ممكن تساعدوني

[sara.r]

السلام عليكم
انا ابغى اعرف رايكم فدرجاتي الشنيعه
انا خطه ب النحس
جبت يالاحصاء 70
والانقلش 92
والكيمياء رسبت بكل قوة وجداره الله يحميني
والاحياء النكد ماجات لسى
المهم انا ابغى ادخل ادارة اعمال هل تحسون ان ممكن اذا كملت الترم الجاي اجيب شي زين و ادخل ولا بيشلتوني ويرموني برى الجامعه
عشان اخذها من قاصرها وما اتعب نفسي
اول مره احس احساس الرسوب وجع الله ينكد على ابليس

[memo0o 02]

ليش تياسي ؟

ترا لس قدامك الترم التاني اذا مررة مررة قفلت ادخلي اي كلية تانية وحطي مواد حرة ومواد عامة وحولي ولا تضيع سنة عليكي

[sara.r]

انا مره اكره الكيمياء احس اني ماراح.افلح فيه حتى في الصيفي
وما ابغى اتتعب بعدين ادخل شي ما ابغاه
اصلا كم طالبين الاداره معدل?

[sara.r]

أااااااه ياربيييييييييييييه حتى الاحياء رسبت
وش ذا الدلاخه اللي فيني

[2ne1]

خلي املك بالله كبير ولاتفقدي الامل (كلنا في الهوى سوى
كان با قيلي 7درجات وارسب في الزفت الاحياء بس ربك ستر
ومع ذالك والله اشوف كأني راإاإسبه ( لاتعليق

[dr.ro0ody]

الله يعينك ويوفقك يااختي
انا لله وانا اليه راجعون ردديها دايما
وممكن خيرة لكي ياعمري
وازا ربي ماكتب لك ادارة اعمال ادخلي كليه العلوم تخصص سهل وزي ماقال memo0o
نزلي مواد سهله وحرة وارفعي معدلك وحولي
مع اني ماانصحك ابدا بكليه العلوم ازا انتي بتكرهي الكيمياء والمواد العلميه

[NOnA~*]

والله انا زيك اكرره الكيميا ومستصعبتها رسبت فيها واخدتها صيفي حمدالله كانت جدا سهله وسرت فاهمتها كويس ونجحت وانا واثقه اني بنجح باذن الله لاني فهمت انا اش قاعده ادرس ... لا تفقدي الامل والي ربي كاتبه لك دايما خييير ^^

[Amjad BaHusayn]

السلام عليكم ورحمة الله وبركاته ..

ساارة .. وين ثقتك بالله .. ربي سبحانه وتعالى يقول انا عند ظن عبدي بي ..

حبيبي انتي رسبتي صح ؟! طيب دحين بتاخديها صيفي .. اوك ابدي من جديد ..

اجلسي مع نفسك لوحدك بس .. وشوفي اخطائك وكيف تعدليها .. شوفي الناس اللي جابو فوق ٩٥ ادخلي هنا واقرأي صدقيني بتستفيدي ..

سارة .. لا تقولي انه اكره هادي المادة وانا مني فالحة فيها .. والله لو يعطوك حتى الاختبار نفففسه وحله كمان ماراح تعرفي تذاكري انتي رسلتي لنفسك دي الرسايل وعقلك يستقبل اللي تقوليه وتعتقدي فيه ..

جربي طريقة الرسائل الايجابية وماراح تخسري شي ..
اعتقد اغلبنا كانو ممتازين في الثانوي .. انا حطيت نسبة الثانوي ع الدولاب عشان اشوفها وما انزل عنها الدولاب والله مهرجان من الاوراق اللي فيه .. كله عشااني حتتى الجوال مصممة رسائل باكتر من فكرة لاني ما ابغى يجيني احباط من اللي اسمعه كل يوم ..

حبيبي عالعموم قولي اني بنجح باذن الله وادعي ربك واعملي بالاسباب ..

وبخصوص ادارة الاعمال ما اقدر افيدك والله ماعندي فكرة ..
بس نصيحة لا تخلي كرهك للمادة يكون عااائق خليك اقوى

موفقة ي قلبي ..

[لوتي الطويرقي]

امجاد ماقصرت ماشاء الله
+1

[sara.r]

مرة شكرا والله عطيتوني امل
انا منصدمه لاني دايم درجاتي كويسه وكنت دافورة نسبتي في المدرسه 97 يعني مو غييه لكن الله ييسرها يارب

وتعدي.ذا السنه التعجيزيه على خير