سفيه لندن يريد استغلال العاطلين(كشف القائم على حملةتجمعات باليوم الوطني)

[جوزائيه]

المشاركة الأصلية كتبت بواسطة خالد9921 ايوه شفت وعارف حقيقة الفقيه كلّها انا عارف توجهاته وتفكيره اختي من ايام 93 ميلادي من ايام المسعري وخطاب المطالب وإعتقال الشيخ سلمان العودة ! وعلشان ينجح العاطلين في مطالبهم لابد إنهم يحذفوا من راسهم شي اسمه الفقيه والا مكائده ! والا راح يجلسوا في بيوتهم ولا راح يتجمعوا وهذا اللي انا متوقعه وقلتها سابقاَ ! اذا كنا نقول ان الشعب يريد ابو متعب فقط وإن جماعة الإصلاح هاذي غير مؤثرة واشخاصها قليلين للغاية بالتالي راح يوروطوهم في ايش ؟ كمثال عندك يوم السبت 10 اصلاحيين بالتجمع في مقابل 2000 عاطل عن العمل هل 2000 عاطل راح يتم إعتقالهم بوازرة الـ 10 إصلاحيين ؟؟!!! إذا هذا اللي ممكن يصير فـ معناته المواطن مو مهم تنحل قضيته بقدر مو مهم إنه يكون موالي وراضي دايماَ ومو محل شك !! أختي صدقيني الطريقة السليمة للتفكير طالما إننا نقول أن الفقيه لا أحد يريده وأتابعه لا يساوون مثقال ذرة إن العاطلين ما يفكرون بهذا الموضوع بالخرابيط أعلاه ابداَ ويطلعون يوم السبت مطالبين بحقوقهم الوظيفية فقط لا غير طالما حنقول الفقيه حيخربها والفقيه حيورطهم معناته بالاخير ما احد راح يطلع من العاطلين وهذا اللي اتوقعه ! شيل فكرة الفقيه من راسك راح تطلع بنتيجة .. شاكر لك اختي عالتعقيب والمعذرة عالإطالة

لا عادي خذ راحتك اخوي,,
طيب يوم يطلع اخوي العاطل عن العمل في المظاهره
هل اضمن انه راح يرجع للبيت وهو سليم
يعني هل نضمن سلمية المظاهره بعد هالموضوع
وعلى فكره اانا كنت من المؤيدين للمظاهرات السلمية
علشان الكل يحس فيهم ويعرف مطالبهم
لكن بعد هالموضوع خفت بصراحة وحسيت ان في ناس
تبغى تخرب وتفسد القضية وتورط ناس مالها ذنب غير انهم عاطلين
ويبغوا حقوقهم ...

[خالد9921]

طيب يوم يطلع اخوي العاطل عن العمل في المظاهره هل اضمن انه راح يرجع للبيت وهو سليم يعني هل نضمن سلمية المظاهره بعد هالموضوع

ولا تزر وازرة وزر أخرى
هل الحكومة عندها إستعداد تظلم ألوف العاطلين يوم السبت وتشيلهم في الجيوب
علشان والله عشرات الأشخاص القلائل كما نقول هم مع سعد الفقيه ؟
الدنيا مو فوضى يُفترض إن فيه تحقيقات وإستجوابات تكشف المنتمي للفقيه من غيره
في حال صار إعتقال جماعي يعني يوم السبت ..

بس احنا جالسين نقول إن الشعب كله ماهو يم الفقيه ولا يبغى أفكاره
وإن اتباعه بعدد اصابع اليد ومالهم أي تأثير
إذن ما ضر ألوف العاطلين من التجمّع يوم السبت ؟
ماذا سيضرهم وهذا هو الوضع أعلاه
قلتها سابقاَ واكررها
اذا العاطلين يريدون شي من أجلهم عليهم المضي بتنفيذ مشروعهم يوم السبت
وترك هاذي الترهات والخرابيط اللي لا تقدّم ولا تؤخر ..

[فيصل]

أخاف يا أخت جوزائية أنطق بأي حرف تحطيني من أبواق سعد فقيه ..
أو أكون موظف سري لسعد أعطيه الأخبار , ويمكن لي أرصدة مالية كبيرة جداً ( بالملايين ) ...
أولاً وجدي الغزاوي مدري كيف صار تابع لسعد الفقيه والدولة تتركه في حال سبيله بل وتدعمه مالياً ..
وجدي الغزاوي هذا مدير قناة الفجر وهو مكاوي من مكة , وقبل فترة وصل عند الملك وطلب منه معونة مالية للقناة وأعطاه الملك مبلغ ضخم , كيف يصير وجدي الغزاوي بعد هذا كله يعارض الملك ؟
أنا متابع وجدي على تويتر , صحيح نقده كثير للحكومة , لكن ما توصل أنه يصير تابع لسعد ..!!

