نصائح متفرقة عن السنة التحضيـريــة

[m.sh]

السلام عليكم //

كثير مواضيع وضعت من قبل دفعة 13 عن مواد التحضيري وكيف تتجاوزها بأحسن الدرجات وأفضل الملخصات و .. الخ
فـ عشـان كذا قلت موضوع راح يكون عن نصائح ممكن انها ما ذكرت في المواضيع السابقة ، وبعضها مثل التفاصيل الصغيرة اللي ممكن تفرق معاك .

- السنة التحضيرية أسهل سنة مرت عليه ، موادها قليلة ، دروسها سهلة وهذا الشيء بالذات اللي يخلي هذي السنة سهلة ، وأقدر أجزم أنكم درستم مع مناهجكم المطورة دروس أصعب من اللي في التحضيري .

- راح تشوفوا في أول أسبوعين إلى أربعة أن الطلاب متحمسين ويكتبوا كل شيء مع الدكتور والمشكلة أن أول الشباتر كأنها دروس المتوسط ،، لدرجة أني حسيت نفسي ما راح أعدي مع هذي الدفعة الدافورة ، 70 طالب في القاعة ، الكل شغال يكتب ويبغا يفهم ، لكن بعضهم طفش من الكتابة ، والبعض يا انه يفهم أو يكتب ، والبعض - زي حالتي - ما صار يكتب كل شيء في السبورة .. وهذي النقطة مهمة صراحة ، فيه أشياء كثير تكتبها وهي موجودة نصًا في الكتاب فما يحتاج تضيع وقت ، لذلك تحضير الدرس قبل المحاضرة مهم ،، هي فقط اذا أمثلة كانت خارجة عن الكتاب أو كلام من الدكتور نفسه أو في السبورة تشوفه مهم اكتبه .

- اختبارات الدوري الأول ، إيـاكم ثم إيـاكم تضيعوا أي درجة فيها ، مش درجة أو اثنين .. لا ، ولا درجة لأنه المادة العلمية - الشباتر - الداخلة في الاختبار بسيطة وسهلة ، واذا تسألوني ليش أنا ضيعت درجات في الدوري الأولي :
1 - تأخرت نصف ساعة عن اختبار الرياضيات وبقي على الوقت ساعة فقط ، لذلك تعالوا قبل الوقت المحدد لكم من الجامعة بثلث ساعة .
2- ما كنت أعرف عن موضوع الاختبارات القديمة ، وهي بجد جدا جدا جدا مهمة اللي ما يذاكرها مستحيل يأخذ درجة كاملة ، وخصوصا في الفيزياء ، وذاكروا منها قد ما تقدروا وفرغوا لها يوم لحاله .
3- ما كنت أعرف أفضل الملخصات .
طبعا هذي الأخطاء وغيرها كانت في الترم الأول و خصوصا عند اختبارات الدوري الأول ، وما جاء الترم الثاني إلا وأنا عارف أخطائي وعارف كل شيء تقريبا عن الجامعة وعن السنة التحضيرية ، لذلك من الآن لازم تعرفوا كل شيء ولا تقعوا في أخطاء من سبقكم .. لأنه المواد سهلة والمنافسة عــالية والمقاعد محدودة .

- السحبة على المحاضرات ،، ما كنت أسحب على أي محاضرة والأفضل أنكم ما تسحبوا لأنه ممكن على الأقل تعرف معلومة راح تستفيد منها لاحقا فضلا عن دروس راح تستفيد منها .. لكن مثلا جات أوقات في محاضرة الرياضيات ما كنت أفهم مع الدكتور وحسيت أن وجودي ماله فايدة فـ لو سحبت ما كان حيضرني وقتها وكنت لما أرجع أتابع فيديوهات زويل واللي أحسن وأسهل من شرح الدكتور بمراحل .

- تعرفوا على الناس من حولكم وكونوا صداقات ، حاولوا ما أحد يكونوا لحاله خصوصا أوقات البريك وما بين المحاضرات لأنه الواحد لحاله يحس بمــلــل .

- التحضيري صعوبتها تكمن في المدة ( الطويـلة ) لمحاضرات الانجليزي لذلك تحس بملل ونــــوم .

- في اختبار الرايتنق ( الكتابة ) والسبيكنق ( التحدث ) لا تعتمد أبدا على خبرتك في الانجليزي ، وحاول تتمرس وتتدرب .

- كنت اذا شعرت بالملل من الدراسة أو أخطأت في الاختبارات ، أروح عند مبنى كليـة الطب وأتذكر أنه التعب والمجهود هذا كله إما يتوج بقبولي في هذه الكلية أو يذهب هباءً منثورا فكان هذا يعطيني حافــز أني أصبر وأواصل بقـوة ،، والحمدللــه .

هذا اللي يحضرني ، واذا فيه أشياء أخرى راح أذكرها . . .

