ماعرفنا نرضيكم

[noona]

السلام عليكم

كيفكم بنات إن شاء الله طيبين
اليوم جايه وماني جايبه معي اسئلة .. كالعاده .. هههههههههههههههههههههه
اليوم جايه احكيلكم معاناتي مع الناااااااس وكلام النااااااااااس

وابغى منكم بس تقولولي ايش رايكم يعني باللله انا ايش اسوي

بسم الله نبدا
اول شي انا بنت زي اي بنت تخرجت من الثانويه (علمي) وقدمت في مجالات وجامعات واقسام طبيه وغير طبيه ورحت مقابلات واختبارات للييييييل بس في النهايه ماانقبلت الا في جامعه الملك عبد العزيز وانتساب كمان وفي كلية الاداب دخلنا ورضينا بالواقع

هنا البدايه دخلت انتساب وسمعت من الناس كلام اشكال والوان من قريباتي وصاحباتي انو انتساب حيكون صعب وماحتقدري تكملي خاصه بعد ماتتخصصي لازم تحضري محاضرات عشان تقدري تكملي

وقلنا يمكن صح معاهم حق لازم اشد حيلي واحول انتظام
والحمد لله جبت معدل عالي وحولوني انتظام

حولت انتظام وبرضووو كانت تعليقات الجماعه اللي حولي والله انتي غلطانه يوم حولتي لو كملتي انتساب احسن لك مرتاحه في بيتك ويساعدوا في الاختبارويعطوا ملخصات
المهم قلت خليني اجرب الانتظام واشوف
وبعدها جينا في وقت تحديد التخصص قصدي وقت المعاناه من جدددددد
طبعا التخصص اللي كنت احلم فيه من زمان (الانقلش) مادخلوني فيه بحجه انه مليان مع انه معدلي الحمدلله يدخلني التخصص اللي ابغاه قلنا طيب مافي غيره قالو ماعندك الا لغة فرنسيه او دراسات اسلاميه هذولا اللي فاضيه بس
ودخلت لغة فرنسيه بعد مااستخرت وفكرت وترددت كثييييييييير
درست شهرين وكانت صارحه دراسته حلوة ومممتعه وكنت مرتاحه فيه
ولكن سمعت كلام يحطم اللي مايتحطم
هذا تخصص ماله اي مستقبل وظيفي واصلا انتي ماراح تستفدي شي وماله مجالات ومع مرور الوقت راح تنسي اللغة كلها
تحطمت تحطيم مووووووو طبيعي وحسيت ان مجهودي كله راح على الفاضي ولما زادت الضغوط والتعليقات عليا
رحت وحذفت الترم وحولت لكلية الاقتصاد المنزلي طبعا استخرت وارتحت

وهذي نهايتي هنا بس للحين اسمع كلام كثير ناس يقولو في احد يحول من فرنسي لاقتصاد منزلي
مره وحده وعلى كلامهم انه كلية الاقتصاد دراستها تافهه وللفاشين واللي يبغوا شهادة وبس معليش والله
بس هذا الكلام اللي اسمعه مع اني عارفه ان كلامهم غلط بس انا اليوم اتاكدت من حاجه وحده انه مستحيل احد يرضي الناس ,,

والي قال (رضا الناس غاية لاتدرك ) صاااااااااااااااادق مليون في الميه صح ولا
انتو ايش رايكم ؟؟

هههههههههههههههههههههه
هذي معاناتي حبيت اغير لكم شويه من جو الجداول والدراسه والاسئله والاستاذات وجبتلكم قصتي اللي ماادري ايش نهايتها هههههههههههههههههه
الله يعين الجميع ,,

[أطمح للماجستير]

ههههههههههههههههههههه
هههههههههههههههههههههه


ياعيوني أولا الله يوفقك وييسر امرك ان شاء الله .. وحكمتي بالحياه من راقب الناس مات هماً
وما شاء الله عليك بمرورك ع الفرنسي وحبك للإنجليزي هذا ثقافه ومستوى فكري لنفسك ما شاء الله تحسدين عليها ولو خبره بسيطه .. وبالإستقرارك بالإقتصاد صدقيني ماتندمين التخصص حلو دخلته ومو رغبتي وكنت ابغى انجليزي لكن قالوا الإنجليزي الأولويه للأدبي ..

