احتاج نصائحكم يا طلاب وطالبات الطب [ عنوان مبهم ]

[محمد عماد]

اختي ..
شيء طبيعي انو بداية دراستك في الجامعة درجاتك تكون منخفضة نوعا ما
لانها هذي مرحلة جديدة غير الي كنتم عليها في الثانوي
هذا مو معناه انك " فاشلة " او شيء زي كذا .. لا ابدا
كلنا كنا زيكم واتحسنت درجاتنا في الدوري الثاني
وانتم كمان ان شاء الله في الدوري الثاني راح تتحسن درجاتكم بشكل واااضح

بس انتي لازم تعرفي ايش الأخطاء الي ارتكبتيها واثرت على درجاتك
هل كان عندك جدول للمذاكرة ؟؟
هل كنتي تذاكري اول بأول ولا تراكمي الدروس وما تذاكري الا يوم الإختبار ؟؟

اياً كانت اخطائك .. لازم تعرفيها وتستفيدي منها

وفي هذي الإجازة حاولي تذاكري الشباتر الي ما دخلت معاكم في الدوري الأول
وتراجعي الي اختبرتوا فيه

مو معقولة كل الاجازة بتقضيها لعب !!
على الأقل حتى لو مادة واحدة تذاكريها

حاليا انسي الي فات .. وفكري في الي جاي

والله يوفقك وان شاء الله نشوفك السنة الجاية في كلية الطب


بالنسبة لسؤالك الثاني ::
القبول في الطب يعتمد على النسبة الخاصة ثم العامة
النسبة الخاصة = متوسط مجموع المواد ( كيم ، بيو ، فيزيكس ، انجلش 4 مستويات ) يكون اعلى من 85
النسبة العامة = تختلف من سنة لسنة .. وتعتمد بشكل رئيسي على " شطارة " الدفعة

اذا ما وضحت لك الصورة راجعي المواضيع المثبتة حتلاقي كل شيء بالتفصيل

موفقة ..~

[Dr.Passed]

لمن الدكتور محمد قال كتبتلك رد " طويييل" قلت في مخي مستحييييل أطول مني ما شالله ^_^
جزاك الله خير دكتور

وزي ماقلك مزاكره اخر دقيقه ما تنفع لازم تعمليلك جدول..حاولي ما ترجعي الا وانتي فاهمه كل حاجه
وبالنسبه للانجليزي لاتشيلي همو إن شاء الله حاساعدك في قدر امكاني واقلك المهم

[محمد عماد]

المشاركة الأصلية كتبت بواسطة dr.passed لمن الدكتور محمد قال كتبتلك رد " طويييل" قلت في مخي مستحييييل أطول مني ما شالله ^_^ جزاك الله خير دكتور وزي ماقلك مزاكره اخر دقيقه ما تنفع لازم تعمليلك جدول..حاولي ما ترجعي الا وانتي فاهمه كل حاجه وبالنسبه للانجليزي لاتشيلي همو إن شاء الله حاساعدك في قدر امكاني واقلك المهم

ههههههههه
لا والله الرد كان اطول من كذا
بس هذا الي اتذكرته من امس

وما شاء الله انتي مافي احد يطرحك في الكتابة << امزح

العفو .. وياك :)

بالتوفيق

[الحمد الله على كل حال]

يارب ندخل طب اسنان

ما اقدر اتخيل شكلي بقسم ثاني
انا تعلمت من اني اكون بارده وهاديه لاني هالايام بدت فيني حماس التحضيري والقلق
بس ياليت لو تخبرينا ايش الاشياء المهمه في النجليزي
انا بعد الاجازه بدخل المستوى الثاني


وبنسبه بالرد وينحذف نصيحه قبل ما تضيف الرد تحديد نسخ عشان لو انحذف
لصق وارسال

[Dr.Passed]

حبيبتي انا عشان ما اخدت الا 4 في الجامعه فا ما اعرف ايش الكتب كلها فيها
يعني حتى 4 ما اتزكر اني حتى اتصفحتو بس اعرف اسئله هيدواي كيف يحطوها

فا انا قلتلها اي شي يوقف معاها...تباني اقلها الاسئله كيف او مو فاهمه شي ممكن تكلمني تسألني او اشرحلها النقاط

فا ازا في اي شي واقف معاكي ممكن ترسليلي هوا او اديكي رقمي تكلميني برضو مو مشكله
او ممكن ترسليلي في المنتدى او الايميل براحتك

وترى منهج الجامعه مره سهل..صح اسإلتهم ما تعرفي كيف بس الانجليزي بالزات ( ترا مايعرفو يحطو اسإله صعبه) ما اعرف ليه مع انو انتي ماشفتي اسإله هيد واي من جد كيف

...اسئله الجامعه مره بسيطه يعني لاتشيلي هم وازا احتجتي شي اسأليني اساعدك برضو
والله يوفقكم ويعدي التحضيريه بسرعه خفيفه ظريفه وعلى خير

[ساعتي خربانه]

جزاكممم الله الف خير والله يوفقكم ويوفقني واإاإاإه يالتحضرية

[ساعتي خربانه]

انا زي ماقلت لك ياقلي موماخدا همو غير التعبير واللسنينق. .... لمن يحطو شريط يتكلم وسال مرا مر مافهم

اله يوفقك ويوفق كل بنات الطب والتحضريا ونحقق لوجزء من امانينا ا