لست من جدة، ولكني في حاجة مساعدتكم، فمن يعينني؟؟

[لجين الندى]

السلام عليكم ورحمة الله وبركاته

من بعد اذنكم يا طلاب وطالبات جامعة الملك عبد العزيز

أنا مو من جدة، ومحتاجة كتاب ضروري وبحثت عنه هنا في المكتبات وما لقيته
الكتاب من منشورات دار المجتمع للنشر والتوزيع بجدة

دورت على رقم دار المجتمع في النت وطلع الرقم خطأ
واتصلت على 905 وأعطوني رقم كمان طلع خطأ

أنا مرة محتاجة الكتاب
فإذا ممكن أحد يساعدني بـ:
1- رقم دار المجتمع بجدة.
2- هل ممكن يوصلون كتب لمدن ثانية؟

مع العلم اني سألت في مكتبة جرير ومكتبة كنوز المعرفة بجدة وما لقيت الكتاب عندهم
وصح انه ما عندي أحد يروح لجرير ولا لكنوز المعرفة لأني مو من جدة
بس كنت بأشوف اذا متوفر في المكتبات بشكل عام
قبل ما أرجع لدار المجتمع

الله يسعدكم محتاجة الكتاب ضروووووووووري

[A.r.s]

هذا رقمهم http://sa.jeeran.com/p/dar-al-mojtam...bution-jeddah/


ياليت تزودينا باسم الكتاب .يمكن ألقى نسخة منه pdf .

[لجين الندى]

جزاك الله خير وبارك فيك ويسر لك جميع أمورك

بالنسبة للرقم هو اللي أدق عليه ويقولي (مكالمتك لا تتم حسب الطريقة....)
مع اني أضغط 012 قبل ما أدق عليهم

وبالنسبة للكتاب هو الحاوي الكبير للماوردي
لكن أبغي اللي بتحقيق د/ راوية أحمد الظهار

لأنه موجود في النت لكن بتحقيق الشيخ علي محمد معوض - الشيخ عادل أحمد عبد الموجود

وهذي النسخة اللي في النت فيها كثير من السقط
يعني تصور أكتب منها في رسالة الماجستير ويطلع اللي كتبته خطأ لأنه فيها كلام ناقص
فيؤدي الى معنى خطأ
وهذا الخطأ من نفس المحقق .. حسب ما فهمت

والنسخة اللي بتحقيق د/ راوية هي نوقشت بجامعة أم القرى
راسلت مكتبة جامعة أم القرى وطلبتها منهم قالوا لي ممنوع نرسلها حفظا لحقوق النشر
لكن ممكن تجين المكتبة وتصورين الجزء اللي تبغينه

أنا عندي رسالة ومحتاجة الكتاب كامل
ومع ذلك جلست أبحث وأبحث عن ناس يروحوا لجامعة أم القرى لأني مو من مكة وصعب جدا أروح للجامعة
وبالقوة لقيت وحدة وراحت للمكتبة ورجعت قالت لي ما لقيت طلبك في المكتبة

عشان كذا أعتقد انه ما فيه حل الا اني أكلم دار المجتمع يمكن ألقى عندهم حل

[دارس1431]

وعليكم السلام ورحمة الله وبركاته


اختي يمكن هالرابط يفيدك

http://www.alkutubiyeen.net/index.ph...roduct_id=2292

موفقه

[لجين الندى]

المشاركة الأصلية كتبت بواسطة دارس1431 وعليكم السلام ورحمة الله وبركاته اختي يمكن هالرابط يفيدك http://www.alkutubiyeen.net/index.ph...roduct_id=2292 موفقه

بارك الله فيك دارس وجزاك كل خير

بس كم ياخذ يوم عشان يوصل الكتاب؟؟

[همة همة همة]

وعليكم السلام ورحمة الله وبركاته
اهلًا بك أختي لجين
مكتبة الشنقيطي بجدة أساليهم ان شاء الله يكون موجود عندهم ولو طلبتيهم يوفرنه لك راح يوفروه
جداً مكتبة متعاونة وتخدم الزبائن والطلاب وكم مرة طلبت منهم كتاب ليس موجود عندهم ووفروه بعد الطلب طبعا أقصى شيء يتم توفيره بعد شهر وفي الغالب بعد 3 ايام لكن لو قلتي ضروري سرعوا توفيره وكمان عندهم خدمة توصيل للمنزل وجربت ذلك 3 مرات الله يجزاهم خير .
رقم المكتبة 0126894558
وكمان فيه مكتبات كثيرة جنب مكتبة الشنقيطي يتوفر فيها كتب إسلامية تفيد طلبة وطالبات الدراسات العليا كثييرة ممكن تجدين فيها مطلوبك اسم الشارع الي فيها هده المكتبات (شارع باخشب) على حد علمي.
الله يوفقك وييسر أمرك واستعيني بالله في كل شيء
اسألي منتدى اهل االحديث

[لجين الندى]

المشاركة الأصلية كتبت بواسطة همة همة همة وعليكم السلام ورحمة الله وبركاته اهلًا بك أختي لجين مكتبة الشنقيطي بجدة أساليهم ان شاء الله يكون موجود عندهم ولو طلبتيهم يوفرنه لك راح يوفروه جداً مكتبة متعاونة وتخدم الزبائن والطلاب وكم مرة طلبت منهم كتاب ليس موجود عندهم ووفروه بعد الطلب طبعا أقصى شيء يتم توفيره بعد شهر وفي الغالب بعد 3 ايام لكن لو قلتي ضروري سرعوا توفيره وكمان عندهم خدمة توصيل للمنزل وجربت ذلك 3 مرات الله يجزاهم خير . رقم المكتبة 0126894558 وكمان فيه مكتبات كثيرة جنب مكتبة الشنقيطي يتوفر فيها كتب إسلامية تفيد طلبة وطالبات الدراسات العليا كثييرة ممكن تجدين فيها مطلوبك اسم الشارع الي فيها هده المكتبات (شارع باخشب) على حد علمي. الله يوفقك وييسر أمرك واستعيني بالله في كل شيء اسألي منتدى اهل االحديث

جزاك الله خير همة وبارك فيك
مشكوووووووووورة

[دارس1431]

هذا حسابهم في تويتر وإن شاء الله تلقين الإجابه

alkutubiyeen@

[لجين الندى]

المشاركة الأصلية كتبت بواسطة دارس1431 هذا حسابهم في تويتر وإن شاء الله تلقين الإجابه alkutubiyeen@

عذرا دارس دوبي أنتبه لهذا الرد

جزاك الله كل خير وبارك فيك

راسلتهم وأعطيتهم طلبي والله يجعله يوصل سريع

[* تركي *]

ممكن استعيره لك من مكتبة ام القرى وارسله عن طريق البريد الممتاز. لكن مدة الاستعارة اعتقد 15 يوم فقط.