تخصص الإقتصاد تقريبا تخصص جديد نوعا ما والناس ما دخلت فيه زين وعرفته .. يعني انا ألحين بجمعاتنا وقعداتنا يسألون امي وش تخصص بنتك تقول لهم اقتصاد يقولون الله يعينك < يعني طلبتهم يدفعون مصاريفي ولا اشتكيت لهم ..

التخصص رووعه مره وحلو وممتع وللمعلوميه ألحين صار مقصور على العلمي فقط في بعض المناطق وصار ينافس الأقسام العلميه حتى والنسب المطلوبه فيه عاليه جدا .. عندنا السنه هذي موقفين على 91 %

انا تخصصي اقتصاد عام يعني ادرس كل مواد التخصص في الإقتصاد وكلها روعه بمعنى الكلمه .. والمواد العلميه فيه أروع وأروع وان شاء الله تنبسطين فيه ويعجبك ..

وبالنسبه للتكاليف انا بعد قبل اسجل وادخله قالوا لي صييييييييحه لا تدخليه هذا ع الأقل 10000 الالاف في السنه ومكلف وتعب ..

دخلته وكلي تحطيم .. مشيت وهذا انا يآخر سنه ولو أحسب اللي دفعته ما يتعدى 2000 ويمكن أقل بالسنين اللي راحت وفي سبيل العلم والمعرفه مافيه شيء خسارة .. القسم يعتمد ع التعاون والتكاتف وبتشوفين يعني مو كل وحده مستقله بأغراضها أو الطلبات من الألوان وأدوات .. لا كل شيء بمجموعات واتفاقات وحلو لما يكون معك صاحبات تعتمدين عليهم ..

الله يوفقك وييسر امورك يارب ..
وخذيها مني لاتشكين ابكي

[noona]

تسلمين حبيبتي على مرورك

ومن جد والله من راقب الناس مات هما

احسن شي الواحد يسوي اللي يريحه واهم شي يكون صح ومافيه اي شي غلط

يعني مالنا ومال كلام الناس المشكله الواحد مايعطيك رايه وبس
الا يجلس يحطم فيك الين تحسين انك مسويه مصيبه وغلط كبير

إن شاء الله بس اكمل دراستي واتخرج على خير
مع اني مااظن اني بكمل لو جلست كل يوم اتنقل ورى كلام الناس

ههههههههههههههههههههههههههه

[دمعة حزينه]

اذا سمعتي كلام الناس ماراح تمشي فحياتك حبيبتي انتي بس لسمعي الكلام وطنشي

وربنا يوفقك وترتاحي فكليتنا...

[ساكنه في بيتنا]

اول شي .. وعليكم السلام ورحمه الله بركاته


تاني شي .. غلطت حياتك انك تسمعي لكلام الناس ..

يا قلبي دام انك حابه شي معين حاربي كل الناس و اتحديهم و اوصليله و صدقيني هما بنفسهم راح يشجعوكي لمن يشوفوا انت وصلتي ل ايه

انا اقلك لمن دخلك اقتصاد منزلي ايش قالولي و لما اخترت تخصصي كمان ايش سمعات و الين تحين باسمع و كاني في حرب مع الناس و الله كل شويه اقعد افهم الناس يا جماعهو يا خلق الاقتصاد المنزلي مو طبخ و غسيل وكي زي ما انتو فاهمين .. يا عباد الله الطفوله مو نهايتها معلمه رياض اطفال .. يا بشر الاقتصاد المنزلي مو للفشله ,, و النسب فيه عاليه و الله العظيم اعرف بنت علمي و نسبتها 99 و داخله اقتصاد منزلي


الموضوع و كل ما فيه نظره مجتمع

بما انك دخلتي قسمنا الحبيب سار مسؤوليتك انت كمان تغيري نظره المجتمع ..

في حكايه مره حلوه سمعتها عن مجموعه من الفئران تبغا تطلع الجبل او شي كدا و الله مني فاكره المهم انها كانت مقرره تسوي شي صعب انو الفئران تسويها

فبدأ السباق و كل شويه الفئران تسمع كلام و اللي يوقف و اللي يتحطم و اللي مدري ايش المهم في النهايه ما بقي غير واحد فار هو اللي وصل لقمه الجبل وفاز تعرفي ليش ؟؟؟؟؟؟


لانو كان ما يسمع .. كان اصم ,,

فانتي كوني زيو صماااااااء .. و اسي لمبتغااااكي واتوكلي على ربك وما عليكي من احد


ولا تنسي كلام الرسول صلى الله عليه و سلم .. تفائلوا بالخير تجدوه ..