طلاب وطالبات الحاسب انصحوني هل الحاسب سهل او صعب

[الله يكتب الخير]

السلام عليكم

اخواني واخواتي انا احب الحاسب ونفسي ادرس حاسي لكن طبعا الدراسة الاكاديمية فيها تعمق كثيير

بسئلكم عن الحاسب هل دراستة سهلة او صعبة وهل يحتاج لغة انجليزية او لا

انا بصراحة احبة لكن خايفة يكون صعب

وشكرا لكم

[bmb]

اختي انا ما عندي فكره شامله عن الحاسب بس الشي لو حطيتي في بالك انه صعب يسير صعب وما دامك تحبيه صدقيني راح تبدعي فيله و تكوني من الاوائل و تجتازي كل العقبات التي تواجهك في الماده انا زيك احب الحاسب وخايفه منه بس قاعده اقنع نفسي انو انا دخلت الحاسب من رغبيت الاولى و في ناس كثير دخلوا الحاسب بعد كم رغبه هم حاطينها و مانقبلوا فيها فعشان كذا راح يكون الحاسب افضل شي و اسهل شي في الدنيا وزي ما قدرنا نعدي التحضيري بكل العقبات نقدر نعدي الحاسب لو كان فيله عقبات اصلا (( اتمنى تكوني استفدتي من كلامي ))اسفه عل الاطاله حياتي

[Mr.Ahmad]

وعليكم السلام ورحمة الله وبركاته .

شيء طبيعي أي شيء لم تبذل فيه الجهد والتعب وعدم اليأس سيكون صعباً . والعكس صحيح .
ونسبة الصعوبة والسهولة يحددها الشخص نفسه بقدر اجتهاده .

بالتوفيق .

[Anemon]

المشاركة الأصلية كتبت بواسطة الله يكتب الخير السلام عليكم اخواني واخواتي انا احب الحاسب ونفسي ادرس حاسي لكن طبعا الدراسة الاكاديمية فيها تعمق كثيير بسئلكم عن الحاسب هل دراستة سهلة او صعبة وهل يحتاج لغة انجليزية او لا انا بصراحة احبة لكن خايفة يكون صعب وشكرا لكم

وعليكم السلام

دراسة الحاسب لازم فيها انك تعرفي انجليزي
لان كل المناهج اللي ندرسها وحتى الاختبارات بالانجليزي
وكمان ممكن تدرسك وحده من جنسيه غير عربيه فحيكون الشرح كلو بالانجليزي
انتي لازم تقوي لغتك الانجليزيه من بدري ومع الوقت حتتعودي عليها

وبالنسبه للدراسه ابدا موسهله اللي يقول دا الكلام يضحك عليكي
في مواد متوسطه الصعوبه بس موسهله
يعني مقارنه بالمواد التانيه اللي تدرسيها في القسم تعتبر سهله
وفي مواد بس تبغي تنجحي فيها ودي المواد المشكله تكون في الدكتور او الدكتوره اللي يدرسوكي الماده

وشي اخير الحاسب كلو واجبات ومشاريع وكويزات واختبارات دوريه
يعني بصراحه انسي شي اسمو "ويك اند"

انا ما اقول كدا عشان اخوفك بس عشان تفكري قبل ماتختاري الحاسب
وتعرفي انو مش قسم لعب وكلام فاضي
لازم تبذلي مجهود وتذاكري على طول

انا الحمد لله اتخرجت الترم اللي فات
ومني ندمانه اني دخلت دا القسم

بالتوفيق ان شاء الله

[كوكو شانيل]

وعليكم السلآم ورحمة الله وبركآته

إنتي شدي حيلك وبإذن الله مآ تحسي بصعوبة ، وبعدين مع الجد والإجتهآد مآفي شي صعب .

ولو تبغي الشي حتوصليلو إن شآء الله

كلنآ متوكلين على الله ثم على الإجتهآد ، وربنآ يسآعد الجميع ^^

المشاركة الأصلية كتبت بواسطة anemon انا الحمد لله اتخرجت الترم اللي فات

مآشآء الله تبآرك الله ،
مبروووك وعقبآآلنآ ياارب .

[الـجـلادMaLeK]

يعني بصراحه انسي شي اسمو "ويك اند"

مدري احسها مبالغة ... يمكن بالنسبة للبنات او في المستويات المتقدمة

ولا اش رايك يا احمد ؟ ههههه

انا عن نفسي

الدراسة جدا حلوه وممتعة

اهم شيء .. الحضووور اولا

وثانيا حل الواجبات عشان تتدربي على اللي دارسته

وان تبغي تذاكري كل يوم .. شيء حلو

وذاكري قبل الاختبار تمام وانتهى ..

والانجليزي عادي يمشي معك .. اذا عديتي التحضيري وزحمة الانجليزي فيه خلاص .. تقدري تعدي الباقي

بالتوفيق

[Abdulrahman alqahtani]

شدي حيلك وما فيه شي يجي بالسهولة ..

الله يوفقك على كل حال ~..

تحياتي لك ..

[Mr.Ahmad]

المشاركة الأصلية كتبت بواسطة الـجـلادmalek مدري احسها مبالغة ... يمكن بالنسبة للبنات او في المستويات المتقدمة ولا اش رايك يا احمد ؟ ههههه

خخخخخخخخخخـ ,, من جد .
أحس من أول ما خشيت الجامعة إلا الآن . كل الأيام كأنها ويك إند ( إجازة ) .. إلا أيام الإختبارات طبعاً .
ومن زمان عنك يا مالك :)

[غلا ريم]

السلااام عليكم
بسأل عن الوظااائف بعد التخرج من قسم الحاااسب وظايفه مضمونه اقعد بالجامعه والا احوول كليه
انا امنيتي ادخل حاسب ان شاء الله انا سنه تحضيري لسع
بس اهلي مرررره معقديني يقولون ماله وظايف بتقعدين في البيت شوفي بنت فلان قاعده ماتووظفت شووفي هذيك حوولت منه >> حالتي صعبه مرره محتاره نفسي في ذا القسم الله يكتب اللي فيه خير ان شاء الله
ومشكوورين

[كوكو شانيل]

المشاركة الأصلية كتبت بواسطة غلا ريم السلااام عليكم بسأل عن الوظااائف بعد التخرج من قسم الحاااسب وظايفه مضمونه اقعد بالجامعه والا احوول كليه انا امنيتي ادخل حاسب ان شاء الله انا سنه تحضيري لسع بس اهلي مرررره معقديني يقولون ماله وظايف بتقعدين في البيت شوفي بنت فلان قاعده ماتووظفت شووفي هذيك حوولت منه >> حالتي صعبه مرره محتاره نفسي في ذا القسم الله يكتب اللي فيه خير ان شاء الله ومشكوورين

وعليكم السلآم ورحمة الله وبركآته

اللي أعرفو إنو إنتي بيدك تصنعي مستقبلك الوظيفي بإذن الله ،

يعني لو كآن معدلك العآم بعد التخرج كويس وعآلي تتوظفي بسهولة .

وبعدين معروف الحآسب مستقبلو حلو وبعدين إنتي أستخيري وأستشيري ومآ حتندمي بإذن الله .

مووفقة خيتو ^^