تعسروا على الناس وعلى نفسكم

[دافئ الإحساس]

المشاركة الأصلية كتبت بواسطة pinkberry في بنات اعمارهم 16 وعندهم بزوره وفي شباب اعمارهم 25 وقاعدين في بيت اهاليهم و ياخدو من اهاليهم فلوس كمان !!!!! فالدكتور النفسي دا شكلو من دول الشباب ههههههههههه

انا مافهمت قصدك

وقد تكون دقة والله اعلم

بس طبعي ماحب احلف كتير ودا موضوع مايستاهل الحلفان من اصلو

و ع قولتلك في ناس من بدري بيتزوجو

وانا اصلن ماجبت دي السيرة

الناس اللي بيتزوجو دولا انا باقلك انو من 20 العقل يكون ناضج

واعتقد كلامي واضح وماجبت سيره انو ناس بدري يتزوجو او لا

وازا كانت دقة فيا

جزاكي الله خير

تقبلي مروري

[دافئ الإحساس]

المشاركة الأصلية كتبت بواسطة الكثيري5 الحمدلله الكل متفق على أن غلا المهور ظاهره غير صحيه لوأحد تدين بسبب زوجتوا ودفع كل إلي جمعوا من الوظيفه وفوق هذا أخذ قروض وجلس يسددها بعد الزواج بالله كيف تتوقعوا يعامل زوجتوا بعد كل هذا لو قصرت في حقوقه أكيد ماراح يرحمها ولا كل ما يشوفها ويتذكر إنها سبب لكل ديونه والديوان هم على القلب ممكن حتى مع الايام يكرها ولا تربط قيمة البنت بقيمة المهر إلي تسوي كذا أنا أعتبرها بضاعه باعة نفسها نسب العنوسه مرتفعه جدا جدا جدا طيب الشاب ليه يجبرنفسه على دفع ما لايحتمل إذا ماتبغى يخلييها وأكيد راح يلقى غيرها و نهايتها عاااانس والبنت إلي أهلها ميسرين المهر وأمور الزواج عامة حتى لو كان مهرها ريال هذه بالعكس راح يكون لها كل الاحترام والتقدير وأكيد راح يتغاضى زواجها عن أخطائها لو أخطات بعكس لو خسر عليها وأخيرا ليه التعسير في الزواج إذا البنت راح تستر على نفسها والفايده لها ولاهلها طيب ليه تعسروا على الناس وعلى نفسكم

كلامك جدا جميل

واشكرك ع القائك الرائع

وفعلا واللهي كلي ما يشوفها او انها هيا سبب في ديونو وقاعد في ديونو المسكين

لاكتر من سنة او سنتين واللهي انو محا يقدر يستحملها ولا يشوف وجهها

ويعتبرها زي الهم عليي او انو سبب الفقر عليي

بمعنى اخر وجه نحس عليي

في عندي مثال

هوا صاحبي بس اتعرفت عليي عن طريق ولد عمي لنو يسير صاحب ولد عمي

>>>

المهم

هادا الادمي اتزوج وبعد سنتين طلقها

طبعا بسبب الديون اللي عليي بسببها وغير كده ترفع صوتها عليي وتبا تمشي رايها

فا اتزوج وحده تانيه بمهر اقل واللهي عايش احلى عيشة

ع الاقل تقدرو وتحترمو

وغير كده اول ما اتزوجها اترقى في عملو

يعني وجه خير عليي

............

بالله دحين اي وحده يعني في الدنيا يكون مهرها غالي وكمان تبا تمشي كلمتها عليي مسلن وديونلزوحها لسنيتناو اكتر والله عينها قوية

تقبلو مروري

>>انفعلت شوية سوري

[الكثيري5]

المشاركة الأصلية كتبت بواسطة pinkberry انا اشوف انو متوسط مهر البنت يكون ( 50,000 ) والي يدفع اقل من كدا معناتو مستواه المادي اقل من المتوسط !!! والي يدفع اكثر من كدا معناتو مستواه المادي فوق المتوسط !!! و دا الشيء الي عيلتنا ماشيين عليه وعاد على حسب المستوى المادي للعريس هوا الي يحدد كم مهر البنت وطبعا مهر البنت الغرض منه انو البنت تجهز نفسها للزواج ولا ننسى انو الدنيا غليت دحين حتى ال50 دي ممكن ما تسوي شي ههههههههههه دي وجهه نظري في الموضوع وانا انصح كل بنت تبغى تتهنى في زواجها اما تتزوج انسان مقتدر يهنيها او تتزوج تركي ولا لبناني يدلعها هههههههههههههههه وفي النهايه ღ♥ღ إختلاف الرأى لايفسد للود قضيه ღ♥ღ

يا عيني على التفكير
طيب الشباب راح يأخذو تركيه ولا لبنانيه أرخص وأحلى
إيش رايك كذا كيف راح يصير الشعب ؟؟؟؟؟؟؟
البنت إلي تفكر كذا راح تبقى في بيت أبواها
عانس طوول عمرها
\

[pinkberry]

المشاركة الأصلية كتبت بواسطة دافئ الإحساس انا مافهمت قصدك وقد تكون دقة والله اعلم بس طبعي ماحب احلف كتير ودا موضوع مايستاهل الحلفان من اصلو و ع قولتلك في ناس من بدري بيتزوجو وانا اصلن ماجبت دي السيرة الناس اللي بيتزوجو دولا انا باقلك انو من 20 العقل يكون ناضج واعتقد كلامي واضح وماجبت سيره انو ناس بدري يتزوجو او لا وازا كانت دقة فيا جزاكي الله خير تقبلي مروري

لا دقه ولا شي يا اخي الكريم بس انت بتقول انه عشان الواحد يفكر في الموضوع لازم يكون عمره فوق ال20 وانا باقولك انو في بنات اعمارهم 16 وعندهم بزوره يعني مو شرط !!! انا جدتي خلفت وعمرها 14 وماشالله خيلاني وخالاتي في احسن ما يكون !! المقصد من الكلام انو العمر مالو شغل على حسب الواحد يكون قد المسوؤليه او لا !!! في شباب يكونو يتماء وماشالله شايلين البيت !!! وفي الشباب زي الي قولت عليهم !!