الي تخصصهم محاسبه بليز

[فرفوووشة]

سلام عليكم
الي تخصصو محاسبه ياريت اشوف رايكم بالمواد

مبادئ الاقتصاد الكلى

مبادئ الاقتصاد الجزئي

مبادئ الإدارة

تحرير كتابي

مبادئ محاسبة

كيف المواد سهله ولا لا ؟ ابغى اعرف طبيعه كل ماده

[روزا]

مبادئ اقتصاد كلي
اخدتها مع هدى خيري شرحها حلو
فيها فهم و شويا حفظ و كم مسأله


مبادئ الاقتصاد الجزئي
اخدتها مع عفاف عايد شرحها ممتاز
فيها مسائل اكتر من الكلي و تعتمد على الفهم اكتر من الحفظ


مبادئ الإدارة
اخدتها مع سمر عناني
ماده نظري هرجها كتير

تحرير كتابي
ما افتكر اسم اللي درستني
عربي المستوى التاني
ماده سهله


مبادئ محاسبة
اخدتها مع نهال الجندي مو قد كدا
بدايتها نظري و بعدين شغل المحاسبه كلو
بس ازا تخصصك محاسبه لازم تاخدي الماده مع وحده شاطره


ان شاء الله اكون افدتك

[خلود المشاعر]

المشاركة الأصلية كتبت بواسطة فرفوووشة مبادئ الاقتصاد الكلى

سهله جدا وتعتمد على المعادلات وتطبيق مباشر لها واشوفها اسهل واقل من اقتصاد جزئي .. اخدتها مع ايمان السليمان وكانت ممتازة

المشاركة الأصلية كتبت بواسطة فرفوووشة مبادئ الاقتصاد الجزئي

زي الكلي بس اطول شويا واخدتها برضو مع ايمان السليمان

المشاركة الأصلية كتبت بواسطة فرفوووشة مبادئ الإدارة

بحكم انك تخصص محاسبة اتوقع انك ما تحبي المواد النظرية المملة زي دي المادة ربي يعينك عليها ( مره اكرهها ) اخدتها مع هند دمنهوري

المشاركة الأصلية كتبت بواسطة فرفوووشة تحرير كتابي

اظن دي عربي 102 او 101 بس غيرو اسمها صح ؟

بس لو هيا فمرة لا تشيلي هم سهـــــله وجيبي فيها ايه بلس بسهوله ان شاءالله .. ناسيه والله مع مين اخدتها

المشاركة الأصلية كتبت بواسطة فرفوووشة مبادئ محاسبة

اممم دي المادة احسها هيا اللي تحدد حبك لتخصص المحاسبة او درجة اتقانك في المواد المحاسبية العملية ... جدا سهله بس نصيحتي لكي .. خلي تأسيسك في المحاسبة لو انتي فعلا حابة تتخصصي فيه يكون على يد استاذات كويسات مره انا خدتها مع ريم صقر وكانت فعلا ممتازة ورائعة حببتني في التخصص وخلتني اختارو عن قناعة وفهم كمان


اجمالا موادك كويسه ولا تكتري جدولك عشان تعطي كل مادة حقها من اجتهادك

موفقه يا رب ورمضان كريم

[قحطان العرب]

المشاركة الأصلية كتبت بواسطة فرفوووشة سلام عليكم الي تخصصو محاسبه ياريت اشوف رايكم بالمواد مبادئ الاقتصاد الكلى مبادئ الاقتصاد الجزئي مبادئ الإدارة تحرير كتابي مبادئ محاسبة كيف المواد سهله ولا لا ؟ ابغى اعرف طبيعه كل ماده

السلام عليكم ورحمة الله وبركاته
انا ادارة اعمال ولكن اكثر المواد هذي مرت عليه سواء بالجامعه او بالكليه التقنيه كوني متخرج من كليه التقنيه تخصص محاسبة ...... التفاصيل :

*مبادئ الاقتصار الكلي + مبادي الإقتصاد الجزئي = مواد رياضية شوي صعبه بس الي يذاكر بتكون اسهل من السهل لأنها تتطلب حل تمارين وحفظ قوانين وكل ما ذاكرتي اكيد بتسهل عليك

*مبادئ الادارة = مادة نظريه شيقه جدا وهي ماده نظريه طبعا ما عليك الا تتخيلين نفسك مديره وتشوفين مهامك وشنهي

* تحرير كتابي = ما مرت عليه هذي الماده ولكن الكتاب من عنوانه اتوقع انها ماده نظريه تعتمد على قوة التحرير

* مبادئ المحاسبه = فديتها هذي الماده حبيبتي سهله جدا ولكن يبيلك بس تعرفين اساسيات هذي الماده القوانين يعني ... مثال / الأصول + المصروفات = الخصوم + الإيرادات
ماده رهيبه جدا بس يبيلها شوي وساعه بال .
اتمنى اني افدتك
والسلام عليكم

[فرفوووشة]

روزا / خلود المشاعر / قحطان العرب
ربي يسعدكم وينجحكم يارب
تسلموووا :)))

[روحي عراقيه]

مبادئ الاقتصاد الكلى
اسهل من الجزئي

مبادئ الاقتصاد الجزئي
طويل ويبغاله مذاكره اول باول

مبادئ الإدارة
سهله اذا اهملتي مره تجيبي بي بلس

تحرير كتابي
هذا لغه عربيه .. العربي في الجامعه مو سهل

مبادئ محاسبة
يبغالها مذاكره واهتمام وهيه اساس المحاسبه


شكرا