طازة نتيجة مبارة الاتحاد والكويت الكويتي

[الاهلاوي]

بسم الله الرحمن الرحيم

انتهت مباراة الاتحاد والكويت الكويتي في الدور الاول من بطولة ابطال العرب في نسختها الثالثة بحلتها الجديدة علما ان البطولة الاولى كانت للصفاقصي التونسي والثانية للاتحاد السعودي
المهم
انتهت المباراة بفوز الاتحاد 1-0 وجا الهدف في القيقة الثالثة من الشوط الاول الاضافي عن طريق حمزة ادريس ( المحترم والوحيد)

شوية تفصيل
نزل الاتحاد الشوط الاول بالتشكيلة التالية: مبروك زايد , اسامة المولد , رضا تكر, احمد الدوخي, عدنان فلاتة, مناف ابو شقير, محمد امين, سعود كريري, محمد كالون , مرزوق العتيبي , باقي واحد نسيته
اهم احادث الشوط الاول
كان متوسط والاتحاد طبعا الافضل بس بدون خطورة وكان وسط الاتحاد تعبان بسبب غياب تشيكو الي مهو مسجل في هذي البطولة و خرج لاعب من الفريق الكويتي اضطراري بسبب جرح تعرض له في وجه تقريبا حق اربعة غرز, انظرب دفاع الاتحاد في هجمة جميلة بس مبروك كان في الوقت
الشوط الثاني
غير الاتحاد تغيريين
حمزة ادريس بدل مرزوق العتيبي و محمد نور بدل مناف ابو شقير
سيطرة اتحادية مع هجمات خطرة اخرها واخطرها دقيقة 93
برضوا شفت سيارة اسعاف دخلت بس ما ادري ايش الهرجة لانه كان عندي واجب يعني ما كنت مهتم ....بس اذا كان الاهلي حفصلكم الين ما دوخوا
الشوط الاول الاضافي
سجل حمزة ادريس الهدف الاول قنصها صح الدقيقة 3
ومشي المباراة وانا مع الواجب حقي
وجا الشوط الثاني ونفس الهرجة وانتهت المباراة

معلومات
دفاع الكويت الكويتي كان منظم وممتاز
عندنان فلاتة الظهير الاسير كان افضل لاعب اتحادي وصراحة بدع من وجهة نظري
البطولة شارك فيها النصر و القادسة والاتحاد
خرج القادسة واتأهل الاتحاد والنصر
اقوى مباريات الجولة الجالية حتكون بعد العيد بين
الاتحاد والوداد المغربي 9 نوفمبر
و الزمالك المصري والرجاء المغربي 10 نوفمبر
كنت اتمنى هزيمة الاتحاد وإن شاء الله ياخذ العين كاس اسيا
تقولولي ممثل الوطن
لا ياحبايب كل الفرق كوم والاتحاد كوم
عارفين ليش
بسبب الاخلاق السيئة من رئيسهم وكم واحد معاه
بالله عليكم رئيس نادي يقول اتمنى تدمير الاهلي مو عشني اهلاوي بس شوفوا الخلاق
وكمان يشتري الصفحة الاولي لجريدة الرياضي على اساس اذا الهلال اخذ بطولة الدوري يحطوا اعلان عن عطر اتحادي ويكنسلوا الاخبار الهلالية
وغيرها
ياليت ليلة العيد افرح فرحة العيد وفرحة الكاس راح للعين

[chocolata]

الف مبرووووك للاتحادية ومو شي جديد عليهم

وجا الهدف في القيقة الثالثة من الشوط الاول الاضافي عن طريق حمزة ادريس ( المحترم والوحيد)

برضو مو شي جديد على حمزة وفعلا محترم بس مو الوحيد لعيبة الاتحاد كلهم جديرين بالاحترام

كنت اتمنى هزيمة الاتحاد وإن شاء الله ياخذ العين كاس اسيا تقولولي ممثل الوطن لا ياحبايب كل الفرق كوم والاتحاد كوم عارفين ليش بسبب الاخلاق السيئة من رئيسهم وكم واحد معاه بالله عليكم رئيس نادي يقول اتمنى تدمير الاهلي مو عشني اهلاوي بس شوفوا الخلاق وكمان يشتري الصفحة الاولي لجريدة الرياضي على اساس اذا الهلال اخذ بطولة الدوري يحطوا اعلان عن عطر اتحادي ويكنسلوا الاخبار الهلالية وغيرها ياليت ليلة العيد افرح فرحة العيد وفرحة الكاس راح للعين

صراحة صعقت لمن قرأت كلامك يعني انا ماني عارفة ليه الاهلاوية دايما يفكرو التفكير دا

انا عن نفسي عمري ماكرهت الاهلي بالعكس احبو ولو كان الاتحاد طلع بدل الاهلي كنت حتمنى فوز الاهلي عشان تكون البطولة سعودية قبل لاتكون اهلاوية ولا اتحادية

بعدين لو رئيس النادي اخلاقو على قولك سيئة ايشلهم اللعيبة اللي بيتعبو وبيشدو حيلهم عشان البطولات دي تدعي عليهم وتقول الكلام دا

عموما ان شاءلله الاتحاد حيكون قدها وياخد البطوولة

وكل الاهلاوية - الا اخويا - م ع ن ف س ي ا ت ه م

[الاهلاوي]

عمرك شفتي اهلاوي يسب في الاتحاد او اي نادي ثاني؟؟؟؟؟ انا ماشفت

ثاني حاجة حتتمني الاهلي ياخذها لان احنا النادي الراقي في كل حاجة واحترامنا هو الي خلا رئيس نادي الهلال يقول اتمنى جمهورنا زي جمهور الاهلي مو جمهور زي الاتحاد
واي فريق ياخذ الكاس حلال عليه الا الاتحاد
بس حاجة وحدة
لعلمك كان فيا عرق اتحادي ( يعني مو اتحادي بس ميال) بس بعد البلوي وجستنية ومن على شاكلتهم كرهت الاتحاد مرة

الاحترام اهم حاااااااااجة
وكل واحد له وجهة نظر

[الشاكي]

القافله تسيييييييييييييييييير

والكلاب تنبح



وإدلع ياكايدهم خليهم يشوفونك

[الاهلاوي]

اخت شوكولاته
الخدمي الموجود برهان على الاخلاق العالية مهي غريبة كلهم زي بعض
مو قلتلك بس حمزة

[الشاكي]

أنا أدري عنك

تجلس تسب وتقول شوفو برهن لكم


شوف إسلوبك يالحبيب




بعدين أنتم جيبو بطوله وتعال فك فمك هنا



والله حاله

[الاهلاوي]

حصل خير
بس راضي انت عن هذي الاخلاق حقتكم
اذا انت راضي فخلاص المشكلة اتحلت
وسار لكل واحد وجهة نظر

والبطولات مليانة في الدولاب واخرها العام اعتقد 32 بطولة
مشكلتنا في الفريق الاول حق القدم يعني ليه حق اتكلم مليون الف مرة
ومعليش على الازعاج
ورمضان كريم
وكل عام وانت بخير

[الشاكي]

وأنت بخير ياقلبي