أنتي أختي جوزائية - كأي خليجي - كنتي مع حقوق الشعب المصري والتونسي والليبي والسوري وغيرهم , ولكن الشعب السعودي ماله أي حق , وكل ما خرج أحد وتكلم وطالب بتغيير وإصلاح الوزارات السيئة في التعامل , أجد وتجدين الكثير ممن يبحث عن رائحة لتخوينهم كلهم عن بكرة أبيهم ..

هذا الشيء مرفوض تماماً , نبغى نعبر عن رأينا , ونبغى نوصل صوتنا للملك بالقوة .. حتى لو رفضوا ذلك البطانة ..

أتمنى ما أشوف صورة ردي مع القائمة اللي فوق :)


تحياتي لك

[O-DODY-O]

لو في امك خير وريني خششششششتتتتتتتتتتتتك يا راجل

لو انك رجال ولد ابوك تعالا هنا وورينا عضلاتتتتتتتتتتك ياراجل

اغبياء ذولا

يكتبو في الفيس ويقولو سريه هههههههههههههههه

اي سريه اللي تتكلمو عنها انتو ووجهكم؟؟

بجد ناس متخلللللللللللللللللللللففففففففففففه اقوه شي

مشكوره حبيبتي

[O-DODY-O]

المشاركة الأصلية كتبت بواسطة فيصل أخاف يا أخت جوزائية أنطق بأي حرف تحطيني من أبواق سعد فقيه .. أو أكون موظف سري لسعد أعطيه الأخبار , ويمكن لي أرصدة مالية كبيرة جداً ( بالملايين ) ... أولاً وجدي الغزاوي مدري كيف صار تابع لسعد الفقيه والدولة تتركه في حال سبيله بل وتدعمه مالياً .. وجدي الغزاوي هذا مدير قناة الفجر وهو مكاوي من مكة , وقبل فترة وصل عند الملك وطلب منه معونة مالية للقناة وأعطاه الملك مبلغ ضخم , كيف يصير وجدي الغزاوي بعد هذا كله يعارض الملك ؟ أنا متابع وجدي على تويتر , صحيح نقده كثير للحكومة , لكن ما توصل أنه يصير تابع لسعد ..!! أنتي أختي جوزائية - كأي خليجي - كنتي مع حقوق الشعب المصري والتونسي والليبي والسوري وغيرهم , ولكن الشعب السعودي ماله أي حق , وكل ما خرج أحد وتكلم وطالب بتغيير وإصلاح الوزارات السيئة في التعامل , أجد وتجدين الكثير ممن يبحث عن رائحة لتخوينهم كلهم عن بكرة أبيهم .. هذا الشيء مرفوض تماماً , نبغى نعبر عن رأينا , ونبغى نوصل صوتنا للملك بالقوة .. حتى لو رفضوا ذلك البطانة .. أتمنى ما أشوف صورة ردي مع القائمة اللي فوق :) تحياتي لك

لالالالا خلالالالالاص ثبت انك واحد منهم


بعد ردك ذا صدقني عالسجن


<امزح لا تصدق


بس من ويلك ذي الاخبار؟؟؟

اكيد اكيد واحد منهم وفيهم ولا ما كان عرفت

[زمردة 2009]

وجدي الغزاوي رجل نزيه مايخصه بسعد تمام نفس ماقال أخوي فيصل

العبره بالنهايات ماعلينا من سعد والي داعم سعد حنا علينا بالهدف الي نبي نوصله بأي وسيله كانت

لإنها إسُتنفذت كل الطرق والمحاولات ولا فاد شي يمكن هالحمله تثير الذعر بقلوب البعض الي بيدهم كلش ..!

نتوكل على الله وبعون الله مهوب صاير إلا كل خير

لو تكاتف المواطنين العاطلين بكل قوه وماخافوا والله ليكون مردوده عليهم إيجابي وفوري بعد

لكن لو انخشوا وخافوا هنا المشكله ساعتها نقول طارت الطيور بأرزاقها يا أيها العاطلين

يعطيكِ العافيه يا جوزائيه مواضيعكِ كلبوها مهمه ياعسل ..:

[SalemOnLine]

الله يحفظ أمن البلد ،،،

[اللولو]

حسبي الله عليهم إلا يهدوا شباب هذا البلد

اللهم من أراد شبابنا وبلادنا بسوء فأشغله في نفسه وأجعل كيده في نحره ..اللهم أمين

[فيصل]

المشاركة الأصلية كتبت بواسطة o-dody-o لالالالا خلالالالالاص ثبت انك واحد منهم بعد ردك ذا صدقني عالسجن <امزح لا تصدق بس من ويلك ذي الاخبار؟؟؟ اكيد اكيد واحد منهم وفيهم ولا ما كان عرفت

أنا سعداوي تائب <~ كنت معاهم وتاب الله علي :)

[O-DODY-O]

المشاركة الأصلية كتبت بواسطة فيصل أنا سعداوي تائب <~ كنت معاهم وتاب الله علي :)

ههههههههههههه

لا مدام انك تايب بنطلع,ـك من السجن بس لا تعلم خوياك بعدين يقولو احنا كمان تايبين..}}