اي طالبه درست ماده الاحياء 202

[جيزان]

امس استخرت للمرة الاخيرة وارتحت اكثر للأحياء .. وانشاءالله يكون خيرة ليا يااارب
مع اني كنت جدا محتارة بينه وبين الفيزياء
وطبعا كتبت الفيزياء 2 رغبه
المهم بما انه خلاص كل شي انتهى وعبيت الرغبات وخلاص حاابه اسألكم كم سؤال بخصوص ماده الاحياء 202

1_ من فين كنتوا تذاكروا احياء 202 من الكتب او السلايدات ؟؟ وماهي الطريقه المفضله للحفظ والاضمن ؟

2_ المنهج كلله انقلش او نص ونص يعني فيه عربي ؟

3_ كيف الاسئله مقالي او اختياري ؟ سهله او صعبه ؟ هل الاسئله موحده لكل طالبات التخصص ؟

4_اذا كنتوا تذاكروا من السلايدات تجي الاسئله يعني اقصد الكلام نفسه الي بالسلايدات ؟

5_ واذا كنتوا تذاكروا من الكتاب يعني كيف تذاكروا الدكتروة تأشر معاكم ؟ ولاتجلس تبربر وانتوا تأشروا الي تقوله ؟

6_ وكيف معمل الماده سهل او صعب ؟ ومااهي الدروس ؟

7 _وكيف اختبارات معمل الماده نفسها يعني الاسئله كيف ؟ اعطوني مثال

8 _وكمان الاستاذات تبع الماده الاحياء 202 كيف تعاملهم كلهم تماام ؟ ولا فيه الزين والشين ؟وفيه استاذات ينقصوا درجات ويجيبوا اسئله صعبه ؟

9_ ومين افضل الاستاذات ياليت تقولوا لي اساميهم ؟

10 _ واستاذه المعمل نفس استاذه الماده الي تعطينا نظري ؟

سووري تحملوني بس انا مررررررة خااايفه ولان الماده عليها 4 ساعات يعني ممكن ترفعني او تخسفني
وحطيت الاسئله نفسها في موضوع ثاني بس مااحد جااوب عشان كذا سويت موضوع
والله لايحرمني منكم

[n zeen]

امس استخرت للمرة الاخيرة وارتحت اكثر للأحياء ..
^ اهنيك ع الاختيار > متعصبة للاحياء مره ههههههههههه

وانشاءالله يكون خيرة ليا يااارب
^ آمين ي رب

مع اني كنت جدا محتارة بينه وبين الفيزياء
وطبعا كتبت الفيزياء 2 رغبه
المهم بما انه خلاص كل شي انتهى وعبيت الرغبات وخلاص حاابه اسألكم كم سؤال بخصوص ماده الاحياء 202
^
الماده جدا سهلة كلها معلومات احياء قديمه زي الثانوي وكل باب يتكلم عن شي ...
الماده كان فيها ابواب لـ البيئه والنبات فـ درستنا د. من النبات اسمها فاطمة عطرجي جدا كانت سيئة
وابواب الحيوان تدرسنا فيه استاذه سحر مليباري شرحها ممتازٍ .. وهاديه وذوق .. بس مشكلتها تخسف بالحضور
غير عن باقي الدكتورات اللي ما يحطو درجات ع الحضور

1_ من فين كنتوا تذاكروا احياء 202 من الكتب او السلايدات ؟؟ وماهي الطريقه المفضله للحفظ والاضمن ؟
من الكتاب وكان واضح ملون جميل كل باب لون غير ..
عن نفسي طريقه حفظي اقرا الصفحة .. بعدين اسجل النقاط المهمه ف دفتر عشان تثبت المعلومه ..

2_ المنهج كلله انقلش او نص ونص يعني فيه عربي ؟
كله عربي ..

3_ كيف الاسئله مقالي او اختياري ؟ سهله او صعبه ؟ هل الاسئله موحده لكل طالبات التخصص ؟
مقآلي عند د.النبات .. و خليطي ( مقالي + موضوعي ) عند استاذه سحر .