وأي أحد عنده ســؤال يتفضل //

[Dr.Merve]

شكرأ جزيلاً على النصائح
الله يجزاك خير

[القمر123]

جزاآكككك الله خير ي اخوي تسلمم عالنصاآيح المفيده :)

[m.sh]

العفو ، شاكر لكم المرور

[BashX]

* نصائح تزبيدية * هذا الي نحتاجه
يعطيك العافيه

[ĴusŦĪce ♣]

نصائح قيمه والجميل ما يتخللها ثرثرة او تخويف

جُزيت العافيه والخير

[njwd al3tiby]

مرة شكككرا
جزاك الله خير يا خيوووو

[Zee_FH]

المشاركة الأصلية كتبت بواسطة m.sh السلام عليكم // كثير مواضيع وضعت من قبل دفعة 13 عن مواد التحضيري وكيف تتجاوزها بأحسن الدرجات وأفضل الملخصات و .. الخ فـ عشـان كذا قلت موضوع راح يكون عن نصائح ممكن انها ما ذكرت في المواضيع السابقة ، وبعضها مثل التفاصيل الصغيرة اللي ممكن تفرق معاك . - السنة التحضيرية أسهل سنة مرت عليه ، موادها قليلة ، دروسها سهلة وهذا الشيء بالذات اللي يخلي هذي السنة سهلة ، وأقدر أجزم أنكم درستم مع مناهجكم المطورة دروس أصعب من اللي في التحضيري . - راح تشوفوا في أول أسبوعين إلى أربعة أن الطلاب متحمسين ويكتبوا كل شيء مع الدكتور والمشكلة أن أول الشباتر كأنها دروس المتوسط ،، لدرجة أني حسيت نفسي ما راح أعدي مع هذي الدفعة الدافورة ، 70 طالب في القاعة ، الكل شغال يكتب ويبغا يفهم ، لكن بعضهم طفش من الكتابة ، والبعض يا انه يفهم أو يكتب ، والبعض - زي حالتي - ما صار يكتب كل شيء في السبورة .. وهذي النقطة مهمة صراحة ، فيه أشياء كثير تكتبها وهي موجودة نصًا في الكتاب فما يحتاج تضيع وقت ، لذلك تحضير الدرس قبل المحاضرة مهم ،، هي فقط اذا أمثلة كانت خارجة عن الكتاب أو كلام من الدكتور نفسه أو في السبورة تشوفه مهم اكتبه . - اختبارات الدوري الأول ، إيـاكم ثم إيـاكم تضيعوا أي درجة فيها ، مش درجة أو اثنين .. لا ، ولا درجة لأنه المادة العلمية - الشباتر - الداخلة في الاختبار بسيطة وسهلة ، واذا تسألوني ليش أنا ضيعت درجات في الدوري الأولي : 1 - تأخرت نصف ساعة عن اختبار الرياضيات وبقي على الوقت ساعة فقط ، لذلك تعالوا قبل الوقت المحدد لكم من الجامعة بثلث ساعة . 2- ما كنت أعرف عن موضوع الاختبارات القديمة ، وهي بجد جدا جدا جدا مهمة اللي ما يذاكرها مستحيل يأخذ درجة كاملة ، وخصوصا في الفيزياء ، وذاكروا منها قد ما تقدروا وفرغوا لها يوم لحاله . 3- ما كنت أعرف أفضل الملخصات . طبعا هذي الأخطاء وغيرها كانت في الترم الأول و خصوصا عند اختبارات الدوري الأول ، وما جاء الترم الثاني إلا وأنا عارف أخطائي وعارف كل شيء تقريبا عن الجامعة وعن السنة التحضيرية ، لذلك من الآن لازم تعرفوا كل شيء ولا تقعوا في أخطاء من سبقكم .. لأنه المواد سهلة والمنافسة عــالية والمقاعد محدودة . - السحبة على المحاضرات ،، ما كنت أسحب على أي محاضرة والأفضل أنكم ما تسحبوا لأنه ممكن على الأقل تعرف معلومة راح تستفيد منها لاحقا فضلا عن دروس راح تستفيد منها .. لكن مثلا جات أوقات في محاضرة الرياضيات ما كنت أفهم مع الدكتور وحسيت أن وجودي ماله فايدة فـ لو سحبت ما كان حيضرني وقتها وكنت لما أرجع أتابع فيديوهات زويل واللي أحسن وأسهل من شرح الدكتور بمراحل . - تعرفوا على الناس من حولكم وكونوا صداقات ، حاولوا ما أحد يكونوا لحاله خصوصا أوقات البريك وما بين المحاضرات لأنه الواحد لحاله يحس بمــلــل . - التحضيري صعوبتها تكمن في المدة ( الطويـلة ) لمحاضرات الانجليزي لذلك تحس بملل ونــــوم . - في اختبار الرايتنق ( الكتابة ) والسبيكنق ( التحدث ) لا تعتمد أبدا على خبرتك في الانجليزي ، وحاول تتمرس وتتدرب . - كنت اذا شعرت بالملل من الدراسة أو أخطأت في الاختبارات ، أروح عند مبنى كليـة الطب وأتذكر أنه التعب والمجهود هذا كله إما يتوج بقبولي في هذه الكلية أو يذهب هباءً منثورا فكان هذا يعطيني حافــز أني أصبر وأواصل بقـوة ،، والحمدللــه . هذا اللي يحضرني ، واذا فيه أشياء أخرى راح أذكرها . . . وأي أحد عنده ســؤال يتفضل //

أخوي ممكن تقلي تجاربك مع المواد العلمية :( الرياضيات و الفيزياء و الاحياء و الاحصاء و الكيمياء و الحاسب ) ما عليك امر

[ranumg]

صؤاحتا نصائح من ذهب مرررة شكرررا الله يسهل امرك ويستعدك فكل صعب زي ماساعدتنا

[رقيقة]

ممكن تقول كل ماده من فين تذكرها واسماء الملخصات المهمه و النماذج الاختبارات من فين اجيبها وشكرا يعطيك العافيه