الف شكر للدكتور خالد سيد ( تمويل صحي )

[الحربي 999]

الف شكر لك يادكتوراحمد السيد على هذه الاسئله الحمد لله كانت سهله
وكان الدكتور في قمة الاخلاق والطيبه بدا بمقدمه قبل الامتحان
تدل على طيب قلبة وكرم اخلاقه وتعاونه مع ابنائة الطلاب
الـــــف شـــكر لــك يادكــتـــور
لا انسى احب اشكر الجندي المجهول الاخ فهد ( مستشفى)
على دعمه اللوجستي اقولة بيض الله وجهك

[Tallness man]

والله الشكر الاول والاخير للاخ فهد الله يسعده و يجزاه الجنه


صراحة الدكتور كان قمة بالاخلاق و يمثال الشخصية الجامعية الحقه.

الحمد لله وخلاصنا الترم الحال ولله الحمد

[zakaria_asere]

لله الحمد اولا واخرا والدكتور رائع وكلامه منطقي الله يكثر من امثاله
والشكر موصول للاخ فهد (مستشفى) بيض الله وجهه

[alraga]

طيب يازكريا اول طالب مخلص في القاعه ... اوريك شغلك ...

الاخ مستشفى مالك حق الاسئلة ولا سؤال الا ماجا .. لكن معروفك عندي

برضه فيه طلاب معاهم الاسئلة داخل القاعه الله يسعدهم ..

[غريب03]

الحمدلله رب العالمين
ياريت كل الاساتذه زي الدكتور سيد

والشكر موصول للأخوان مساعد ... ومستشفى .. ومشرفنا زكريا

وكل من ساهم في المساعدة أو التنوير أو بوضع رابط لدلالة بطريقه لحل وفهم الماده

[عبـدالعزيز]

الدكتور عسل وطيب وسكررره

ومن عندي كلكم 75 ههههههههه

موفقين شباب

[ABO YARA]

الا هو قال الاختيارات عليها ٦٠

[مستشفى]

بشروا ياشباب
هي نفس اللي نزلتها ولا فيها اختلاف

[الحربي 999]

المشاركة الأصلية كتبت بواسطة مستشفى بشروا ياشباب هي نفس اللي نزلتها ولا فيها اختلاف

تبشر بالجنه ان شاء الله اخوي فهد الله يعطيك العافية يابو مقبل ياذيب
الله يوفقك ويرزقك ويستر عليك قسم بالله كل دائره بدعوة مني لك
نفس الاسئلة لدرجة النظري ماخذ من دقيقتين الحمدلله
وطفشت واحد على الة الحاسبة تخيل شيكت على الالة قبل ما ادخل
وكانت اوكي وجيت بحل المسائل واطالع ياهو تكفين ياالة مافيش امل تشتغل

[عادل515]

الف شكر لدكتور اللهم اجعلها في موازين حسناته
وبصراحه او ماقال لنا كلكم راح تعدون وانا بساعد
ارتحت نفسيا وحليت ولله الحمد

والشكر الثاني لاخونا مستشفى
على جهوده معنا ربي يوفقك يافهد دنيا واخرة ويرزقك بماتتمناة وتريدة
ويعجز التعبير لشكرك بصراحه يافهد


واشكر جميع الطلاب على تعاونهم معنا في هذاا المنتدى