اقتصاد دولي كمادة اختيارية؟!

[Visions]

السلام عليكم
يا بنات فزعتكم..
انا باخذ مادة اقتصاد دولي كماده اختياريه مع د-كوثر شغراب..
تكفون كيف الماده ؟
سهله؟
صعبه؟
كيف د-كوثر شغراب؟
كيف اسئلتها؟


و جزاكم الله كل خير ..

[Jeddah Glamor]

المادة كانت مع ايمان حسن بس سافرت ..

وطبيعي يحصل تغيير بسيط مع كوثر


المادة حلوة وممتعة .. ما تقدري تقولي نظري بحت ولا عملي بحت ..

المادة أساسا تخصص واسع وهذه مجرد نقاط عن كل شي

تتنقلي من موضوع لموضوع ..


تبدأين بالنظريات البحتة للاقتصاد الدولي وبعدها النظريات النقدية وبعدها آخر جزء للمؤسسات الدولية


يعني من كل بحر قطرة



كوثر دكتورة مخلصة .. تشرح بذمة وضمير ..

تكسر يدك بالكتابة


بس تأكدي أنك ما راح تنسي شي



اختباراتها حلوة .. لكل المستويات


تلاقين صح وخطأ .. وما تكون قليلة يعني ممكن تخلي عليها 10 من 25

وتلاقين مقالي بس اجابات مختصرة .. سطر وأقل

تحب التحليل نوعا ما .. تجيب عبارة صح وخطا وإذا صح تكتبين ليه وإذا خطأ تكتبين ليه ..

بس قلت لك مجرد سطر ..



تقدري تأخذي معاها درجات كويسه .. بس لازم تحضري عشان تفهمي وتكتبي > والا بتقضي الويك اند كتابه

وأسئلتها مستحيل تكون بين السطور .. واضحه وضوح الشمس

[Visions]

جزاكي الله كل خير و فتحها ف وجهك ..
والله ريحتيني كثير ..
بس مدري ليش مره متخوفه منها
لانو ابغا اجيب فيها a لانها اختياري و عارفه قهر لو نقصت و اخذت درجه مو حلوه ف ماده مو مجبوره عليها
يعني رأيك اتوكل ع الله و اخذها؟

[.,.نيــــــــــــــــــــران.,.]

انا اخذتها مع ايمان

بصراحة المادة ماهي سهلة ولا هي صعبة

يبغالها فهم ومخ مفتوح في المحاضرة

مخ يخلط بين السياسة والاقتصاد ^^

موفقة

[Visions]

يووووه نيران خليتيني اشيل هم ><
احس اني خلاص حبكي
شكلي خلاص بحذفها
مشكورين يا بنات تعبتكم معايا
جزاكم الله كل خير