جدول عمارة البيئة , ياليت أهل الخبره يدخلون :)

[aL-Baraa]

بسم الله الرحمن الرحيم

السلام عليكم ورحمة الله و بركاته


صباحكمـ // مساكمـ ,, خيــر

المهم

شفت الجدول اليوم ونزلتلي فيه مواد شكلها مره دسمه :)
فحاب أستفسر من إلي قبلي عن إذا الجدول إلي نازل مناسب و إلا لأ
و كمان عن أسماء الدكاتره إلي ممكن أحول عندهم :)


على بركة الله

la 222 تخطيط مواقع
la 250 المساحة لتصاميم البيئة
la 251 النباتات عمارة البيئة
la 292 الأستديو
urp 400 إسكان

المهم هذي المواد إلي نازلتلي
و المشكله في مواعيدها
يعني ماعندي شي يوم الثلاثاء
لكن يوم الإثنين راح أكون من 8 لين 4
فيه حصلت شعب ثانيه لكنها فل , وبشوف بكره لما يبدأ الحذف و الإضافه كيف تزيد و إلا لأ


عموما , إلي حاب أعرفو هل هذي المواد تجي مع بعض
و إلا أحذف منها بكون أريحلي و يسير آخذها الترم الجاي :)


فياليت إلي عندهم خبره يفيدونا :)


تحياتي

[Mr.LandScaper]

و عليكم السلام و رحمة الله و بركاته

حياك الله براء، وان شاء الله نشوف واحد من احسن معماري البيئة

......

La222 : تخطيط مواقع، عادة (د.وائل حسين و د.عماد رفعت) أو (د.ممدوح العطار)
la250 : المساحة، (د.رجب و أ.طلال) فيها معمل.
La251 : النباتات في عمارة البيئة (د.أحمد الجيلاني، د.عبدالله غزال) فيها شوية كرف و مشروع صغير في النهاية
la292 : الاستوديو، يتقرر في الاجتماع. و يكون كل (سبت ، ثلاثاء) من 10-4

بالنسبة لـ urp400 شوف شباب شعبتك اذا اخذوها خذها معاهم، بس اتوقع انهم اخذوا la252
مع د.حمدي، اذا كانوا مع حمدي روح معاهم أحسن.

جدولك ما شاء الله مناسب، لكن انا مستغرب وجود مادة urp400
المفروض لو انك على الخطة ما تنزل لك المادة هذي الا لما توصل مستوى 400

عندك 12 ساعة مواد من القسم كلها كويسة، باقي 3 ساعات
إما انك تاخذها urp400 ، او la252
و فعليا urp أسهل لو اخذتها مع د.عبدالحفيظ.


بالتوفيق ان شاء الله اخوي.

[صوت الأمل]

والله أنا نزل إلي ar210رسم نظري
la251نباتات عمارة البيئة
la292إستديو
la352التربة والماء
urp400إسكان . بس ياريت أعرف إسم الدكاترة اللي يدرسو هذي المواد ؟
ومادة( إسكان ) تتكلم عن ماذا ؟
وهل الجدول مناسب أولا ؟



وشكراااا ...........

[احمد ربيعة]

حبيبي قلبي انت لسى 200 ومادة الاسكان لو اخذتها ماراح تفهم منها شيء لانها ملعوزة وممكن تاخذ فيها ابو جلمبو f لانها مالها منهج وتعتمد على مفاهيم سابقة راح تاخذها بتدرج ...
فاول شيء احذف المادة دي وظيف اي مادة من مواد القسم او من المواد الاختيارية بين الاقسام ...
اما باقي المواد ما اعرفة لان تخصصي عمارة وشكراً

[Mr.LandScaper]

المشاركة الأصلية كتبت بواسطة صوت الأمل والله أنا نزل إلي ar210رسم نظري la251نباتات عمارة البيئة la292إستديو la352التربة والماء urp400إسكان . بس ياريت أعرف إسم الدكاترة اللي يدرسو هذي المواد ؟ ومادة( إسكان ) تتكلم عن ماذا ؟ وهل الجدول مناسب أولا ؟ وشكراااا ...........

ما شاء الله، ثاني واحد تنزل له مادة URP400 !!

احذفوها يا شباب، خذوها في الصيف الجاي لما تخلصوا السنة هذي ان شاء الله


بالنسبة لكِ صوت الأمل ..

تقدر تضيف LA252 أو LA250 أو LA222


بالتوفيق ان شاء الله


بالنسبة لـ aL-Baraa

تقدر تضيف LA252 أو Ar210


موفقين ان شاء الله يا شباب

[aL-Baraa]

الله يعطيكم ألف عافية
تعبناكم معانا :)


خلاص إن شاء الله راح أحذف urp400
و مادة la252 ماهي موجوده في خطة القسم
فإذا كان قصدك la352 التربه و النبات
فما أقدر أظيفها لأنها تتعارض مع الجدول
ومادة ar210 أخذتها بالصيف


عموما إذا شلت urp400 جدولي راح يكون 13 ساعة
فممكن أظيف الثقافه المسوى الثالث


عموما أنا إلي كان متعبني أوقات المواد
يعني عندي يوم السبت و الأربعاء بس الأستديو من 12 لين 6
ويوم الثلاثاء ماعندي شي
لكن يوم الأحد من 8 لين 3
و يوم الإثنين من 8 لين 4

بس إذا بحذف الـ urp
راح يكون يوم الإثنين من 8 لين 1

بس ماني عارف إش أظيف غيرها ؟


تحياتي

[Mr.LandScaper]

آسف اخوي مادة la252 أقصد بيها la242

و لو اني اشوف انه موادك دسمه، و لو تضيف ثقافة إسلامية يكون أفضل..

بالنسبة للأستوديو انت متأكد انه سبت و أربعاء !!!؟؟

لأنه عمرنا ما سمعنا غير انه سبت و ثلاثاء ،، احتمال يكون خطأ في الجدول زي ما صار السنة الماضية

روح تأكد بكره ان شاء الله من القسم

[صوت الأمل]

يسلمواعلى الإفادة .لكن ما في مادة نقدر نضيفها بدل400 urp . غير ثقافة,urp211,la222

[Mr.LandScaper]

الله يسلمك اخوي ..

تقدر تضيف المواد من الكلية ابتداءً من السبت الجاي ان شاء الله

لكن اذا تقدر تاخذ urp211 توكل على الله، سهله و حلوه و مفيده ان شاء الله

[aL-Baraa]

الله يعطيكم العافية :)

و بخصوص الإستديو
هما منزلين شعبتين
شعبه سبت و ثلاثاء
و شعبة سبت و أربعاء
للأسف قفلت حقت الثلوث قبل ما أضيف فيها :)

عموما جدولي ذحين 15 ساعة
أستنى أحد يخرج من حقت الثلوث عشان أضيف فيها
لكن إذا ما أحد خرج ربنا يعين :)


..

الله يسلم كل من دخل ورد
و جزاكم الله كل خير



تحياتي