محاضرتي .. تنميه مهارات التفكير.. ومهارات اتصال . ليوم الاحد 11-11 ..... بنات :)

[لـــــودا]

السلام عليكم ورحمه الله و بركاته ...

ويامرحبا بالجميع ...كيفكم ؟؟؟ ... أتمنى إنكم بخير ... وصحة وعافيه ..
والجامعة تسلم عليكم هههه

حبايب قلبي أنا وعدت كثير انزل أول بأول اللي حناخده ...

للأسف انقطع النت عندي ليومين ... وعشان كدا ما قدرت انزل اللي خدناه يوم السبت ..

أنا شوفت مواضيع .. تتكلم عن يوم السبت ومحاضراتها .. فقلت بلاشي انزل ونكتر كلام ..

ونضيعكم ..

المهم حبايب قلبي ... من يوم ورايح حجي من الجامعة ع طول انزل اللي اخدته ...

اليوم الأحد ... من الأسبوع الأول بتاريخ 11 - 11 .... كانت عندنا محاضرتين ..

طبعا ياحلوين مافي اختلاف بين الشعب في دراسه المنهج ... الاختلاف بس في الدكاترة والاساتزه ...

هما متفقين على منهج واحد ... لا يزيد ولا ينقص ...

اشوف بنات يبغو يتعرفو على بنات من نفس الشعبه ...

اقولكم ... مافي فرق بين الشعب ... ابدا ..

خطه وحده وماشين عليها كل اساتزه المواد ..



واللي عرفتو كمان ... والمهم انكو تعرفوه ... هو ... انو في ساعات مكتبه ...

حتبدا قبل الاختبارات ... مااعطونا التاريخ بالزبط ... لانه لسى ماحددو...

وقت مايحددو ... اكيد راح اخبركم .. قبل نفسي كمان ^_*

طولت عليكم ... لكن والله ما ابغى انسى كلمه تفيدكم ...

ودحين ... حبدأ في المحاضرات ...




الاولى ... تنميه مهارات التفكير ...

الماده حلوه كولنا نعرفها ... سهله وبسيطه ...تفكير ماتفكير ...

المنهج كوله معانا معادا ... باب مهارات التسلسل محذوف ... وراح تخبرنا برضو الدكتوره وقتها بالزبط ايش المحذوف ...

واتفاق الدكاتره على الاسئله لحد الان ... على لسان دكتورتنا الدكتوره عزه ...

يعني احتمال تتغير ... وحقولكم كل شي اول بأول

اتفقو ان الاسئله حتكون ... في دي الماده ..(((. صلي .. صح وخطأ .. واختياري )))

طبعا ماكتبا شي معاها ... كلو تشرح ... بسيط وكلام معروف ...

مافي شي مهم اكتبو لكم ... راح توضح الصوره بالمحاضره التانيه ان شاءالله ...

بالنسبه للساعات المكتبه للدكتوره عزه .... تقدري تروحيلها اذا مو فاهمه شي ... توضحلك اللي تبغيه
مكانها .. مبنى 8 ... غرفه 839 ....
يوم الاحد والثلاثاء ... من الساعه 11 الى 12 ونص
ويوم السبت والاثنين والاربعاء .. من الساعه 12 .الى 1 ....
وطول الايام ... من 8 الى 9 ...
حتكون موجوده بمكتبها عشاننا :)
وتقدرو تتصلو كمان ... بس تديكم المهم عالتلفون ... مو زي لما تجلسي معاها وتشرحلك طبعا
رقم مكتبها ((( تحويله 62918 )))
هادي التحويله .... رقم الجامعه والله معرفه ... اللي يعرفه ينزلو واللي يخليكم :)





المحاضره التانيه ... كانت مهارات الاتصال ....

شي مو طبيعي جد حلو ...

دكتورتنا افنان قطب ... اعسل منها مااافي ...واللي اخذناه ..هو

تعريف الاتصال ..متى يبدأ الاتصال .. ومتى يكتمل .... انشطه الاتصال ... عناصر الاتصال .. انواع الاتصال ..نماذج الاتصال .. اهميه النماذج .. خصائص الاتصال ... مفاهيم خاطئه عن الاتصال ... كفائه الاتصال تعتمد على ماذا ؟؟؟

هذي اختااارص لساعتين ... طبعا شرحت الكل .. وعددت ... حتلاقو كل شي في الكتاب ...

اليوم مامعايه الكتاب ولا كان حددت كل شي بالصفحه ... اعذروني عالتقصير ...

والاسئله برضو قالت ... لحد الان ... صح وخطا واختياري ...

