دفعه 12 , مابين الحقيقه والخيال !

[dr.ro0ody]

المشاركة الأصلية كتبت بواسطة thamer070 قاهر رجاء عدل من اسلوبك لما تتناقش معا غيرك وانا سؤالي واضح وين الظلم؟ خليني الخص لك موضوعك: 1:ارتفاع نسبه القبول وعدم قبول الكثير من طلاب الثانوي: حبيبي الجامعه تخصص مقاعد محدده بعد كذا يصير عليها منافسه وعلى فكره احنا اكثر جامعه بالسعوديه تستقبل طلاب. 2:السنه التحضيريه (بالانجليزيه) يعني ياحضرتك انت تبي تدرس الكيميا والرياضيات بالعربي؟ مثلا يعني تدرسهم بالعربي وبعدين تدخل الهندسه تلاقيهم بالانجليزي ولا كيف بالضبط وضح لي التخصصات العلميه جميعها بالانجليزي وانت تدخل التحضيري عشان تتأهل لها مو يدرسونك شكل ولما تتخصص تشوف شي ثاني. 3:البونص , مقارنه بدفعه 11: انت هنا جبت مصيبتين معا بعض المصيبه الاولى : انا تقابلت معا عميد كليه العلوم ولما سألناه عن البونص قال عيب هذا الكلام المفروض الطالب مايكون طموحه بونص البونص اذا جاك كان بها اذا ماجاك لاتطالب فيه لاانه مو من حقوقك. المصيبه الثانيه:المقارنه بيننا وبين دفعه 11 يااخ العرب دفعه 11 اللي تتكلم عنهم شي واحنا شي ثاني لو دفعه 11 كلهم خمسات واحنا كلنا تحت الاربعه ماراح يجون يزاحمونا بمقاعدنا بمعنا اصح التسكين خاص فينا احنا فمالنا علاقه بالدفعات الماضيه نهائيا. 4:التسكين وارتفاع الدرجات المطلوبه:شوف حبيبي الحين الهندسه فيها 200 مقعد الجامعه مو من راسها تروح تحط اقل نسبه دخول للكليه افضل 200 طالب حاطين الهندسه رغبه اولى راح يكون لهم الاولويه فيعني لو كان عدد الدوافير مره كبيره لاتستبعد الهندسه تقفل على 97 ليه لا بالنسبه لفرع رابغ من اول السنه احنا متوقعين انفصاله وفي حاجه حلوه قالها لي عميد كليه الهندسه لما سألته عن الفروق بين القسم الرئيسي والشمال قال احنا سوينا فرع عسفان عشان الناس اللي ساكنين في عسفان عشان مايدقون مشوار تروحون انتوا داخلينها؟! كلامه ينطبق على رابغ ناقشني بكلامي خليني استفيد منك ممكن تغير رأيي ليه لا

+1000000000000000000


صح بالنسبه للدراسه انجلش من زماااااااااان معروف التحضيري كدا من قبلنا ب 3 سنين !!!
واكيد راح تدرس انجلش عشان تتأهل للتخصص دحين مافي شي عربي دخلت طب او هندسه او حاسب او ادارة او حتى دخلت كليه العلوم كمان التخصصات كلها انجلش للعلمي

يعني مو معقول يااخويا تدرس كيمياء واحصاء وماث وفيزكس عربي !!! وتدخل طب وينقلب كل شي انجلش !!!
وازا انت بصراحه مو مأهل تكمل دراستك بالانجلش او شايفها صعبه عليك او تعجيزيه انا افضل انك تدخل اعلام او تربيه خاصه لانوا تقريبا هادي التخصصين بس اللي متاحه للعلمي وتكون دراستها عربي


وبالنسبه للمقارنات بيننا وبين دفعه 11 والبونس والتست بانك
اول حاجه بتكلم عن الاحياء والتست بانك ... الناس اللي تبغا تدخل طب وتحفظ تست بانك وتربط سؤال بجواب ولاعارفه ايش الحكايه .. هادي كيف تدخل طب او تخصص طبي او حتى اصلا كيف تدخل تخصص احياء او كيميياء حيوي !!!!!!!!!!!!!!!
وللاسف كنت اشوف يااخويا والله السمستر اللي فات الكل يقول طب وطب وطب ومو قادرين يحفظوا سلايدات !!!!! وكمان طبعا منهج الاحياء حقنا ماايقارن بالطب ولا 5% وفوق هادا اسئله سهله جدا تاااااااااااااااااااافهه وكمان الجزء اللي نختبر فيه خلاص ننساه !!!
وتشوف الدرجات 75 و85 !!!! طيب انتي كيف تبغي تدخلي طب؟؟؟
فانا بشوف مع حذف التست بانك لنا عشان الطلاب يكونوا على علم باللي راح يقابلوه في المستقبل وماينصدموا
وعاادي ازا انا متلا كان حلمي طب ومااقدرت امشي في الاحياء اكيد راح اغير نظرتي عن اي تخصص طبي وراح اقدر اختار التخصص من خلال السنه التحضيريه
لاكن ازا بدرس تحضيري عربي واجيب معدل 5 من 5 وادخل طب واشوف 9 مواد في السمستر مع معاملها وكميات هائله اكيييد وقتها راح انصدم !!!!!!

عشان كدا بشوف السنه التحضيريه تعتبر تمهيد للطالب وبدايه اساسيه لكل طالب جامعي

وبالنسبه للبونس ومقارنتا بدفعه 11 ماازيد على كلام الاعضاء اللي فوق
نحن مالنا دخل بدفعه 11 حتى لو اعطوهم 30 درجه بونس .. وهادا الشي مايعتبر ظلم لانوا ماراح ينافسونا متلا على المقاعد او راح ياكلوا حقنا !!!!!

الظلم اللي من جد ازا اعطوا نص الطلاب بونس ونص الطلاب مااعطوهم من نفس الدفعه !
هنا لك حق تقول ظلم

طيب وايش الفايده متلا انت كانت درجتك 85 واعطوك 10 بونس سرت 95 ___ وواحد تاني جايب 90 واعطوه 10 بونس وصار 100

طيب ايش الفايده كلكم الاتنين ارتفعتوا في الدرجه وكدا بالعكس راح ترتفع نسبه القبول اكتر واكتر


وبالنسبه لفروع رابغ انا بصراحه معاك فيها ___ بشوف والله ظلم يقفلوها عشان الضغط يخف على باقي الكليات

على العموم هادا رأيي الشخصي واتمنى انك تعيد النظر في كلامك
الله يوفقك ويكتب لك اللي فيه الخير