اقتراح لجامعتنا الموقره ارجوا المشاركه وابداء الرأي

[ابوميان999]

بسم الله والحمدلله والصلاة والسلام على رسول الله
نظرا لكثرة طلاب الانتساب من المنطقة الوسطى ووجود عدد كبير منهم منتسبين بجامعة الملك عبدالعزيز، آمل من جامعتنا الموقره ان تجد حل وتقدير لوضعنا حيث يصعب علينا السفر لمدينة جده نظرا لظروف العمل والعائله وغيره
فبالتالي اقترح على الجامعه وآمل التفاعل من الجميع بوضع مركز اختبارات ثابت بمدينة الرياض مماثل لما هو موجود في مدينة جده ويكون هناك زيادة للرسوم ويكون ايضا مركز خدمات طالب للكتب وغيره وقاعات مؤجره او غيره، وبالتالي ارى ان الجامعة لن تخسر اي شي بالعكس راح يكون دخل اضافي لها واكثر تحكم بحيث يكون كل طالب تابع لمدينته، واذا كان هناك اي اعتراض من اخواني الطلبه او اقتراح ارجوا المبادرة والتفاعل لتعم الفئدة الجميع
وتقبلوا من خالص الشكر والتقدير

[متعب111]

لااااااااااااااااااااااااااااااا ماعندي مانع انا
وياليت ويوافقون على هذا الاقتراح

[شانزليزيه]

ياخي بقول كلمه بس خايف تزعلون
عشان كذا بلاش اقول

ولا تدرون بقول وامري على الله

مش بوووووزك

يارجال خلهم الحين يطلعون نتايجنا بدون غلطات تروح تقول نبي مباني بالرياض ولا بكل المناطق؟!!

لا وبعد زودو الرسوم!!!

وين حنا؟

لاتزعلون وهذا راي

[عوبد99]

والله رأي جميل واتمنى ممن هم ذو الاختصاص في هذا الموضوع خاصة أن يجدوا لنا حل؟؟؟؟

لأننا من جد تعبنا وتبهذلنا من ناحية الاجازات قبل الاختبارات والسفر والاجارات والطريق والمتاعب الاخرى مثل البعد عن الاولاد والاهل و....................

وياليت الي يدخل على هالموضوع أن نرى رأيه؟؟

ونتمنا للجميع التوفيق

[شانزليزيه]

ياخوان دقيقه معاي بس

في اولويات واساسيات نبيها بعدين نفكر بها الموضوع

شلون تبونها تفتح لكم فروع وهي المفردات حقت المواد ما تحدثت من فتره

واكبر دليل مهارات التفكير الترم الي طاف يقولك كل الكتاب والدكتور ينزل بموقعه الخاص ويقول في محذوف ويعطيك محذوف .. ((طيب ليش ماتحدثونها))

وزيها مهارات الاتصال

الانجليزي يحذفو للبنات ومايحذفو للشباب!!!

ليش؟

وش فيهم زود عنا مع اننا بنفس المستوى معاهم؟؟؟؟؟

تعال شوف الجداول متى تنزل؟

وشوف ترتيب الجدول كيف!!!

تعال شوف مده الاختبارات كيف؟!

انا لست ضد الجامعه والله

واقسم بالله اني معدلي عالي

لكن هناك اووووولويات

يعني ماراح يسمعونك لمن تقترح هالاقتراح

لكن لمن تقترح تعديل الاوضاع ممكن تنبلع

اذكركم بشي

لمن تبيهم يسوون لك مباني بكل منطقه

تدري هذا اش معناته؟؟؟

مباني حسب الانظمه والقوانين و موظفين و مراقبين ووووو الين بكره وووووو

ياحبيبي اذا مراقبين بالجامعه بجده ماحصلو مراقبين زي العالم

واقسم بالله باختبار الاحصاء واحد رجني وصجني وهو يتكلم مع الي جمبه ويدقني ويناديني ويقول غششوني

والمراقب شافه 20 الف مره ويقوله ترى بشل ورقتك ترى بشيل ورقتك ويقوله باسلوب مااااايع

خليهم يعدلون مراقبينهم اول بعدين قولو مباني

على العموم يبقى هذا راي

دمتم بود

[ابوميان999]

الاخ شانزلزيه صراحه انا مافهمت وش تقول، ومن طريقة اسلوبك احسك من النوع اللي صعب التعامل معه انا طرحت اقتراح ياريت ترد عليه وماتشتت تفكيرك وتفكيري
وشكرا

[شانزليزيه]

يصعب التعامل معه وتبي مباني بالرياض

خخخخخخخخخخخخخخخخخخخخخخخخخخخخخخخ

ابشر بالخير طال عمرك

[نوفا2009]

هههههههههههههههههههههههههههههههههههههههههههههههههه هههههههههههههههههههههههههههههههههه

يصعب التعامل يا هي قويه


الكلام واضح وهو إن فيه أشياء اهم من إن الجامعة تسوي مباني خاصه بالاختبارات
والله لو إنها جامعة اكسفورد تسوي لنا مباني في المناطق

<<< بدت تحس انه يصعب التعامل معها

هههههههههههههههههههههههههههههههههههههههه



مشكووووووووور يا أبو ميان كلنا نطالب الجامعه بإختبار المناطق عادي زي السنه هذي يستأجرون لهم مكان و يجمعونا فيه أما إنهم يسوون مباني فأحس هالشيء مستحيل

[سـsamiـامي]

أخوي شانزليزيه صدقت والله يحذفون للطالبات ولا يحذفون لنا .. ما هو حسد بالعكس الله يوفقهم بس حنا نبي يسوون لنا مثل الطالبات يعني مثلاً بالأنجلزي تحصل محذوف عنهم لا يقل عن نصف كتاب الريدنق ومحذوف بالمقرمر أكثر من وحده والطلاب يذاكرون الكتابين كاملات وبدورات السنترا يقول المحاضر ما فيه شي محذوف وكل الكتابين معكم ....هذي أسمها تفرقه

لاكن وش بيديننا نسوي ... (أذا كان خصمك القاضي فمن تقاضي)

[][_ غــــــيــــــر _ ][]

السلام عليكم ورحمة الله وبركاته ..

بداية الله يعطيك العافية على موضوعك..سـيـتـم نــقـــله لـلـ قــســم _بشكل تلقائي_
المخصص للحوارات الجامعية ( مـلـتـقـى الحوار الجامعي ).
.. دمــــــــــ ـ ت بــــــــــــــــود..