4_اذا كنتوا تذاكروا من السلايدات تجي الاسئله يعني اقصد الكلام نفسه الي بالسلايدات ؟
في الاحياء ما نهمش الكتاب لازم نذاكر من كلو .. ورق + كتاب + كراسه المعمل كل شي .. ):

5_ واذا كنتوا تذاكروا من الكتاب يعني كيف تذاكروا الدكتروة تأشر معاكم ؟ ولاتجلس تبربر وانتوا تأشروا الي تقوله ؟
والله ما ابي اظلمها يمكن كانت تاشر وانا مفهيه .. بس على حسب الكتاب
يعني فيه دكااتره اللي تشرح من الكتاب ولا توزع ملازم .. تاشر كلام في الكتاب ..
وفيه لا معاك الملزمه كلها .. وتحذف لك كم رسمه ما تكون معاكي بالاختبار .

6_ وكيف معمل الماده سهل او صعب ؟ ومااهي الدروس ؟
ما حضرت له معمل ايامها ما فتحت المعامل . )/:
عموما حبيبتي معامل الاحياء ممتعة .. تشتغلين على مجاهر وشرايح

7 _وكيف اختبارات معمل الماده نفسها يعني الاسئله كيف ؟ اعطوني مثال
اساله المعامل تكون زي مثلا تمشي تشوفي الشرايح بالمجهر والسوال فـ الورقه تعرفي ؟
ف تكتبي وش الحيوان او القطاع اللي شفتيه وفين .. كذا اساله المعامل .. مع شويه صح وخطا واختياري
ورسمه كامله .. تحطي عليها البيانات .

8 _وكمان الاستاذات تبع الماده الاحياء 202 كيف تعاملهم كلهم تماام ؟ ولا فيه الزين والشين ؟وفيه استاذات ينقصوا درجات ويجيبوا اسئله صعبه ؟
قلت لك الكتاب مقسم على استاذتين ..
ما انصحك بفاطمة عطرجي .. ما تعطي الا سوالين عليها 15 درجه وما يحلو فيها البنات .
غير كذا تجلس تسولف طول المحاضره وتسب فـ جده والحر والمطر .. ولا تعطيكي موعد للاختبار
فجاه تختبرك ..
تفكي الكتاب تلاقيه شي ثاني عن الحكاوي اللي قالتها ..

9_ ومين افضل الاستاذات ياليت تقولوا لي اساميهم ؟
والله ما يحظرني الحين ): عموما كلهم كويسين الا قليل زي منال كيكي ، نجوى بو زناده ، نفيسه باطرفي ، عطرجي ، الجوهره الدهيش هذولا ما يمدحوهم كثير ..

10 _ واستاذه المعمل نفس استاذه الماده الي تعطينا نظري ؟
لا استاذه المعمل غير .. ودكتوره النظري غير

[جيزان]

بس حبيبتي انتي متى درستي الماده ؟
لاني سألت البنات الي في السليمانيه يقولوا اخذوا الماده كلها انقلش
ولاسئله كلها اختياري

مااادري امكن الفيصليه ياخذوها عربي مع اني مااتوقع

عشان كذا انا شايله هم المذاكره لانه الماده مو عربي كلها انقلش وكمان يقولوا من نفس كتاب التحضيري تكملوا عليه ,, انا لهذا السبب خايفه من طريقه المذاكرة

الله يعين يااااااارب

[n zeen]

درستهآ فـ الفيصلية .

[Haioof]

الدراااسة في الفيصلية بالعربي

انا سألت دكتورة نوف عسيري وهيا قالت كلووو عربي وهيا تدرس احياء

[جيزان]

غريبه ياهيوف طيب ليه الفيصليه عربي والسليمانيه انقلش ؟؟
بس لايكون يابنت الشهاده تختلف او هما الافضل بعد ماايتخرجوا

بس الحمدالله طمنتوني الله يسعدكم

[Haioof]

ايوا ياقلبي قلنالها نفس الكلام .. وقالت لا الشهادة هيا نفسها

بس هما حيكون عندهم لغة اقوى واحنا لا .

وقلنا لها ليش طيب الفيصلية مو انجليزي قالت مادري لسا ماثبتوا اللغة عندنا