ووضحتلنا شغله ...

عند الاختياري ... ممكن يجوبو الخيارات صعبه ... يعني ... 2 خطا و2 صح ... بس في شي اصح من الثنتين الصح..

اي وحده من الخيارات ... صح ميه ميه ...

اذا اعطتنا امثله حكتبها اكيد ...

المهم عند المذاكره تفرقو زبط بين التعداد وتعاريفها ..

مثلا ... عند عناصر الاتصال ...
عندنا (((( المرسل .. والمستلم .. والرساله ..والوسيله ... ورجع الصدى ... والبيئه... والتشويش ))))

احفظوا وافهمو كل عنصر واللي تحته من تعريف وايش يتضمن ... وفرقو بينهم ..

عشان تسهل عليكم ... اعملو شجره ... فهمتوني ... راسها عناصر الاتصال ...

ونزلو فروووع .... وكدا ... ياريت تكونو فهمتوني ...


بالاخير ... اسفه اذا.. مو موضحه زين ... لانو حتى احنا لسى الصوره الكامله ماوضحت لينا ...

انا حبيت اديكم بداااايه ... من بكره باذن الله حوضح اكتر وحكتب بالزبط ايش قالت وايش قولنا :).

اتمنى من البنات اللي حضرو معايه ... يزيدو اذا في شي غاب عني ... لا تبخلو بليز ..

الله بيساعدنا ان شاءالله زي مابنساعد حبايبنا اللي خارج جده ومايقدرو يحضرو الجامعه ...


اعذروني اذا خانني التعبير ... والاسلوب ...

اي سؤال انا موجوده ...

تحياتي ليكم ... وانتظروني بالحلقه الجايه :)

في النهايه ... لو تبغوني اكمل حكمل ... وعلى حسب الردود ...
اذا ماعجبكم اسلوبي او شي كدا او كدا ... لاتردو ....عشان ابطل :)
اصلو تعب والله ودوام من 3 الي 10 و . و .. بس خليها على الله .. و لعيونكم يهون ...
اختكم لودا

[جووري88]

يعطيك العافيه أختي لودا وماقصرتي..وموضوعك فعال واتمنى أكون وفرت شرط رجع الصدى والظاهر والله أعلم انه رح يكون نموذجك نموذج تبادلي او ثنائي ..........ههههههههههههه...

[جووري88]

انا اسفه بس حبيت مادت مهارات الاتصال....اما الماده التانيه ...وع وع وع والله مافهمت شي من الاستاذه تروح وتجي على التفكير والتفكير هو هذا التفكير ابي احضر عند استاذه تفهم وتحببني بالماده لاني والله ماني عارفه ليش يدرسها لنا وايش يعني مهارات التفكير ... يعني نصنف الناس الى اذكياء واغبياء وناس بيفكرو وناس متبلدين ... طيب ايش له من داعي تدريسها .... اناااااااااااااااااااااااااااااااااااااااااااااااا أحتجججججججججججججججججججججججج بقووووووووووه

[حلا نجد]

الله يعطيك العافيه غلاي

[.. تـــــــذكـــــــار ..]

ماااتقصـــرين لـــــودا على المشااركه المفييدهـ .. ومن جد تعب مررهـ اول يووم

[يلدرم]

شكرا يااختي تم اضافة الموضوع في الموضوع المثبت للدورات واتمنى استمرار الكتابة في نفس الموضوع حتى لا تكثر المواضيع

[أمواج هادئة]

يعطيك العافيه يارب ماقصرتي

[خطاااك نساااني غلاااك]

هلااااا لودا
منورة يابطه
مشالله عليك فيك حيل تكتبي بعد ماترجعي من الجامعه << ناويه تحسدك ههههههههه

بغيت اضيف معلومه اذا ممكن << خدي راحتك *_*

مهارات الاتصال
ماده مرررره سهله وتنفهم مو تنحفض *_*

اعطتنا الاستاذه سؤال قالت تكرر ثلاث مرات يعني مهم

طبعاً كتبت السؤال بفهمي لان الاستاذه مصريه ومشالله بسرررعه تتكلم <<لايكثر الزبده

السؤال : احمد شاف ابوه يقدم الاخبار بالتلفزيون ؟ وش نوع المشاهده اعتقد هو موجود بالكتاب ..المهم الجواب جماهيري وليس شخصي ..اذا شفتو الدرس بتفهموا
السؤال الثاني : زينب راحت الشغل وكانت تفكر بالشغل وعنما وصلت كلمت المديره وبعد ذالك حضرت الاجتماع ؟ كم مرة صار فيه اتصال ..
الجواب ثلاث مرات

