ارجو المساعده وبسرعه الله يخليكم يابنات علم النفس

[lulumoon]

[size="6"]السلام عليكم اتمني ان تكونوا مبسوطين في الجامعه الحلوه والقسم الجميل الممتع ياقماري بليييييييييييييييز ابغي اوريكم جدولي

قياس نفسي
فروق فرديه
علم نفس اجتماعي
ارشاد وتوجيه 446
علم نفس تجريبي

بليز كيف هذه المواد سهله والا صعبه ومين افضل استاذات لهذه المواد الله يخليكم افيدوني عشان راح ابدأ محاضرات الدوره التأهيليه لاني انتساب وايش رايكم احذف ماده واسجل بدالها ماده حره زي علوم قران او مادة اقناع او اسس علم الاجتماع او مصادر معلومات بليز ردوا من فرج كربه علي مسلم ربنا يفرج عليه كرب يوم القيامه جزاكم الله خير وشكرا[/size]

[نسووومة]

اهلا ياقمر ...

بالنسبة لموادك ..

قياس نفسي
فروق فرديه
علم نفس اجتماعي
ارشاد وتوجيه 446
علم نفس تجريبي


صراحة أحسها شوية دسمة ..

التجريبي مو مرة سهل ... والقياس النفسي انا اخدته مع دكتورة مريم مرة تسهل وتحدد بالكتاب المهم وبس .. والمادة ماهي بديك الصعوبة... بس فهمها يحتاجله شويه زي الاحصاء بس على خفيف طبعا .... فروق فردية تمام .. ازا ماكنتي اخدتي شخصية خديها سهلة ... وتوجيه وارشاد انا اخدته الترم اللي راح مع أستازة نجوى .. كانت أسألتها رووووعة الله يسعدها بس الكتاب كان مررررة مزعج وماله داعي بالحياة ...

علم نفس اجتماعي سهل برضو ... انا اخدته مع دكتورة خديجة خوجه وكانت الأسئلة موحدة كان الاختبار حلو الحمدلله بس شويه كان دقيق ... والمادة طويلة <<هادا طبعا على ايامي مدري كيف دحين سار <<ايوة ياجدتي

وبالنسبة للمادة الحرة القرآن سهلة والاقناع كمان سهلة .. وانا اخدت علم انسان عام كانت برضو سهلة .. بس ماانصحك بأسس علم الاجتماع ...

والله يوفقك ياارب

ياريت اكون قدرت أفيدك ..

وأي خدمة تحت أمرك ياعسل :)

[ريما55]

اهلا وسهلا
كويس حصلت احد زيا <<<مصلحه
انا كمان القياس الترم هذا عندي وان شاء الله نساعد بعض
بالنسبه للفروق ماده مره سهلة وخذيه مع مريم صالح اسئلته مررره رائعه
علم النفس التجريبي اخذتها مع مها سرور الماده تقريبا زي العلوم حلوه تتكلم عن المنبه والمثير وكم تجربه
علم النفس الاجتماعي كمان حلو بس فيه قرقره كثيره خذيها مع هبه القشي او مريم صالح
اما التوجيه لسه مااخذتوا
اي حاجه لايردك الا الكيبورد

[lulumoon]

السلام عليكم قماري شكرا ياريما وشكرا يانسووومه تسلموا يارب الله يخليكم وياليت نتقابل في الدوره التأهيليه معليش سرت طماعه شويه ايش اسم كتاب القياس والتجريبي والفروق والتوجيه والارشاد الثاني مو الاول ابغي المؤولفين واسم الكتاب بلييييييييييييييييييييييز عسولالالالالالالالالالالالالالالالالالالالات شكرا ربنا لا يحرمنا من الناس الطيبه

[نسووومة]

افتحي موقع الجامعه وبعدين اختاري من فوق الكليات وبعدين ادخلي على كلية الآداب وبعدين الإنتساب وبعدين مفردات المواد الدراسية ..

وتلاقي المواد واسماء الكتب والمقرر من كل مادة كمان وكل شي بالتفصيل ..


بالتوفيق يارب :)

[ريما55]

المشاركة الأصلية كتبت بواسطة lulumoon السلام عليكم قماري شكرا ياريما وشكرا يانسووومه تسلموا يارب الله يخليكم وياليت نتقابل في الدوره التأهيليه معليش سرت طماعه شويه ايش اسم كتاب القياس والتجريبي والفروق والتوجيه والارشاد الثاني مو الاول ابغي المؤولفين واسم الكتاب بلييييييييييييييييييييييز عسولالالالالالالالالالالالالالالالالالالالات شكرا ربنا لا يحرمنا من الناس الطيبه

ماعندي مانع بس انا ممكن مااحضر الدورة التاهلية
واذا قدرت اهلا وسهلا
بالنسبه للقياس الكتاب مرررررررره كبير لاتشتريه بس صوري المطلوب
القياس النفسي لصفوت فرج
علم النفس التجريبي لمحمد نجيب الصبوة وعبد الفتاح القرشي
الفروق الفردية في الذكاء لسليمان الخضري الشيخ
التوجيه والارشاد النفسي للدكتور فاروق والدكتور ميسرة والدكتور يحيى مهني
بالتوفيق
تفضلي هذي المقررات الدراسية لعلم النفس

[sasso]

بنات ترى انا عندي كتاب فروق خلاص انا اخذت المادة اللي تبغاه بدل ماتشتريه تاخذه من عندي وعندي كتب
صحة نفسية وفسيولوجي و علم اجتماع عائلي لا يردكم الا الكيبورد على قول العسل ريما

[sasso]

مافي احد يبغى الكتب؟؟؟؟؟؟

[كشتي فرشت عشتي]

مرررررررره شكرا انا ابغاه بس مو الحين

انا مااخذت هذي المواد يعني راح اخذها ان شاء الله ع الاترام الجايه

بس الاولى اللي منزلينها الحين

الله يسعدك دنيا واخره ع المساعده هذي

وانا عندي كتاب النمو اذا احد يحتاجها

[sasso]

وعندي كمان كتاب فئات خاصة...