اي انواع الاتصال اللي يكون فيها التزام باللغه ؟؟
الجمعي


نماذج الاتصال

تذاكرينها من هينا اوضح واسهل من الكتاب << ع كلام الاستازه *_*

نماذج الاتصال

1/ نموذج خطي
مصدر رساله << وسيله << متلقي


2/ التبادلي ( الثنائي )
مصدر رساله << وسيله < متلقي < ردة فعل


3/ التفاعلي
مصدر رساله << وسيله <<متلقي << ردة فعل << بيئه الاتصال




عندك النموذجين الاول والثاني خاطئ لماذا ..؟
الاول : اهمل عنصر ردة الفعل .
الثاني : نقص عنصر البيئه .
الثالت صحيح لانه النموذج الوحيد الذي احتوى ع نماذج الاتصال .




خصائص الاتصال
حفظ العناوين صم اي جيداً
1/ ان الاتصال ليس له بدايه او نهايه .. عمليه مستمرة
2/وحدات متراكبه يكمل بعضها البعض .
3/ واضح بالكتاب
4/ غير قابل للتراجع << مثل زعلتي وحده وبعد كيذا قلتيلها سامحيني بتسامحك بس اكيد بيجلس الموقف ببالها
5/ واضح بالكتاب ..
اعلى نجاح عندما يتوفر القصد عند الاثنين


المفاهيم الخاطئه عن الاتصال ..... حفظ اوي اوي ع قول الاستازه *_*
1/ 2/ 3 / واضحه بالكتاب
4/ الكلمات التي نتسخدمها تحمل معاني
5/الاتصال قدرة طبيعيه .. لماذا خطا .لان الاتصال عباره عن عمليه تكتسب بالتمرين والممارسه < مثل عندك مقابله شخصية اول مرة بتكوني متوترة وخايفه بس عندما تتكرر المقابله يختفي التوتر تدريجياً لان عندك اطلاع ع نوع الاسئله ودخلتي مقابله كذا مرة
<<<< النقطه 4 و5 جدا مهمه 100% تجي بالاختبار >>>>


كفاءة الاتصال .... فهم بتركيز
واضحه بالكتاب


عملية الاستماع
6 مراحل حفظ بالترتيب ....... لايخول من الاختبار
1/ الاستماع 2/ الفهم 3/ التفسير 4/ التقويم 5/الاستجابه 6/ التذكير



اعطتنا اسئله .. في الاختبار مافيه صححي بس هينا مصححين عشان نفهم *_*
1/ الاتصال عملية تحدس بين الاصدقاء والاعداء على السواء ( صح)
2/ عملية انشاء المعاني ومشاكرة الاخرين فيها بأستخدام الرموز هي عملية الترميز (خطأ ) عملية الاتصال
3/

تعبت اكمل بعدين *-*

[غلا&جده]

يسلمووووووووووووووو الله يعطيك العافيه

في انتظااار التكمله

[لـــــودا]

جووري 88 ..... يامرحبا بيك .... برافو عليك .. ويكون جماعي هههه

ومنورين الباقي والله ...


واوووكي يلدرم ... راح انزل المحاضرات بنفس دا الموضوع ....


خطاك حبيبتي .... الف شكر ... كنت اتمنى وحده والله تساعدني ... الف شكر ...

واتمنى على طول تكوني متواجده .. بطبختنا ... وتضيفي البهارات ههه ...

ومن عيوني التكمله .. وان شاءالله كل يوم زي دحين حكون نزلت وهنا بالتحديد اللي اخدناه ...

في البدايه بنات ... ياريت الكل اشترى الكتب .. لانه في اشياء بسيطه راح نحددها سوى ... ممكن تكتبها بنوتتك ..

بس مو زي لما يكون الكتاب معاك واول بأول دا محذوف ودا قراءه ودا معانا ...

اخواتي ... مافي شي صعب ...

في كلمتين ابغاك ع طول تردديها .. المناهج سهله .. وراح انجح ..

جد خلوكم دايما متفائلين خير ... لانه حتلاقو الخير

واللي متفائله دايما بالرسوب والاحباط ... صدقوني ماراح تخلصو من الرسوب والاحباط ...

اصرخي بأعلى ماعندك ...i can do it ... يعني انا قدها واقدرلها ... وحنجح ... وحتنجي وحتقابليني ...

ما اطول عليكم حبايبي .. اصلي مش حخلص خخ ...

حبدا في المحاضرات بالرد الجاي ..